Read idege IJeremaya 28 Bible Online

IJeremaya 28 - idege bible

IJeremaya 28

¹Epwe-pwụ nya ẹka owa, oya ọharụ nya ẹka ohene nyọlẹ ka iSedekaya ri adịrahụ ọlọmwụ Ihananịah ọnyi nya Asọọ ọlẹ kọ bwu epweji nya iGibeọn ya ẹla tam ụwa ube ịgọgọ ịlahị nya angịkiliya bala angịnyị wuu yẹkẹẹ,

²Ịlẹ Amkpaa Agụgụ Ohe Oluhye nya ala Isirẹlụ a ya lẹ. M bịrị ogbilo nya Adịrahụ nya ala ịBabịlọn lẹ.

³Ẹpwụ nya ẹka imiiye ma ka kpa angabwọ ịla ube ịgọgọ nya Ohe Oluhye ịlẹ ka adịrahụ iNebukadinesa nwula kpa ka ịBabịlọn nya tịrẹkpẹ wẹ ịgẹlẹ.

⁴Angịlẹ kam ka kpa nya tịrẹkpẹ ịnyịnyị ri. Adịrahụ nya ala iJuda iJehoyachin ọnyị nya iJehoyakim bala ala iJuda ịlẹ wuu kị wu kpa rụ ka ịBabịlọn. M ka chị ogbịlo nya adịrahụ nya ala ịBabịlọn eku. Am Amkpaa a ya ịnyị lẹ.

⁵Ụka ọọwa lẹ, ọlọmwụ iJeremaya a byi Ịhananịha ịlahị nya angịkiliya bala angịnyị ịlẹ wuu kị godayị rụwa ube ịgọgọ nya Ohe Oluhye yẹkẹẹ,

⁶Ịlẹ iJeremaya ọlọmwụ a ya lẹ, Amẹn! (ee kọlịnyị mẹ!) ká Amkpaa Ohe Oluhye a họ jaabwọ ka ya. Ka Amkpaa a họ ẹla ịlẹ wuu ka yẹ ọmwụ wẹ jịra chajị kọ kpang abwọ ila ube ịgọgọ ịlẹ kị go kpa ka ịBabịlọn nya tịrẹkpẹ bala ọkpa angịnyị ịlẹ ka alẹwụ wu kpa kele wuu nya ịnyịnyị.

⁷Ma a ke ụrụ ka wo ẹla ịlẹ kam juwa ya tang bala angịnyị wuu meẹ.

⁸Angị yẹ ọmwụ ịlẹ kị jene nyahị bwụka onyogo yẹ ọmwụ chajị nya ẹwụ ọdada bala imyi ọnwụnwụ bala ẹdụrụ ọjụjụ ịlẹ kị ka chị ẹpwụma lụmẹ-lụmẹ bala ịpyị Idịrịhụ ịtụka tụka ọgụ.

⁹Ụka ká ọngọ yẹ ọmwụ a yẹ ọmwụ nya okpunyi ojiji, angịnyị ka jẹ ya ọmwụ ọyẹyẹ nyamwụ ọwa ri ịnya ịlahị ụka ka okpunyi a ji jaabwọ kọ yẹ ọmwụ.

¹⁰Ụka ọọwa lẹ, iHananịha a ye ogbilo ọlẹ ka iJeremaya ya da ukpuroko lẹ ọ nwọ ekụ lẹlẹ.

¹¹Ọọwa lẹ, iHananịah a yẹla ịlahị nya angịnyị wuu yẹkẹẹ, Ịlẹ Amkpaa Ohe Oluhye a ya lẹ, ịịwẹ m ka mwu ogbilo nya iNẹbukadinẹsa Adịrahụ nya ala ịBabịlọn ẹkụ hi ụkpụrọkọ nya epwoja ọnyị myọnyị ẹpwụ nya ẹka ịnị ye lẹlẹ. Ụka ọlẹ kọ ka ya ẹlẹwẹ lẹ, iJeremaya rụ hi ụwa ine lẹ.

¹²Ọnụwa gbee bwụka ọlẹ ka iHananịah mwụ ogbilo ola ụkpụrọkọ nya ọlọmwụ iJeremaya ẹkụ, ọọwa lẹ Amkpaa a ya ẹla ta iJeremaya yẹkẹẹ,

¹³“Kele ka byi iHananịah ya ịịle am Amkpaa a ya lẹ, ‘A ka mwụ ogbilo nya okoji eku myị ma ọ ka họ ogbilo nya okoji owa yẹ ri ogbilo olojeje da chichi lẹ.

¹⁴Amkpaa Agụgụ Ohe Oluhye nya ala Isirẹlụ yẹkẹẹ, “M ka ya ogbilo ilojeje da epwoja ịwẹ wuu ụkpụrọkọ chajị kị ka myị ẹrụ ha Adịrahụ nya ala ịBabịlọn. M dọmwụ ka họ iyo ịla ẹpwamẹ ka myị ẹrụ họọ ịnyịnyị.”

¹⁵Ụka ọọwa lẹ, ọlọmwụ iJeremaya a byi iHananịah yẹkẹẹ, “iHananịah-ee, ke ụrụ lam wẹ. Amkpaa a dung ẹrụ ka, ma a jam me ọnọkịla ju angịlẹ juwa daa lụgbaa.

¹⁶Chajị nya ọọwa lẹ, Am Amkpaa ka kung rụ hi odehe ọlẹ. Ene ka ẹka ọlẹ a ka myị a ka gbu chajị nya ẹla ịlẹ ka ya ododu ba Amkpaa pyịpyị.”

¹⁷Ẹpwẹpwụ nya ẹka ọwa, ọ ya oharwiye nyamwụ lẹ ọlọmwụ iHananịah a gbu lẹlẹ