Read idege EJE ỌNYỊỊLA 99 Bible Online

EJE ỌNYỊỊLA 99 - idege bible

EJE ỌNYỊỊLA 99

¹Amkpaa à ri Adịrahụ lẹ! Alẹpwụma wuu che kpákpaakpa. Ọ hụhụ ẹ-ẹchị nyamwụ apewa nya alegu icherubu, odehe ā hụ́ jigi-jigi.

²Amkpaa la ụmụmẹ ị-ịSayọn, ọ ri adịrahụ nya alẹpwụma ọnyị myị ọnyị.

³Angịnyị wuu ā gwogbo ha ẹnyị ọtụka olihi-ihi nyamwụ. Ọ lịgọgọ!

⁴Adịrahụ ọtụka ee, ẹla opwoku à kaa háng lẹ, à ya eje ọkpakpa ọchịchị yeji Isirẹlụ lẹ, à họ abwẹla ọnyịịla ọhọhọ ji à họ ẹla ọ-họ oye-oye ka ji lẹ.

⁵Anụ gwogbo ha Amkpaa Ohe Oluhye nyahị, kanụ gbịgba i-ijata nyamwụ! Ọ lịgọgọ!

⁶IMosisi bala Erọn ri angịhyẹ nya angịkiliya nyamwụ, ỊSamwẹlụ ri ọngọhẹ nya angị kaa raabwọ họọ, ị be ẹkọ wụrwọọ bịlẹ ụbwọ ọdada, ọ myị ẹkọ nyaa ọọwa.

⁷Ọ ya ẹla taa bwu ẹpwụ nya egbamwụ, ị ba ehile bala ọmẹjẹ ịlẹ kọ ya haa jẹ̀.

⁸Amkpaa Ohe Oluhye nyahị ee, à wẹ ọbịlẹ-bịlẹ nya angịnyị nyang, à ri Ohe Oluhye ọ-kaa hịnyọhi ẹ-ẹga nyaa, à tị yaa akama ụka kị họ tịpyọ.

⁹Anụ gwogbo ha Amkpaa Ohe Oluhye nyahị, kanụ gbịgba họọ ọ-ọgbọdọ ọlịgọgọ nyamwụ. Amkpaa Ohe Oluhye nyahị lịgọgọ!