Read idege IJeremaya 36 Bible Online

IJeremaya 36 - idege bible

IJeremaya 36

¹Ẹpwụ nya ẹka ohene nyọlẹ ka iJehoyakim ọnyị nya iJosaya ri adịrahụ nya iJuda, Amkpaa ya ẹla tam yẹkẹẹ,

²Hu ụpwụ chajị ka da ju ụwa ẹla myị ẹla ịlẹ kam ya jeng chajị nya Isirẹlụ bala iJuda bala ẹpwụma ọnyị myị onyị wuu. Da ju upwụ ẹla myị ẹla ịlẹ kam ya bwụka ọlẹ kam dọmwụ nyọ ya ẹla tang, ụka ká iJosaya ri adịrahụ gbee pwụ alẹ.

³Ọhẹka, ụka ọlẹ ka ala iJuda a wo chajị nya ayịreji ọtata ọlẹ kam nwụlanọ nyọ ka kpa wẹ uhye nyaa, ị ka ye irya da chajị kam ka hịnyọhi angịnyịbyi bala ọhọbịrị nyaa haa.

⁴Ụka ọọwa le, iJeremaya a bekọ wụrụ ịBaruu ọnyị nya iNeriya lẹ, ọ ya juọ lọnụ wuu ala ịlẹ ká Amkpaa ya lẹ. ịBaruku a da ala iwa wuu ju ụpwụ lẹlẹ. iJeremaya gbile ịBaruku ụbwọ ụrụ yẹkẹẹ, Ị ya olo da ham m ka jụka Ube nya Amkpaa kaka.

⁵Ọọwa, m da ịBaruku ehile ya, IJEREMAYA chajị nyowa lẹ, ẹnụtụrụ ọlẹ ka angịnyị a juwa hu-limi Ube nya Amkpaa lẹ, a kele ka wa ju angịnyị ala ịlẹ kam ya jeng ka da ju we ẹpwụ nya ụpwụ ọwẹ mẹ. A wọ chajị ka angịnyị nya ala iJuda ịlẹ kị kpehe warị bwu epweji nyaa wuu ka wo.

⁶Chajị nyowa lẹ, ẹnụtụrụ ọlẹ ka angịnyị a juwa hu-limi Ube nya Amkpaa lẹ, a kele ka wa ju angịnyị ala ịlẹ kam ya jeng ka da ju we ẹpwụ nya ụpwụ ọwẹ mẹ. A wọ chajị ka angịnyị nya ala iJuda ịlẹ kị kpehe warị bwu epweji nyaa wuu ka wo.

⁷Ọhẹka, ị ka raabwọ ha Amkpaa bala ye irya da hi ihibiri nyaa, chajị Amkpaa cheje la agbama bala Ikeje awụrụ ọtụka-ọtụka nyọka yẹ angịwẹ akama.

⁸Ụka owalẹ, ịBaruku a kele ka wa ẹla nya Amkpaa ịlẹ kọ da ju ụpwụ ube Igọgọ nya Amkpaa jaabwọ ka ọlọmwụ iJeremaya byoo lẹlẹ.

⁹Oya ohikichu nya ẹka ọharụ nyọlẹ ka iJehoyakim ri adịrahụ nya ala iJuda, angịnyị bwu iJerusalẹm bala epweji nya iJuda wuu tu guru iJerusalẹm chajị kị ka hu-limi.

¹⁰ỊBaruku kụ ẹpwụ nya ube nya iGemariya ọnyị nya ịChafan ọlẹ kọ ri ọngọ da ụpwụ owa lẹ ọ wa ụpwụ ọọwa lẹlẹ ẹpwụ nya ube owa kpanga juwa ube otuguru ola uhye-ọgba. Ẹga owa ị kaa bwu ka ọnang onyewe nya ube igogo nya Amkpaa lẹ.

¹¹Ụka ká iMikaya ọnyị nya iGemarịa ọlẹ ka adamwụ ogbahị ri ịChafan wo ẹla ọlẹ ká Amkpaa ya bwu ẹpwụ nya ụpwụ ọlẹ ka ịBaruku wa,

¹²IJEREMAYA ọ rụ ka ube nya ọngọ da ụpwụ ọla ẹpwa nya adịrahụ lẹlẹ. Alegbeju nya ẹpwụma wuu tuguru ụwa. Alegbeju ịwa ri Elichama akịraa ọlẹpwa nya adịrahụ bala iDelaya ọnyị nya iGemariya bala Elinatan ọnyị nya Akịbọ bala iGemariya ọnyị nya ịChafan bala iSedekaya ọnyị nya ịHananiya. Alegbeju ịkịla wuu juwa ịnyịnyị.

¹³Ọọwa, iMikaya a ya jaa ẹla myị ẹla ịlẹ kọ wo wuu ka ịBaruku wa bwu upwu lẹlẹ.

¹⁴Ụka ká alegbeju wo ala ịlẹ lẹ, Ị du iJehudu ọnyị nya ịNataniya ọlẹ ka adamwụ igogo ịkịla ri iChelemaya bala iKuchi ka ẹga nya ịBaruku la ẹrụ ọnyọọngịrị ọlẹ kaa byoo yẹkẹẹ, “Hu ụpwụ ọlẹ ka wa ju angịnyị wẹ kpa warị.” ỊBaruku hu ụpwụ owa lẹ ọ kpa kịlaa lẹlẹ.

¹⁵Alegbeju byoo yẹkẹẹ, Hụhụ ịgẹwẹ chajị ka wọọ jehi mẹ. Ụka ọọwa lẹ ịBaruku a hụhụ lẹ ọ wọọ jaa lẹlẹ.

