Read idege ISIKẸLỤ 15 Bible Online

ISIKẸLỤ 15 - idege bible

ISIKẸLỤ 15

¹Ọngọlahị ya ẹla taam yẹkẹẹ,

²Ọngịnyị ehe ee, ọọ lịyẹ a tị du ka ụbwọ nya okoji nya alakọnụ hagụ ekeji ịkịla ịlẹpwụ ipinu wuu.

³Ị ka jẹ-ẹ̀ kpa ụkoji nyamwụ họ ịngịhyẹ, ọngịnyị dọmwụ jẹẹ chị ịkịlọ ọlẹ kị kaa yang pịlẹ bwu okoji nyamwụ?

⁴Ọ ka ya ju ila nya ịwụụ ụbwọọmwụ ọ ha lẹlẹ. Ụka ọlẹ ka ịla arwọọ bwu egbeju nyamwụ im imiiye kpa ka ẹpwarịrị nyamwụ a rwila kpobyi lẹ, ọ myịmyị ju apyobwuna nya ịngịhyẹ wẹẹ?

⁵Ụka ọlẹ kọ dọmwụ rụ ila lẹka ọ ju apyobwuna ka kaa kpịlọlẹ ka ila rwọọ wuu kpobyi ịyẹ ọ tị ka myịmyị-ị̀ ju apyobwuna nyamwụ wẹẹ.

⁶Chajị nya ọọwa lẹ, Ọngọlahị Ohe Oluhye Agụgụ yẹkẹẹ, jaabwọ ọlẹ kam hu okoji nya alakọnụ bwu ipyinu kị ka ya ju ila nya ịwụ wẹẹ ịnyịnyị am ka tụbwọ hi angịlẹ kịị jam iJerusalẹm lẹ.

⁷Am ka kpẹhị ọngịrị taa, ọ ri kị dọmwụ bebe bwu epwụ nya ila ọhẹ ila ọkịla rwaa, ụka ọọwa lẹ anụ ka jẹ ya am a ri Ohe Oluhye lẹlẹ.

⁸Am ka họ ẹpwụma nyaa ka da uhuhwo chajị nyọlẹ kịị chịla ọ-hu ọkịlẹtụ ham ka. Ịnyị Ohe Oluhye Agụgụ a ya lẹ.