Read idege IJeremaya 47 Bible Online

IJeremaya 47 - idege bible

IJeremaya 47

¹Ụka ọhẹ, ene ka Adịrahụ nya ala Ijipiti dẹwụ ta epweji nya ịGasa, Amkpaa ya ta iJeremaya ọlọmwụ chajị nya ala iFilisitiya.

²Amkpaa yẹkẹ: Anụ yẹ mẹẹ! Akama juwa warị bwu oye nya ẹtẹ lala ukpenyi. Enyi myị̀ dalẹ dẹmẹ-dẹmẹ o-oye nya ẹtẹ enyi owa ka mwụ lọngịrị-ọngịrị lala ụka nya ukpenyi ọtụka. Kaa mwụ lụka nya ukpenyi ododo. Ọ ka myị biri ipyi bala ang myị ang ịlụwa wuu. Ọ ka myị biri epweji bala angịnyị ilụwa. Angịnyị ka jida ọ lujujwo tịtọ nya ụbwọ ọdada.

³Ụka ọlẹ kaị wọ la ekwata nya anyịrẹ, iru ọlẹ ka ịCharọtụ nyaa ka tu, ọmọnyọ nya ata nya ịCharọtụ nyaa, Angị manyị a ka chị ahyẹkpẹ nya anyị nyaa ka. Abwọ wuu ka chaa pyẹpyẹ.

⁴Chajị ẹnụtụrụ ọlẹ kị ka ta ala iFilistiya ayịreji pweji lẹ. Angịlẹ kị kaa da ala ịTaya bala ala iSayịdọn ụbwọ wuu ị ka taa ayịreji. Am Amkpaa ka ta ala iFilisitiya ayịreji. Ala iKiriti ịlẹ wuu kị juwa ọọnụka nya ẹnyị ka ta ayịreji.

⁵Am epweji nya ịGasa ka pwo inyi nya Ida ọbaba. Ala Achịkẹlọn ka ya ọnụ nyaa ba awụlẹ keem. Anyị ọtịka tata kaa ba ka anụ ala iFilistiya ihịhị ka juwa ẹ-ẹpwụ nya ida ọbaba.

⁶Anụ juwa tịtọ wo yẹkẹẹ, “Ẹma nya ẹwụ nya Amkpaa ee! À tị́ ka kịnyaa juwa nwụ angịnyị tata ka ba ányị? Tịrẹkpẹ ju ka apịlẹ nyang, ká kpụba, bà táaa ụ-ụwa mẹ.

⁷Lẹ anyị ẹma nya ẹwụ à tị́ ka mwụ ịnyọ ká Amkpaa ya ụkụrwọ họọ kọ ka họ-ọ̀? Amkpaa da ẹma nya ẹwụ ehile kọ ka dẹwụ ta ala Achikelọn bala angịlẹ kị kụ ọnu-enyị.”