¹⁶Ụka ọlẹ kọ wo ẹla ịlẹ kị da juwa ụpwụ ọwa kpa lẹ, ọ laa uhu-uhi lẹ, ị juwa chẹhị yẹ awụlẹ lẹlẹ. Ị yẹkẹẹ, “Ahị ka ya ẹlẹwẹ je adịrahụ pyii lẹ.”

¹⁷Alegbeju to ịBaruku ịtọ wo yẹkẹẹ, “Ya jehi wẹ, anyị ā tị́ họ ka da ala ịlẹ wuu ju ụpwụ. IJeremaya a ya jeng lọnụ ọwa a daa ju ụpwụ lẹẹ?”

¹⁸ỊBaruku waa yẹkẹẹ, Ee, iJeremaya a kpa ọnụ nya ịlọmwụ ya ala ịlẹ jem owa m daa ju ụpwụ lang ọda ụpwụ lẹ.

¹⁹Alegbeju ị kpẹhị rịrị epweji byi ịBaruku yẹkẹẹ, “Ahụ bala iJeremaya a rụ ka kpịbaa mẹ. Anụ a họ ka ọngọngọhẹ a jẹ ẹga kanụ kpu iba koko.”

²⁰Alegbeju nya ẹpwụma hu ụpwụ owa kpu ịbaa ube nya Elichama ọngọ da ụpwụ nya adịrahụ lẹ, ị kelẹ ka ẹpwa nya adịrahụ ka tịrọnụ ẹla juọ wuu lẹlẹ.

²¹Adịrahụ du Ijehudi kele ka hu ụpwụ ọwa, ọọwa lẹ ọ kele ka ube nya Elichama ọngọ da ụpwụ kaa huọ kpa kele lẹ, ọ wọ je adịrahụ bala alegbeju nya ẹpwụma ịlẹ kị juwa iga nyanwụ wuu lẹlẹ.

²²Ụka nya alụhụ-inehe, adịrahụ hụ awụrụ nya ohu-inehe nyanwụ kụrụ ọhụhụ juwa wo ila.

²³Ụka ká iJehudi wa upa ịta lee upa ine nya ụpwụ ọwa kpa, adịrahụ ya ẹma ọchịche nyamwụ chọ eku jụka ẹpwụ ila-gbee ka ụpụ owa rụ ila kpa wuu.

²⁴Koọkpọkpọ adịrahụ lee alegbeju nya ẹpwụma ịlẹ kị wo ẹla ịlẹ-ọ chị uhi jwaa lee ị mẹjẹ nya ọ-jwaa jụ ka.

²⁵Ịnọ Elinatan bala iDelaya bala iGemariya anyị bịlẹ adịrahụ ya nyị chị ụpwụ ọwẹ ila ka, ọ́ tị dọnụ waa ka.

²⁶Ọọwa, adịrahụ a byi iJeramiilu ọnyị nyamwụ bala iSeraya ọnyị Asiriyẹlụ bala iChelemaya ọnyị nya Abudiilu nyị wum bala ịBaruku kọ ri akịraa nyam lẹlẹ. Amkpaa tị lẹẹ tụụhị kpịbaa

²⁷Ụka ká adịrahụ chị ụpụ ọlẹ ka iJeremaya ya ẹla je ịBaraku kọ da ịla kpa, Amkpaa myịmyị byi iJeremaya yẹkẹẹ,

²⁸Myịmyị hu ẹga ọ da ụpụ ju ọkịla chajị ka da ẹla myị ẹla ịlẹ kị juwa ụpụ nya ọgbanyẹ ọlẹ ka iJehoyakim Adịrahụ nya ala iJuda chị ila.

²⁹Amkpaa byim ya am nyị yẹla ta iJehoyakim Adịrahụ nya ala iJuda yẹkẹẹ, A chị ụpụ ọwẹ ilaà tị́ juwa tọ iJeremaya itala wọ ang odudu kọ da ụpụ ya Adịrahụ nya ala ịBabịlọn nyị juwa warị kaa ta igele ayireji bala ọ nwụ angịnyị bala iyo ị lam wuu?

³⁰Chajị nya ọọwa lẹ, Am Amkpaa bing ahụ iJehoyakim Adịrahụ nya ala iJuda yẹkẹẹ, ọnyị ọ tụma nyang ọhẹ-lọhẹ a ka ri adịrahụ ku omwekpa nyang ẹchị-adịrahụ nya iDevidi kaka. Ị ka hụ ogu nyang da ugbọdọda gede-gede iga ka ẹnụ ka chịng lụka nya ahị ọpyẹpyẹ bala amwụ ọ ka kpang lodu.

³¹M yeng akama bala anyị nyang bala alegbeju ilekpeji nyang chajị nya ọhọbịrị ịlẹ kanụ họ. Ahụ lee angịnyị ịla iJerusalẹm lee ala iJuda a myị keụrụ wo ọna ọdada nyam ka. Chajị nyowa lẹ, ayịreji ọtata ịlẹ wuu kam ya I ka chịnụ ọgụ lẹ, ọ ka la ịnyi pii lẹ.

³²IJeremaya hu ang ọ da upu ju ọkịla ọya ha ịBaruku ọngọ da ụpụ nyamụ lẹ, ọọwa lẹ ịBaruku a da ẹla myị ẹla ịlẹ ka iJeremaya ya ju upu nya ogbanyẹ lẹlẹ. Ọ myịmyị da ụma nya ala ịlịnyị lụmẹ gu ilene jwaa.