Read idege EJE ỌNYỊỊLA 8 Bible Online

EJE ỌNYỊỊLA 8 - idege bible

EJE ỌNYỊỊLA 8

¹Amkpaa Ọngọlahị ee, ẹnyị nyang chakpa la ụmụmẹ! Ọ myị odehe ọlẹ wuu pwẹẹpwẹẹ! Ọ la gidogboo pwụ epwoohe.

²Anjwo ichiche bala anyị ịlabwọ juwa mwu eje nya ụmụmẹ nyang. A chị ajẹ ọnyọọngịrị yẹ ịlọng dada ajị nya aluji nyang, ká ọngọngọhẹ-ẹ́ ka ya ẹhị dang bwee kaka.

³M̀ chẹhị yẹ uhye-ọgba ọlẹ ka kpa ụbwọ nya ịlọng họ wuu, ọya bala ịdịchụ ịlẹ ká ya ji ẹgẹgẹẹga nyaa.

⁴Ịịyẹ ọngịnyị à tị ri kaahụ Ohe Oluhye me irya me jwọọ ịnyị-ị̄, ọngịnyị ehe amamadiroko ká kpahị ju ẹla nyamwụ ịnyị-ị̄?

⁵A họ ọngịnyị ehe la iwe-ahụrụ ọbẹdẹẹ gụ ịnya ịlọng, a tị ya ụmụmẹ bala ihi ọlala ba ọngịnyị ehe.

⁶A hwọọ ri olegbeju nya ang myị ang ịlẹ ka họ, a ya ang wuu ji ekpeleji nya ọngịnyị ehe.

⁷Ịmwụ bala ịna wuu, tụ iyo ịlẹpwamẹ,

⁸ịchịnụ bala iyenyi tụ ang ịhịhị ịlẹpwụ nya enyi wuu ji ekpeleji nya ọngịnyị ehe.

⁹Amkpaa Ọngọlahị ee, ẹnyị nyang chakpa la ụmụmẹ! Ọ myị odehe ọlẹ wuu pwẹẹpwẹẹ! Eje Ọnyịịla nya iDevidi ọlẹ ri nya olegbeju nya angị mwu eje