Read idege IJeremaya 34 Bible Online

IJeremaya 34 - idege bible

IJeremaya 34

¹Amkpaa ya ẹla tam ụka ọlẹ ka iNebukadinesa Adịrahụ nya ala ịBabịlọn bala alẹwụ nyamwụ bala alẹwụ ịkịla ịlẹ kị ji ekpeleji nay iNebukadinesa bwu ẹga myị ẹga wuu odehe juwa dẹwụ ta ala ịJerulsalẹm bala epweji idagaga jụo ịkịla.

²Amkpaa, Ohe Oluhye nya ala Isirẹlụ byim am nyị ka byi adịrahụ iSedekaya ịkẹ, Am Amkpaa juwa ya epweji ọlẹ ju adịrahụ nya ala ịBabịlọn ụbwọ. Ọ ka chịọ ịla.

³A ka jẹ-ẹ̀ be bwu ụbwọ nyamwụ myị ka. Alẹwụ ka wung kpa kaa juọọ ụ-ụbwọ. A ka yẹ Adịrahụ nya ala ịBabịlọn la ẹhinya ịlẹng. Anụ ka kpa anụ nyanụ ya ẹla ta awụlẹ, ị ka kpang rụ ka ọpyị nya ịBabịlọn.

⁴iSedekaya adịrahụ nya ala iJuda-ee, aa wo ẹla ọlẹ ká Amkpaa ya chajị nyang mẹẹ: I ka kpa ẹma nyẹẹwụ nwung ka.

⁵A ka gbu ẹpwụ nya okpunyi. Jaabwọ kọ ri ọhọhọ nya angịnyi nyang kị ka ya ang ọ choru kwọkwọ ju ịla Lụka ị kẹkpẹ ịla ka adịda igogo ịlẹ kị ri ịdịrịhụ nyanụ kaa gbu, ịnyịnyị ị ka hị lụka nyang lẹ. Ị ka ba Ida chajị nyang yẹkẹẹ, ọ adịrahụ nyahị gbu lẹ. Am Amkpaa a ya inyi lẹ.

⁶Olomwu iJeremaya ya ala ịlẹ wuu je iSedekaya adịrahụ nya ala iJuda ụwa iJerusalẹm.

⁷Ụka ká alẹwụ nya Adịrahụ nya ala ịBabịlọn juwa dẹwụ ta epweji nya iJerusalẹm bala ịLakichi bala Asẹka ịlẹ kị ri epweji ịla iJuda ihihi ịlẹ kị me ugulọ ju.

⁸ISedekaya Adịrahụ bala angịnyị ịla iJerusalẹm myị ọnụ ha-ụlẹ nyọka họ kị ka la ịlaa

⁹anyịhị anyang tụ alẹng ịlẹ kị ri ala ịHiburu wuu chajị ka ọngọngọhẹ a ka myịmyị la onyọhị ọlẹ kọ ri ala ịHibụrụ ọọnamwụ nya ọnyọhị kaka.

¹⁰Angịnyị wuu bala alegbeju nyaa myị ọnụ kị ka chị anyịhị nyaa anyang tu alẹng da chajị kị ka mimi kpa ọngọngọhẹ nya ọnyọhị kaka. Ọọwa ị họ ịnyị lẹlẹ.

¹¹Ụka kọ tị nọ chẹẹ lẹ, ị myị ye irya da lẹ, ị tịrẹkpẹ kaa wu anyịlị anyang bala alẹng ịwẹ kị chị da we kpa nya myịmyị kaa ri anyịhị nya ịlaa lẹlẹ.

¹²Ụka owalẹ Amkpaa a ya ẹla ta ịJeremaya lẹlẹ.

¹³Amkpaa Ohe Oluhye nya ala Isirẹlụ yẹkẹẹ: Yẹ mẹẹ Am nwa iro ta adịda Igogo nyanụ ụka ọlẹ kam gba kpehe bwu ọpyị nya ala Ijipiti, kam họ hị la ịlaa bwu ẹpwụ nya anyịhị iriri.

¹⁴M byaa yẹkẹẹ, ocheju nya ẹka oharwiye ọnyị myọnyi wuu ị ka tu ụbwọ hi anyịhị ala iHibụrụ ịlẹ kị raa ọlẹ kị myị ẹrụ haa ẹpwụ nya ẹka ịrwọnyẹ lẹ. Ị ka tụbwọ hyaa chajị kị la ịlaa. Ma adịda Igogo nyanụ a myị ju ihi nya ẹla oyaya nyam ka.

¹⁵Lụka ọ kẹkpẹ pyịnyẹng, anụ yẹ irya da ọlẹ kanụ họ ẹla ọkpụme ịpyọ. Anụ wuu myị ọnụ kanụ ka chị anyịhị ala ịHibụrụ aananụ da. Anụ nwa Iryo ịlahị nyam ụwa ube ịgọgọ ọlẹ kị ka gbịgba ham.

¹⁶Ma anụ tị ye irya da myịmyị, anụ a jum ihi ka owale anụ wuu a tịrekpẹ kaa ye anyịhị anyang bala alẹng nyanụ ịlẹ kanụ tu, ụbwọ hi wuu myịmyị kpa nya juwa kpaa ye akama lẹlẹ.

¹⁷Chajị nyowa lẹ, Amkpaa yẹkẹẹ, anụ a jam ihi ka anụ myị aananụ ala Isirẹlụ ịlẹ kị ri anyịhị nyanụ la ịlaa bwu ụbwọ nyanụ ka. Am Amkpaa juwa ka tụbwọ hinu ha ẹwụ ọdada bala ẹdụrụ ojuju bala imyi ọnwụnwụ. M ka họ ẹnyị nyanụ ka wu ipyi ịdịrịhụ ila odehe wuu ejiri.

¹⁸Angịlẹ kị kpa ehile nyam lee ọ kpa ọnụ omyịmyị nya iryo ọlẹ kị nwa ilahị nyam ka ị nwa iro bwua ọ chị ọnyi nya ẹna eku imiye. Ị jẹdịyẹ bwu epwarị rị nya eku nya ẹna imiiye iiwa.

¹⁹Angịịwa ri alegbeju nya ala iJuda bala inya ala iJerusalẹm bala alegbeju ịla ẹpwa nya adịrawhụ bala angikiliya tu angịnyị ịla epweji ịlẹ wuu kị chịpwụrụ bwu ẹpwarị rị nya ẹkụ imiiye nya ọnyị nya ẹna ịlẹ kị chị.

²⁰M ka tu ụbwọ hyaa ju aluji nyaa ịlẹ kị tịtọ nyọka nwụa ụbwọ. Egu nyaa ka ri Iyo ha ichinu ịkuhye ogba bala iyo ịlẹpwamẹ.

²¹M ka tụụbwọ hi iSedekaya Adịrahụ nya ala iJuda bala alegbeju ịtụkụ yọọ ju aluji nyaa ịlẹ kị tịtọ nyọka nwaa ụ-ụbwọ. M̀ ka yaa ju angịdẹwụ nya adịrahụ nya ịBabịlọn ọlẹ kị kpụba lẹwụ ọdanụ-ụ da-à wẹ ụ-ụbwọ.

²²Am Amkpaa ka da alẹwụ ehile kị ka tịrẹkpẹ warị kaka dẹwụ ta epweji ọlẹ. Ị ka kụrwọọ, chọọ ila hụrụ. M ka họ epweji nya iJuda ka yẹ ri egwawụ ọlẹ ka ọngọngọhẹ a ka kụ ụwa ka.