Read idege AYỊSAYA 38 Bible Online

AYỊSAYA 38 - idege bible

AYỊSAYA 38

¹Ụka ọọọwa, ẹdụrụ ju iHesekaya Adịrahụ nya ịlẹhị-ịlẹhị kpá hi ụkụchụ ookpopo kọ ka gbu. Ụka ká Ayịsaya ọlọmwụ ọnyị nya Amọsị kele kaka wụlọọyẹ, ọ byi iHesekaya yẹkẹẹ, “Amkpaa ya ahụ nyị nwụ ẹpwụ họ, ahụ nyị́ juwa go hwóò bwu ẹpwụ nya ẹdụrụ ọwẹ kokoo. Ahụ nyị juwa ka gbu lẹ.”

²Ọọwa, iHesekaya-à jahị kpata da ugulọ lẹ, ọ raabwọ ha Amkpaa yẹkẹẹ,

³“Amkpaa ee, kpịtịya jaabwọ kam myị ẹrụ hang kpẹẹkpẹẹ bala ọ-họ ang opwoku a-ahị nyang wẹẹ.” Ọ da kpuu lida onyuujujwo lẹlẹ.

⁴Ụka ka Ayịsaya yegiri juwa ọrụrụ, Amkpaa-à byoo yẹkẹẹ,

⁵“Tịrẹkpẹ kele ká byi iHesekaya olegbeju nya angịnyị nyam ịịlẹ: ‘Am Amkpaa Ohe Oluhye nya iDevidi adang ogogo wo abwọ ọrịrị nyang bala ọ-yẹ egbejida nyang lẹ. M̀ ka ya ẹka iwo kụrụ ịrụ da ọhịhị nyang u-uhye.

⁶M̀ ka gbang kpehe bala ọ-chị epweji nya iJerusalẹm ọlẹ da bwu ẹpwụtụbwọ nya adịrahụ ọtụka nya ala Asiriya. M̀ ka kịnyaa juwa chẹwụ ke epweji ọlẹ.’ ”

²¹[6] Ọọwa, Ayịsaya-à byi anchẹ nya iHesekaya yẹkẹẹ, “Anụ go egbe nya okiledu hịlẹ-hịlẹ, kanụ ya ba iyi nya adịrahụ mẹ aalẹ, ọ ka hagụ.”

²²IHesekaya Adịrahụ tọ Ayịsaya wo yẹkẹẹ, “Ịyẹ tị́ ka ri ang-ẹjẹẹ nyori m̀ ka hagụ kpụ m̄ ka jẹ pwụ Ube nya Amkpaa myị?” Ayịsaya wẹ byoo yẹkẹẹ, “Amkpaa ka ya ang-ẹjẹẹ hang ká ka jẹ nyori ọ ka họng uda jaabwọ kọ myị ọnụ. Amkpaa ka họ ụrụrụ ka jẹ kẹkpẹ apatẹ iwo ọ-ọnang ọlẹ ká Ehasị Adịrahụ me.” Ọọwa, ụrụrụ à jẹ kẹkpẹ apatẹ iwo ọ-ọnang lẹlẹ. Ụka ká iHesekaya hagụ bwu ẹpwụ nya ẹdụrụ, ọ da eje nya ogbo ogwogwo ọlẹ: M̀ kụ irya chịng-ng: lụka nya ụjụ nya ọhịhị nyam, ịnọ m̄ yẹtẹ chị ejegu, kam ka họ ụtụrụ nyam chọnụ-chọnụ ka lẹ-ẹ́? M̀ me kpá kam ka jẹ-ẹ̀ yẹ Amkpaa lodehe ọlẹ lee ọ-ya ẹhị gu ọngịnyị ọhịhị kpong-kpong kaka. Ọhịhị nyam chị eku nwẹẹrịị, jaabwọ kịị hu ịnawụ achụ kụrụ eji, bala ọ-chị apwụ eku bwu oji. Amkpaa wẹẹ gbu ọhịhị nyam ba tụ odu tụ ẹnụ. Lodu-odu gbee ká ahị pyẹ, m̀ jida lọjụjụ. Lala ugẹbẹ nyaa juwa bem ekpinegu ri. Amkpaa wẹẹ gbu ọhịhị nyam ba tụ odu tụ ẹnụ[7]. M̀ rụ ịgbụ (...)