Read idege EJE ỌNYỊỊLA 95 Bible Online

EJE ỌNYỊỊLA 95 - idege bible

EJE ỌNYỊỊLA 95

¹Anụ kẹwẹ, kahị mwu eje nya ọkẹkẹnị ha Amkpaa! Āhị chị ụkwa nya ọkẹkẹnị dọ̀ọọ ha Ohe Oluhye ẹjwọ ọlẹ kọ chịhị da.

²Āhị wẹ ijata nyamwụ lobe ojiji, kahị mwu eje nya ọkẹkẹnị ọ-kpa gwogbo họọ.

³Amkpaa ri Ohe Oluhye ọtụka, ọ ri adịrahụ ọtụka ọ-gụ ijiga wuu.

⁴Ọwa-à kpa ẹga ịmyọ̀ọọ nya odehe wuu ụ-ụbwọ tụ ịgbọdọ ịtụka wuu lẹ.

⁵Ihu ri ịnyamwụ, ọwa-à tị́ họọ, tụ ịpyị, ụbwọ-ụbwọ nyamwụ à họọ lẹ.

⁶Anụ kẹwẹ oo, kahị hirikpẹẹ gbịgba họọ, kahị ya ụrụụ kụ e-eji ị-ịlahị nya Amkpaa Ọngọ họhị!

⁷Ọwa-à ri Ohe Oluhye nyahị lẹ, ahị ri angịnyị ịlẹ kọọ wẹẹ kpẹhị rịrị, ịkpịlọ ịlẹ kọ wẹẹ gbe. Anụ ke ụrụ wo omyi nyamwụ alẹ mẹ!

⁸Anụ la egbeju-ọngịrị jaabwọ ká adanụ igogo anyị họ i-iMeriba kokoo, lee jaabwọ kị họ ị-ịMasa u-ugbileji ka.

⁹Ụ-ụwa adanụ igogo anyị mam yẹ, kị ka jẹ ugbodu ojuju nyam, ịnọ ị tị yẹ ụkụrwọ ẹbyẹbyị ịlẹ kam họ.

¹⁰Ẹ-ẹpwụ nya ẹka iwo ine gbẹgbịlẹ, ẹla nya adanụ anyị tụm ànyị, du kam yẹkẹẹ, “Ị ri angịlẹ kịị hwahị hi ọmẹjẹ nyam lụmẹ! Ị́ myị ba ụgbẹyị nyam jẹ ka.”

¹¹Ọọwa, m̄ yọnụ deeji haa nyori ịnyaa ịwa-ịwa lẹ, ị́ ka jụ ka ọpyị ọlẹ kọ ri ẹga kam wẹẹ ka ya ọmwịịnyọ haa kpá ẹnẹnẹhẹ kaka lẹlẹ.