Read idege AYỊSAYA 4 Bible Online

AYỊSAYA 4 - idege bible

AYỊSAYA 4

¹Ụka ká ẹnụtụrụ ọọwa-á ka pwụ lẹ, anyang angị irwiye ka kịrẹkpẹ lọlẹng ookpokpo yụbwọ chọọ lẹ, ị ka byoo yẹkẹẹ, “Ahị ka kpa ịlọhị la ang oriri hang lẹ. Ahị tị ka kụrụ ịlọhị ịwụrụ hang ododu lẹ, ang ọlẹ kahị tịtọ kẹnẹ-kẹnẹ ri yẹkẹẹ, yehi nya ịhụ nyang ẹ-ẹnyị ịwẹ kem, ká nwụla abyị bala oyoyi nya ọrụ ọrwọrwọ-ka hiihi mẹ!”

²Ụka juwa wẹ ká Amkpaa ka họ ká ekeji ịlọpyị nya Isirẹlụ ka nwà gbọ̀dọ́-gbọ̀dọ́ bala ọ-há ụhị. Ala Isirẹlụ ịlẹ wuu kị ka hi lọhịhị ka chị ọkẹkẹnị ju ang-ẹrụ ịlọpyị nyaa.

³Angịlẹ wuu kị ka hi juwa i-iJerusalẹm ịlẹ ká Ohe Oluhye chịda ụka ọọwa, ị ka wụrwaa angịnyị ịlịgọgọ.

⁴Ọngọlahị ka kpa ọngịrị nyamwụ hụ́ ibyi nya ala iJerusalẹm. Bwula eje ọlala nyamwụ ọlẹ kọ ka wuru lala ila ọ ka yịlẹ ịwọ ịlẹ kị chị cheji ụ-ụwa.

⁵Ụka ọọwa, ụmụmẹ nya Amkpaa ka ke Ọgbọdọ nya ịSayọn bala angịlẹ kị tụguru ụ-ụwa wuu. Alẹnụ egbamwụ ka wẹ uhye nyaa. Alodu ịmwụ bala ila ka uhye nyaa.

⁶Ụmụmẹ nyamwụ ọwẹ ka ke epweji hi ọchịpwuu nya alẹnụ bala o-ri ẹga ọchịkụ hi igbachịwụ bala enyi ododo.