Read idege ISIKẸLỤ 19 Bible Online

ISIKẸLỤ 19 - idege bible

ISIKẸLỤ 19

¹Mwu eje nya ida ọbaba ọlẹ ju alegbeju ị kpẹhị rịrị ala Isirẹlụ.

²Byaa a yẹkẹẹ, ugẹbẹ ọnyang ụma ọlanyị ịnanụ à tị́ri ọ nọnọ ụwa ẹpwa rịrị nya agba nya egabẹ alẹng lẹ ọ juwa kpanyị nyamwụ ri lẹlẹ.

³Ọ kpa ọnyị nyamwụ ọhẹ nwa gbee kọọ ri ụgba nya ugẹbẹ ọlẹng, ọnyị nyamwụ ọ wa kaa wu iyo bala angịnyị rii.

⁴Ụka ká alẹpwụma ịkịla wuu wo ẹla nyamwụ ọọwa lẹ, ị chị ujẹ da gboo lẹlẹ, ụka kọ kpujẹ ọwa lẹ ị ya ọkụja dụrwọọ bwuwa lẹ ịkpọọ rụ ka Ijipiti lẹlẹ.

⁵Ụka ká ịnamwụ jẹ ya ẹhị ọrịrị nyịị ji ha ọnyị nya ọọwa ọlẹ kịị nyị wuu kaka lẹ, ọọwa lẹ ọmyịmyị kpa ọnyị nyamwụ ọkịla nwa lẹ, ọ ri ụgba nya ugẹbẹ ọlẹng ọlẹ kọ la ọngịrị ọtụka-ọtụka lẹlẹ.

⁶Ụka ọlẹ kọ nwa lẹ, ọọ gaa bala agẹbẹ ịkịla lẹlẹ, ọ lọngịrị ọtụka-ọtụka, ọwa ịnyịnyị kaa wu iyo bala angịnyị ri.

⁷Ọ bịrị ẹga ịkpịba nya angịnyị wuu, ọ ta epweji wuu ayịreji, angịnyị ịlẹ kị juwa epweji ịwa tụ ang myị ang wuu ka hụ kpakpaakpa ụka myị ụka kọ kpụ ịkata.

⁸Ụka ọọwa lẹ alẹpwụma ọnyị myị ọnyị a kpehe bwu ẹga myị ẹga lẹ, ị chị ujẹ da gbọọ lẹ, ọ kpụjẹ nyaa ọwa lẹlẹ.

⁹Ụka kị ya okuja dụrwọọ lẹ, ịwọọ ju ka iku ọọwa lẹ ị kpọọ kịla Adịrahụ nya ala ịBabilọn lẹlẹ. Ụka ọọwa lẹ ị woo juagba ụwa ịBabịlọn chajị ka ọngọngọhẹ a ka myịmyị wo ikata ọkpụkpụ nyamwụ ụwa ịgbọdọ nya ala Isirẹlụ kaka lẹlẹ.

¹⁰Inang la la okoji nya alakọnụ ọlẹ kọ juwa ẹ-ẹmwụ nya enyi. Ọ bwu abwọ lụmẹ-lụmẹ ọ tị nwụ egbe lụmẹ-lụmẹ ịnyịnyị chajị nya enyi ọlẹ kọ dọọ-ịda.

¹¹Abwọ nya alakọnụ ọwa lọngịrị ọtụka-ọtụka ọ kọ pwoku ogodo nya olegbeju oriri. alakọnụ ọwa nwa ka uhye gbọng ọng myị ọng wuu yẹ jaabwọ kabwọ nyamwụ luhye.

¹²Ma ị ju agbama lẹ ị hwọọ latẹ latẹ jukeji lẹlẹ. Ọọwa lẹ ọhụ ọlẹ kọda bwu ọmwẹnụ-ụtụrụ a nwọọ nwụ kịraa lẹ ị hula abwọ nyamwụ hwẹẹhwẹẹ lẹlẹ. Ị woo egbe nyamwụ wuu ọọwa lẹ ugbile nyamwụ a nwọnwụ lẹ ịla a rwọọ lẹlẹ.

¹³Ma ọlẹlẹ wẹlẹ, ị ya alakọnụ ọwa tọọ ụwa ọ-ọpyị ọ chọrụ ẹga ọlẹ kọ chọchụ kịraa ka enyi a juwa ka.

¹⁴Ila rụ ugbile nya alakọnụ ọwa ọọwa lẹ ọ chị wu abwọ bala egbe nyamwụ lẹlẹ. Chajị nya ọọwa lẹ, abwọ nyamwụ a jẹ ka ha nyọka ri ogodo nya olegbeju oriri kaka. Eje nya ida ọbaba ọlẹ kịkaa kpa mwu ụka nya ọjụjụ aa lẹẹ lẹ.