Read idege AYỊSAYA 20 Bible Online

AYỊSAYA 20 - idege bible

AYỊSAYA 20

¹Ẹka ọhẹ juwa ká ịSaagọn Adịrahụ ọtụka nya ala Asiriya du olegbeju nya angịdẹwụ nya ala Asiriya kaka mwẹla ta epweji nya ala iFilisitiya ọlẹ kị wụrụ Achịdọdụ.

²Ẹka ịta ene nya ọọwa, Amkpaa lẹẹ byi Ayịsaya ọnyị nya Amọsị ya nyị yi apwụ nya owuru ọkpakpa ọlẹ kịị duru bala ọ-pwọ ugbẹtẹ nyamwụ. Ụka ọọwa, Ayịsaya lẹẹ ju ihi nya Amkpaa kpụ ọ ka ga tụ gaa lọhị-lọhị la o-ju ugbẹtẹ ka.

³Uka ka aluji kụrụ epweji nya Achịdọdụ kpá, Amkpaa yẹkẹẹ, “Ayịsaya ọnchẹ nyam lẹẹ ga lọhị-lọhị la o-ju ugbẹtẹ ka ẹ-ẹpwụ nya ẹka ịta gbẹgbịlẹ lẹ. Ọwẹ ri ang-ẹjẹ nya ang ọlẹ kọ juwa ka họ ta ọpyị nya Ijipiti bala Itiyopyiya ị-ịlahị.

⁴Ịịwẹ adịrahụ ọtụka nya ala Asiriya à ka go ala Ijipiti bala ala Itiyopyiya nya alagba kpa rụ lọhị-lọhị lẹlẹ. Angịgbahị tụ anjwo ka jẹ lẹpẹtẹ-ẹpẹtẹ lịmwụ chị odehe. Oyoyi ka ju ala Ijipiti.

⁵Angịlẹ kị dahịhile Itiyopyiya bala ọ-kaa kpa Ijipiti chị ọgọm wuu, ahị ka haa koriii, oyi ka jwaa.

⁶Ụka ká ụka ọọwa-á pwụ eji ala iFilisitiya ịlẹ kị kụ ọnụ-enyi ká chị abwigo byi awụlẹ yẹkẹẹ, ‘Anụ yẹ ẹla nyahị dụwẹ mẹ, angịlẹ kpá kahị dahịhile kpa kahị kaa rụnyẹ kaka baba hi adịrahụ ọtụka nya ala Asiriya, ịwa-à kpụ ịtẹbyị wẹ lẹlẹ!’ ”