Read idege AYỊSAYA 39 Bible Online

AYỊSAYA 39 - idege bible

AYỊSAYA 39

¹Ụka ọọwa, iMerodakị-ịbaladan Adịrahụ nya ala ịBabịlọn ọnyị nya ịBaladan wo oja ya ẹdụrụ nyị jụ iHesekaya Adịrahụ. Ọọwa, ọ ya ileta bala ang-ahị du kịlọọ lẹlẹ.

²IHesekaya da alẹrụ ịịwa ọwụraba. Ọ mẹ ang myị ang ilebe nya ang-ụdụ nyamwụ wuu jaa. Ọ mẹ okpoko onyoowuru bala okpoko ịgọm bala ida ichoru kwọkwọ bala ang-abwọ nya ẹwụ tụ ang-ụdụ nyamwụ ịkịla wuu jaa. Ịngịngịhyẹ-ẹ́ juwa ọdọda nya adịrahụ bala ọpyị nyamwụ wuu kọ mẹjaa ka lẹ ka.

³Ọọwa, Ayịsaya ọlọmwụ a kele ka ẹga nya iHesekaya Adịrahụ kaka tọọ wo yẹkẹẹ, “Alẹng ịwẹ tị́ bwu ale-è? Ị tị́ bying anyị-ị̀?” IHesekaya wẹ byoo yẹkẹẹ, “Ị wẹ bwu ịBabịlọn lụrụ-lụrụ.”

⁴Ayịsaya tọọ wo myịmyị yẹkẹẹ, “Ịyẹ ị̄ tị́ yẹ ẹ-ẹpwa nya adịrahụ-ụ̀?” IHesekaya wọọ yẹkẹẹ, “Ang myị ang ịlụwa wuu ị yẹ lẹ. M̀ mẹ ang myị ang nya ang-ụdụ nyam wuu jaa.”

⁵Ọọwa, Ayịsaya a byi iHesekaya yẹkẹẹ, “Wo ẹrụ ọlẹ ká Amkpaa du tọng lẹẹ mẹ:

⁶Ụka juwa wẹ ká ang myị ang ịlẹpwa nyang wuu, tụ ịlẹ ká adang igogo anyị go ju ụjị gbee daalẹ wẹẹ, ká aluji ka nwụlaa wuu kpa rụ ka ịBabịlọn. Ịngịngịhyẹ-ẹ́ ka hi jam ẹgẹlẹ ụpẹnị-ụpẹnị ka.

⁷Ụka ọọwa, anyị nya ịlọng lụbwọ-lẹta ịhyẹ juwa kị ka go kpa rụ, rwaa ụgba, kị ka ri anchẹ ịlẹpwa nya adịrahụ nya ala ịBabịlọn.”

⁸Irya nya iHesekaya Adịrahụ ri nyị la abwọ myị abwọ la, okpunyi nyị ka ji lụka nya ọhịhị nyọwa. Ọọwa, ọ yẹkẹẹ, “Ẹlẹwẹ ká Amkpaa ya wẹ hiigu lụmẹ.”