Read idege EJE ỌNYỊỊLA 60 Bible Online

EJE ỌNYỊỊLA 60 - idege bible

EJE ỌNYỊỊLA 60

¹Ohe Oluhye ee, à pwahị, duuhi abwọ yịgẹ-yịgẹ, à wụ ẹjẹ tahị ene-ene, ọlẹẹlẹẹ tị lẹ, tịrịịhị ẹkpẹ nyà chị ịlọng ọgụ mẹ.

²À hụ ọpyị ọlẹ jigi-jigi, a hụlọọ hwaarịị hi awụlẹ. Ẹga kọ pyị iloo wẹẹ, aa pwọọ ku awụlẹ mẹ, ọpyị nyahị jam hụ́ láta-lata wẹẹ.

³A họ angịnyị nyang yẹ akama kpá kwẹhụ ka, a ya ere nya ịkịrama hahị nwà, du kahị jam jẹdịyẹ yata gbaagbaagbaa.

⁴À kpa ụgbàńg nyang ka uhye nya ang-ẹjẹẹ ha angịlẹ kịị ju ihi nyang, chajị kị ka be hi ịcha nya aluji.

⁵Chịhị da lọngịrị nya ụbwọ upwuriri nyang, ká gba angịnyị ị-hán̄g há nyang kpehe mẹ.

⁶Ohe Oluhye ya bwu ube ịgọgọ nyamwụ yẹkẹẹ, “Bwula ọkụrụ-kụrụ, m̀ ka gà ọpyị nya iChekem, m̀ ka chị Ọkpọọ nya iSukotu ebwo gịla angịnyị nyam.

⁷IGiliyadị ri ịnyam ri, ịManasẹ ri ịnyam ri, Ifurem angịdẹwụ nyam à ka bwu lẹ, iJuda ịdịrịhụ ịlẹ kam ka chụ à tị ka bwu lẹ.

⁸IMowabụ ka ri ẹja ọtabwọ nyam, m̀ ka pwọ egbatẹ nyam chị kele ka Ẹdọm ọnyọhị nyam, m̀ ka da iwuru gboo chajị nya ọ-kụrụ ala iFilisitiya kụrụ.”

⁹Ohe Oluhye ee, oowo à tị́ ka kpam ka epweji ọlẹ kị me egwalọ ju-ù wẹ kpá lẹẹ mẹ? Oowo tị́ ka kpam ụgbẹyị ka Ẹdọm lẹẹ mẹ?

¹⁰Ohe Oluhye ee, à pwahị ịnyịlẹhị lẹ-ẹ́? Á ka kpa angịdẹwụ nyahị chị ka ẹwụ kaka-á?

¹¹Dahị ụbwọ kahị kụrụ aluji nyahị me, ụbwọ ọdada o-bwu ẹga nya angịnyị ehe-é kpụ ịngịhyẹ ka.

¹²Ohe Oluhye-é ji oye nyahị lẹ, aalẹ, ahị ka la okụrụ-kụrụ, ọ ka kụrụ aluji nyahị chẹẹchẹẹ. Eje Ọnyịịla nya iDevidi ọlẹ ri nya olegbeju nya angị mwu eje.