Read idege EJE ỌNYỊỊLA 54 Bible Online

EJE ỌNYỊỊLA 54 - idege bible

EJE ỌNYỊỊLA 54

¹Ohe Oluhye ee, chịm da bwula ọngịrị ọtụka nyang, chị oku ham bwula ọngịrị ọlala nyang.

²Ohe Oluhye ee, wo abwọ ọrịrị nyam, ká ke ụrụ wo ẹla ọlọnụ nyam.

³À tị́ jẹ lẹ, angga họ wirim jahị dam lẹ-ẹ, alabwẹga jam tịtọ kị ka tụm ẹhị pịrị— ee, ịwa angịlẹ ká Ohe Oluhye-é ri ịngịngịhyẹ nyaa ka ịnyị.

⁴Ohe Oluhye ri ọngọdụbwọ nyam, ọngọlahị ri ọngọ chẹwụ kem̄.

⁵Ang onyobyi ọlẹ ká aluji nyam me jahị dam ā yẹ kaka kụrwaa, aa taa ayịreji gbanggbang jaabwọ ká ya deeji.

⁶Amkpaa ee, m̀ ka kịla iya o-bwu irya nyam hang, m̀ ka jing obe, chajị à hiigu.

⁷À gbam kpehe bwu ẹpwụ nya akama nyam wuu, à dam ụbwọ m̄ kụrụ aluji nyam lẹ. Eje Ọnyịịla nya iDevidi ọdatị-datị ọlẹ ri nya olegbeju nya angị mwu eje.