Read idege AYỊSAYA 28 Bible Online

AYỊSAYA 28 - idege bible

AYỊSAYA 28

¹Epweji ọtụka nya ịSameriya ee, à ri enyi gu obyi lẹ! alegbeju ị-nwa ere kpụ ere nyang tị́ kpang yaya nwẹhị, ụmụmẹ nyang tị pwọ ido lẹ. A kụ ọkpọọ o-ju eyo kpá, ụhị nyang tị ka gbu womboo lala angịlẹ ká ere kaa kpaa nọnọ.

²Ọngọlahị la ọngọ ọngọtụka ọlọngịrị ọhẹ, ọngọọwa ka gba mịlaa nmoo lala Ohe à do ekpawẹ lala igbachịwụ nya enyi ọtụka lala ukpenyi ọtụka, ọ ka kpaa nọnọ bẹẹbẹẹ.

³Epweji ọtụka ọlẹ ká alegbeju ị-nwa ere kpụ ere kaa kpa yaya pyii, ị ka kpọọ nọnọ kpa ata bọọ.

⁴À kụ ọkpọọ o-ju eyo kpá, ụhị nyang tị ka gbu womboo, ị ka chịng ukpọnụ ri jaabwọ kịị hyà ikiledu nya ọgbanyẹ ri.

⁵Ụka ká ụka ọọwa-á pwụ eji, Amkpaa Agugu à ka ri okpo-adịrahụ ọlẹ kọ ka ri ụhị nya angịnyị nyamwụ ịlẹ kị ka hi lọhịhị lẹ.

⁶Ọ ka ya olegu nya eje ọ-chị kpakpa ha angịleje, ọ ka ya ọhụ ojuju ha angịlẹ kị wẹẹ gbe epweji hi aluji.

⁷Ọ dọmwụ lụmẹ kpu kpuu alọmwụ bala angikiliya kaa nwa ere juwa ya tu-ugbeyi da gu gbaa-gbaa-gba, ere haa kpa dii dii kpụ ị họ kpa dii dii la ere onwanwa le; ọọwa lẹ ịka je ẹdịyẹ juwa ya-ata lata-lata-lata la ere onyoọngịrị ọ nwa-onwa lẹ, ihu-ahi hi ugbeyi ẹpwụ oyi-oyeye lẹ, ikilata mileji ẹpwụ nya eje ọlala lẹlẹ.

⁸Itebwuru wuu myị la onu-eji okoko le: egegehe a la cheri-cheri kaka.

⁹Ọọwa lẹ ijuwa tịtọ i-ile lẹlẹ; “O-owo Ayisaya a tị me irya kọ wẹẹ me ang je-e? Ọọwa oti wẹẹ maga nyọka da ala nyamwụ wụle ya je me? Anyi-anjwo ichiche ikpa eme nye lẹka-a! Anjwo ichiche ịlẹ kị wẹẹ ka chị eme hi inaa lẹka-a.

¹⁰Ọọwa lẹ otịtọ kọ ka me eche nya ang ookpokpo bala ụgbe nya ẹla ookpokpo je-ehi ẹnụ myị ẹnụ, ogba ookpokpo ẹnẹnẹẹnụ, ang ojeje eche-ookpokpo ụka wuu lẹlẹ.”

¹¹Ma ori kanụ ka myii ke ụrụ kaka lẹ aalẹ, oja nya angga ịkịla ibwu odehe, bwula ugbonu ọ chi-ewo rworworwoorwo la ugogo-ochichi owa ọ-ka kpa ya ẹla tanụ lẹlẹ.

¹²Owa ọngọ ọlẹ ka ọ byaa yẹkẹẹ, “Ega omwiinyo le-e, anụ kẹwẹ ka mwu-inyo me anụ angiile ka inyiro chị pyepye bala ẹga nya okpunyi a lẹẹ lẹlẹ;” iti myị ke ụrụ ka.

¹³Chajị nya ọọwa a du lẹ, ká Amkpaa Ohe ka me ang jaa la ọ-ka kpa ugbe nya ẹla ookpokpo ookpokpo bala ogba nya ẹla ọnyị-onyoọnyị bala ọ-ka kba ugbehi nya ẹla ọnyị myị ọnyị, dọmwụ yioo myịmyị moo yalele.

¹⁴Chajị nya ọọwa lẹ, anụ wo ẹla nya Amkpaa Ohe lẹẹ mẹ anụ angi kaa kpa angịnyị họ myị anyị, ọọwo a tị wẹẹ gbe angi ịlẹ kị juwa epweji nya iJerusalẹm.

¹⁵Anụ tị́ byi ịlọnụ kanụ nwa iro ta igu lẹ. Anụ ya ịwa bala ejegu nyị myị ẹla ju awụlẹ lẹ, akama nyị́ wẹwẹ, nyị́ ka wu ịwa ọyị kaka. Ịnịịkịla anụ wẹẹ kpụnịrọ lẹ. Anụ me ká ụgbaa ọ-da ịlọnụ ka chẹwụ keenu myị.

