Read idege AYỊSAYA 12 Bible Online

AYỊSAYA 12 - idege bible

AYỊSAYA 12

¹Ẹnụtụrụ ọhẹ juwa wẹ ká angịnyị ka mwu eje yẹkẹẹ, “M̀ ka jing obe, Amkpaa nyam. Ịnọ ene lẹ, à wụ ẹjẹ tam, ọlẹẹlẹẹ tị lẹ, á wụ ẹjẹ tam kaka, à kpụm ẹjẹ lẹ.

²Ohe Oluhye a ri ọngọchịda nyam lẹ. M̀ ka dahịhiloo, ḿ ka ju uhi ka. Amkpaa-à ri ọngịrị bala eje nyam lẹ, ọwa-à ri ọngọchịda nyam lẹ.

³Anụ ka chị ọkẹkẹnị nyọlẹ ká Ohe Oluhye chịnụ da jaabwọ ká enyi ọhyẹ̀hyẹ̀ kaa ya ọkẹkẹnị ha ọngọlẹ ká imyi-enyi nwụ.”

⁴Ẹnụtụrụ juwa wẹ kanụ ka mwu eje yẹkẹẹ, “Anụ ji Amkpaa obe, kanụ be ẹkọ bịlẹ ụbwọ ọdada bwu ẹga nyamwụ! Anụ ya dodehe ká alepwoja wuu a jẹ ang ịlẹ kọ họ, kanụ ya jaa kị jẹ jaabwọ kọ la ụmụmẹ ka ba.

⁵Anụ mwu eje gwogbo ha Amkpaa, chajị ọ họ ang ịtụka lụmẹ. Anụ họ ká alodehe wuu ā wo oja ọlẹ.

⁶Anụ angị kụ ị-ịSayọn wuu, anụ da iwuru la omyi ogboo, kanụ mwu eje nya ọkẹkẹnị, chajị Ọngọ Ọlịgọgọ nya ala Isirẹlụ la ụmụmẹ, ọ kụ ẹ-ẹpwarịrị nyanụ.”