Read idege EJE ỌNYỊỊLA 87 Bible Online

EJE ỌNYỊỊLA 87 - idege bible

EJE ỌNYỊỊLA 87

¹Amkpaa nwụ epweji nyamwụ rịrị ọ-ọgbọdọ ọlịgọgọ.

²Epweji nya iJerusalẹm à họọ gụ ẹga ịkịla ịlọpyị nya Isirẹlụ wuu lẹlẹ.

³Ahụ epweji nya Ohe Oluhye ee, ị chakpa ya ala ịnyịịla rụng lụmẹ!

⁴“M̀ ka wa ala Ijipiti bala ala ịBabịlọn jula alụma ịlẹ wuu kịị jum ihi— tụ ala iFilisitiya bala ala ịTaya bala Itiyopyiya, ịwa wuu ka yẹ ri ala iJerusalẹm!”

⁵Ị ka ya ẹla rụ́ ịSayọn yẹkẹẹ, “Ụma ọlẹ tụ ụma ọlaanyị wuu ri ala ịSayọn ịnyịnyị.” Agụgụ lịlọmwụ à wahị kụrụ epweji ọwẹ lẹ.

⁶Amkpaa ka da ẹnyị nya ụma ọnyọnyọọnyị ju, waa nyori ịwa wuu ri ala iJerusalẹm lẹ.

⁷Ịwa wuu ka chewo juwa kpa ya yẹkẹẹ, “Ị-ịSayọn ẹmwụ nya ahị ọwawa nyahị à ji lẹ.” Eje Ọnyịịla nya anyị ịtụma nya iKora ọlẹ ri nya olegbeju nya angị mwu eje.