¹⁶Chajị nya ọọwa lẹ, ịịlẹ Ọngọlahị Amkpaa-à ya lẹ, “Anụ yẹ mẹ, m̀ jam ya itiwe ogiri-giri yeji ị-ịSayọn. Ẹjwọ ọọwa ri ochirigogo ọlẹ kị da ba yẹkẹẹ, ‘Ọngọ la ahị ọdahile kaa godayị kpọọọ’.

¹⁷M ka kpa eje nya abwẹla ọnyịila họ ka owa ka ri ori-okpa da oya nya omwu-uji nya epwang omeme bala ọ-ka họ ka abwẹla ọnyịịla ka ri ojoje okpa ma omwu-uji nya ugulo ọlẹ kanụ ka me. Ma, igbachiwu bala Ihu enyi ka turu ẹga ọ kpu ịbaa nya onu-okila nyanụ, enyi ka mwọọ rụ, enyi ka myị biri udaa nyanụ too ayịreji.”

¹⁸Ụka ọọwa lẹ iro ọlẹ kanụ nwa ta igu a ka yile lẹlẹ, Upwu nya ọnụ ọmyịmyị ọlẹ kanụ myị ha awụlẹ bala ejegu a ka godayị kpakpa kaka; ụka ka aluji nyanụ á mwụ bwọọọ lala ukpenyi juwa chịpwụrụ kam, ika kụrụụnụ kpa chẹẹchẹẹ, dọmwụ tu ata tudu-unu.

¹⁹Ụka ká ukpenyi ọtụka ọwẹ a do kọ mwu bwoo kọ myịmyị mwu-ekpe warị lu-uturu ẹnẹhẹ bala lụtụrụ enu-utokila, tu-odu tu-enu aalẹ, ọ-ka wung kpa ru. Ẹrụ odudu onyeewe obwu ẹga nya Ohe-Oluhye ọnyị myịmyị ọnyị ka kpa ang ola uhuhi wari.

²⁰Ịbẹẹdị ọlẹ kanụ nọ la kpii kịla ọ-ka nịra ata kpaaa kịla. Apwụ ọdakụrụ nyamụ la jirere, ọ́ ka keenu myị ka.

²¹Chajị Amkpaa juwa ka wuleji ka dẹwụ jaabwọ ka oda u-uhye nya Ọgbọdọ nya ịPẹrasim, ọ ka wu eje jaabwọ ka Ọ-wụ ụ-ụwa Ọkpọọ nya iGibyọn nyọka họ ang ọlẹ kori ụkụrwọ nyamwụ ọlẹ kọ kaa họ ene-ene, ọ-ka họ ụkụrwọ onyeewe ọlẹ ka ọ họ ẹnẹhẹ lẹka.

²²Chajị nya ọọwa lẹ anụ myịmyị juwa hulo-ahụ ju ona ọdada ọlẹ kam wẹẹ danụ kaka, inyi ka tụbwọ aalẹ, agba ọ juju nyanụ ka lọngịrị lụmẹ gụ ọọwa; chajị m wo eje-ochichi ọlẹ ká Amkpaa Agụgụ Ohe Oluhye nya Ubwo-ewu chị nyọka ta epwoja ilodehe ọlẹ wuu ayịreji.

²³Anụ ke ụrụ la omyi nyam, kanụ me irya ju ẹla nyam ọlẹ ka Am lee ka ya jenu mẹ.

²⁴Anụ ya ka angi wu ẹrụ ka juwa kilahi la eji obwuru-bwuru pyịyọọ la ọ-hu a je nya ang ụ-ụwa ka a? Anụ yẹ kị kaa kilahi la ọ ye ame ju eji pyịyọọ la ọ da ogba nya ang ka-a?

²⁵Ụka kọ bwuru eji peepee kpa la ọ-ka hu apwụ nya-oho ụ-ụwa bala kumin, aje nya apwụ ịkịla datị-datị, bala ọ to aje ambakpa ogbogboogba bala ọ to igbi oyi nya ọpyị ka-a?

²⁶Ọ jẹ jaabwọ kọ ka họ ụkụrwọ nyamwụ yẹẹyẹẹ chajị ohe-oluhye me ang jaa.

²⁷Ọ kaa ika eku-okoji ọ la-ilo ru aje nya ambakpaa bala igbi pyii ka, lee eta nya ang ị-rụnyẹ chịpwụrụ bwu-uhye aje nya kumin ka kẹnẹ-kẹnẹ, dil ụbwọmwi ọ-ka kpa okoji ola-ilo ru lẹlẹ.

²⁸Ị ka go aje nya ambakpaa ene kị ka kpa họ ikaa pyii lẹ le ọ-ka juwa, kịlahi la ọ go aje nya ịrayisi pyịyọọ ka.

²⁹Ang iwe wuu bwu ẹga nya Amkpaa Agugu ẹ-ẹpwụ nya ang ọ mẹjẹ, ọ ha-uhi lụmẹ.