Read idege EJE ỌNYỊỊLA 61 Bible Online

EJE ỌNYỊỊLA 61 - idege bible

EJE ỌNYỊỊLA 61

¹Ohe Oluhye ee, wo ida ọlẹ kam wẹẹ je! Ke ụrụ wo abwọ ọrịrị nyam!

²M̀ wẹẹ chị eko wụrụng bwu ẹga ọlụrụ, ahị ọdahile gụm myị lẹ! Kpam ka ẹga nya ẹjwọ ọlẹ kọ ri iwe ọkpịbaa.

³Ahụ à ri ẹga ọkpịbaa nyam lẹ, ẹga ọkpịbaa ọnyọọngịrị ọlẹ kọ ka kem hi aluji nyam.

⁴Myị kam kụ u-ube nyang ẹ-ẹpwụ nya ọhịhị nyam wuu, kam ye ẹwụ ọ-chị ke ekpeleji nya achwọ nyang.

⁵Ohe Oluhye ee, à wo iro ịlẹ kam nwà hang, à ya ang-ahị ọlẹ ká hunọ ha angị ju ihi nyang ham lẹ.

⁶Aa chị ụpwụ ọnwọnwụ ke ọhịhị nya adịrahụ, ká ẹhị nyamwụ ā oyi ọhẹ bala oyi ọkịla ịnyịnyịịnyị kịlahị-ịlahị.

⁷Họ kọ kịnyaa la o-ri adịrahụ ị-ịlahị nyang gbe oyi myị oyi, ká kpa ya ọháha o-gbu enyi-ka bala ọkpẹẹkpẹẹ nyang kpẹhị rịrọọ.

⁸Aalẹ, m̀ ka juwa mwu eje gwogbo hang ụka wuu, bala ọ-ka họ ọnụ ọlẹ kam myị hang jịra ẹnụ myị ẹnụ lẹlẹ. Eje Ọnyịịla nya iDevidi ọlẹ ri nya olegbeju nya angị mwu eje