Read idege EJE ỌNYỊỊLA 91 Bible Online

EJE ỌNYỊỊLA 91 - idege bible

EJE ỌNYỊỊLA 91

¹Ọngọlẹ kọ kụ ẹ-ẹpwa nya Amkpaa, kọ ji ekpeleji nya ẹwụ ọ-chị ke nya Agụgụ,

²ọngọọwa ka ya ẹla rụ Amkpaa yẹkẹẹ, “Ọwa-à ri ẹga ọkpịbaa bala ube ọnyọọngịrị nyam lẹ, ọwa-à ri Ohe Oluhye ọlẹ kam kaa dahịhile lẹ.”

³Ọ ka chẹwụ keng hi ụnya ọnyị myị ọnyị, bala o-keng hi ẹdụrụ onyobyi ọnyị myị ọnyị.

⁴Ọ ka pyẹ achwọ nyamwụ keng, ọ ka pyẹ arụrụ nyamwụ maaa kụrụng, ọkpẹẹkpẹẹ nyamwụ ka ri ọkụmada ọ-chẹwụ keng.

⁵Ā ju uhi nya ang iluhi-uhi ịlẹpwụ nya odu lee ọ̄yị ịlẹ kị ka da jahị dang lẹnụ ka.

⁶Ā ju uhi nya ẹdụrụ onyobyi ọlẹ kọọ denggbe ẹ-ẹpwụ nya ukpowu lee ang onyobyi ọlẹ kọọ nwụ ọngịnyị lẹnụ ẹ-ẹpwayịrẹtẹ ka.

⁷Ụnọ nya angịnyị ka hị chị e-eji kpịlagada, gbu taaa ịkịka nyang, lee angị ụnọ iwo ka juwa gbu dagaga jung myị, ang inyibyi ịwẹ-ẹ́ tị ka họng ịngịngịhyẹ ka.

⁸Ịnyang ri ọ-ka kpẹhị nya ịlọng yẹ jaabwọ ká angịnyị inyibyi ka yẹ akama.

⁹Ahụ lẹ, à hu Amkpaa nya ẹga ọkpịbaa nyang lẹ, à hu Agụgụ nya ọngọ ka keng-ke lẹ.

¹⁰Lẹẹlẹ, ang onyobyi ọhẹ-lọhẹ-ẹ́ ka chịng ọgụ ka, akama ọhẹ-lọhẹ-ẹ́ ka tụ ju ẹpwa nyang chwẹẹ ka.

¹¹Ohe Oluhye ka du alegu-ẹrụ nyamwụ kaka kpẹhị rịrịng, ị ka chẹwụ keng ẹ-ẹga myị ẹga ká juwa ka.

¹²Ị ka hung kpa a-abwọ nyaa chokoo, ká ka ya ẹta nyang chị ẹjwọ lọngịrị-ọngịrị kpẹng-ng ka.

¹³À ka jẹdịyẹ bwu uhye nya egabẹ bala ilo, à ka kpa ẹta-ẹta jẹ egabẹ ịlụrụ-ụrụ bala ilo ịlẹhwa.

¹⁴Ohe Oluhye yẹkẹẹ, “M̀ ka chị angịlẹ wuu kam háa da, m̀ ka chẹwụ ke angịlẹ wuu kị jẹm lala Amkpaa nyaa.

¹⁵Ụka kị wụrụm, m̀ ka myị ẹkọ nyaa, ụka kị ji ẹpwụ nya akama, m̀ ka juwa taa, m̀ ka gbaa kpehe kam ka ya ihi ọlala haa.

¹⁶M̀ ka họ myaa bwula ọ-ya ọhịhị oludiyo haa, m̀ ka chaa da.” Eje ọnyịịla ọlẹ ri ọlẹ kị ka mwu ẹnụtụrụ nya Ọhịnyọ Lụkụrwọ