Read idege IJeremaya 45 Bible Online

IJeremaya 45 - idege bible

IJeremaya 45

¹Ẹẹpwụ nya ẹka iwo kụrụ ine nyọlẹ ka iJehoyakim ọnyị nya iJosaya ri Adịrahụ nya ala iJuda, Amkpaa du ọlọmwụ iJeremaya ẹrụ tọ ịBaruku ọnyị nya iNeriya. Ụka ká iJeremaya juwa ya ẹrụ ọdụdụ owa je ịBaruku lẹ, ịBaruku a da ala ịwa ju ụpwụ lẹlẹ.

²Ịlẹ Amkpaa Ohe Oluhye nya ala Isirẹlụ a bing ahụ ịBaruku lẹ.

³A yẹkẹẹ, “Iyoo a ri ịnyam, Amkpaa ya ang ọjụjụ da uhye nya akama nyam lẹ, m mweru gbee ịnyịrọ chịm pyẹpyẹ lẹ. M la ịnyọ ọmwụmwụ kaka.

⁴Ma ịlẹ am Amkpaa a ya lẹ, m juwa ka tụrụ angịlẹ kam nwụ kuhye jụka eji. M tị ka myịmyị-ị̀ hụ angịlẹ kam ya tọ chị-ịpyị. Inyị m ka họ odehe wuu lẹ.

⁵Lẹ ahụ jụwa tịtọ nya ang ịtụka ịhyẹ ha ịlọng datị-datị? A họ ịnyị ka. M juwa kpa ayịreji ọtata wẹ uhye nya angịnyi ehe wuu. Ma ẹga myị ẹga ọlẹ kā ká m ka họ ọhị hị nyang ka chịda. Am Amkpaa a ya inyi lẹ.”