Read idege EJE ỌNYỊỊLA 75 Bible Online

EJE ỌNYỊỊLA 75 - idege bible

EJE ỌNYỊỊLA 75

¹Ohe Oluhye ee, ahị jing obe! Ahị jing obe! Ahị ya ụmụmẹ nyang dodehe tụ ụkụrwọ ẹbyẹbyị ịlẹ ka họ.

²Ohe Oluhye yẹkẹẹ, “M̀ hu ụka nya eje ọlala nọ lẹ, m̀ ka leje la ọ-jẹ oye-oye ka.

³Ó-ri ká ang ọhịhị ọnyị myị ọnyị olodehe-é juwa hụ́ kpákpaakpa, ká odehe-é juwa hụ́ jigi-jigi wẹwẹ, m̀ ka wu itiwe nyamwụ godayị giri-giri.

⁴M̀ byi angị inyibyi ma ị hu abwọ la ọgọm ọchịchị nyaa, kị ka kpụba la ahị ohihi nyaa mẹ.

⁵Anụ hu abwọ la ọ-chị ogbilo ta epwoohe, juwa ya ịtara-ịtara nya ala mẹ.”

⁶Ọngọngọhẹ bwu ọmwẹnụ-ụtụrụ lee ọmwẹnụ-obi, lee ọ-dọmwụ bwu ugbileji-í ka hu ọngọkịla hwaa myị ka.

⁷Ohe Oluhye à ri ọngọleje lẹ. Ọ́ ya eje wu ọngọhẹ, Ọ ya eje rụ ọngọkịla.

⁸Amkpaa kpa ẹkpẹ ọhẹ ụ-ụbwọ nyamwụ, ere o-ju egbeju myọọ juwa chị awụụ pwụtụ-pwụtụ. Ọ chọọ ju a-ang, angịnyị inyibyi ilodehe wuu nwà ere ọọwa, ị nwọọ hi ọmwụ-ọmwụ.

⁹Am lẹ, m̀ ka chị ọkẹkẹnị pyịyọọ, m̀ ka mwu eje gwogbo ha Ohe Oluhye nya iJekọbụ.

¹⁰Ohe Oluhye ka ta ọngịrị nya alabwẹla onyobyi ayịreji. Ọ tị ka ya ọngịrị ha alabwẹla ọnyịịla gụ ọọwa-ọọwa. Eje Ọnyịịla nya Asafụ