Read idege ỌngọliryaỌngọ 11 Bible Online

ỌngọliryaỌngọ 11 - idege bible

ỌngọliryaỌngọ 11

¹Hụ ajẹ ẹ-ẹrụ nyang pyẹ ụbwọ maa; ụka kọ nọ chẹẹ a ka ye wụ ọgwọgụ.

²Wu ẹrụ ebwo irwiye lee ineku, chajị á jẹ inyiribyi ọlẹ kọ ka kpụ ọpyị ka.

³Okoji-í kpụ da koye nya edii, ụ-ụwa ọọ da lẹ; ọ́ kpụ da ka ẹtẹ, ụ-ụwa ọọ da lẹ. Ohe-é nyi enyi dọọọ, ọ do ẹnyị ọọwa.

⁴Ọngọ bata nya igbachịwụ ọdada-á ka họ ang ẹ-ẹrụ ka, ọngọ yẹ ọyọyị nya egbamwụ-ụ́ ka wụ ang-ẹrụ ka.

⁵Jaabwọ ká jẹ ụgbẹyị ọlẹ ká ọhịhị nya ọnyị-ị dọmwụ ẹ-ẹpwụ nya ịnamwụ ka wẹẹ, ịnyịnyị a ka jẹ ụkụrwọ nya Ohe Oluhye ọlẹ kọ họ ang wuu kpá myị ka lẹ.

⁶Aa hụ ajẹ nya ang-ẹrụ nyang lụtụrụ, ká hụ lobyi ịnyịnyị, chajị á jẹ ịlẹ kị ka hagụ datị ka. Ịwa imimiiye tị ka há myị.

⁷Ahịgboo hiigu. Ọ kpụ ịpyọ lụmẹ nyọka jẹ-ẹ yẹ ahị ọpyẹpyẹ.

⁸Jaabwọ ká hịhị tata ka ba, aa chị ọkẹkẹnị ju ẹnụtụrụ ịịwa wuu. Tị jẹ mẹ a ka juwa e-ejegu tata gụ ẹnụtụrụ ịịwa wuu wẹẹ. Ọhịhị olijuju ri ododu.

⁹Ahụ onjwo okolobya, ya ụya ju ọhịhị nya enjwo nyang, ká chị ọkẹkẹnị ụka ka ri onjwo-o wẹ wẹẹ. Aa họ ang myị ang ka ọkịlẹtụ nyang tịtọ bala ang myị ang ọlẹ kọ ma irya nyang ma mẹ. Tị jẹ mẹ, Ohe Oluhye ka lang eje u-uhye nya ang ịlẹ ká họ wuu.

¹⁰Hwabwọ la imahị omeme, ká pẹhi ang ọ-ka ya ọjụjụ ha inyịrọ nyang; chajị ụka nya onjwo oriri bala inyi inyibyi ri obwubwu ri ododu.