Read idege ISIKẸLỤ 32 Bible Online

ISIKẸLỤ 32 - idege bible

ISIKẸLỤ 32

¹Ẹnụtụrụ ọhọhẹ nya ọya iwo kụrụ imiiye ẹ-ẹpwụ nya ẹka iwo kụrụ imiiye nyọlẹ ka alẹwụ wuhi kpa rụ, Ọngọlahị ya ẹla tam yẹkẹẹ,

²Ọngịnyị ehe ee, mwu eje nya ida ọbaba ọlẹ ju Adịrahụ nya ala iJipiti ka byoo yẹkẹẹ, a hu ịlọng lala ugẹbẹ ẹpwarịrị nya epwoja, ma a lala ẹchụ ọlẹ kọ juwa du chụkpachụkpa chụkpa ẹpwụ nya ihu juwa yi enyi yi lachụ nyang.

³Ọngọlahị Ohe Oluhye yẹkẹẹ, m ka da ụgbọwụ nyam wung ọọwa lẹ iru nya angịnyị a ka gbileng daka odehe lẹlẹ.

⁴M ka gbang kpehe ka dodehe gede-gede ọọwa lẹ m ka họlẹ ịchịnụ ịlụhyogba bala iyo ịlẹpwụmẹ a ka ring lẹlẹ.

⁵M ka nyiyo nyang epepe uhye nya ịgbọdọ, m ka go ekpinegu nyang myị ikpokpo.

⁶M ka kpa iwo nyang jueji wuu chụẹchụẹ gbee kaa jụka ọgbọdọ. Iba wuu ka myị pwẹẹpwẹẹ laang.

⁷Ụka ọlẹ kam dang byi gbanggbang lẹ, m ka ya ang kụrụ egbamwụ lẹ ahịgboo nya ịdịchụ a ka ji kaka lẹlẹ, m ka ya egbamwụ kụrụ ẹnụ ahịgboo nya ọya ka myị.

⁸M ka myiri ang myị ang luhye-ọgba ịlẹ wuu kịkaa ya ahịgboo heji. Ukpowu ka chị odehe wuu. Ịnyị am Ọngọlahị Ohe Oluhye a ya lẹ.

⁹Ọkịlẹtụ ka họ angịnyị lụmẹ-lụmẹ jigi-jigi ụka ọlẹ ka alẹpwụma ịkịla ịlẹ kanụ jẹjẹ ka a wo oja jaabwọ kịị tanụ ayịreji.

¹⁰M ka họ ejiri ka wu angịnyị chajị nyanụ, ụka ọlẹ kam hụ ẹma nya ẹwụ nyam piripiripiri ịdịrịhụ ka hụ kpakpakpa luhi, ẹnụ nya eji ọmịla-mịla nyang ịwa wuu ka juhi chajị nya ọhịhị nyịlaa.

¹¹Ọngọlahị Ohe Oluhye yẹkẹẹ, ẹma nya ẹwụ nya Adịrahụ nya ala ịBabịlọn ka wẹ uhye nyang ahụ Adịrahụ nya Ijipiti.

¹²M ka họ ịsọja ịlẹ kịị lịngịrị ịtụka tụka bwu ẹpwụma ịlẹ hyẹrwẹrwa ka tanụ ayịreji lẹma nya ẹwụ nyaa. Ị ka ta ọbọọchẹ nya ala Ijipiti bala iru nya angịnyị ịlụwa wuu ayịreji.

¹³M ka ta iyo ileji nyanụ ịlẹ kanụ kaa kpa ri ọọnụ enyi ayịreji. Anụ a ka myịmyị-ị̀ yi enyi yi la apatẹ nyanụ lee bwula achụ nya igodo nyanụ ịlẹ kị ka bwuwa kaka.

¹⁴Ọọwa lẹ m ka họ enyi nyaa a ka hụ kpang kpang bala ọ họka ogo nyaa ka mwụ hịlẹlẹlẹ lala ida lẹlẹ.

¹⁵Ụka ọlẹ kam họ ka ọpyị nya Ijipiti a da luhwo luhwo bala ọ naa angịlẹ wuu kị juwa ọpyị nyaa bala nwụ angịnyị ịlụwa wuu lẹ, ị ka jẹ ya am a ri Ọngọlahị Ohe Oluhye lẹlẹ.

¹⁶Eje nya ida ọbaba a lẹẹlẹ, anyang nya ala epwoja wuu ka mwụọọ nya ida ọbaba chajị nya Ijipiti bala iru nya angịnyị ịlụwa

¹⁷Ẹnụtụrụ iwo kụrụ ịrụ nya ọya ọhọhẹ ẹ-ẹpwụ nya ẹka iwo kụrụ imiiye nyọlẹ ka alẹwụ wuhi kparụ. Ọngọlahị ya ẹla tam yẹkẹẹ,

¹⁸Ọngịnyị ehe ee, bida chajị nya iru nya angịnyị ịla Ijipiti. Du ala Ijipiti bala anyang nya ala epwoja ịlẹ kịị lọngịrị ịtụka tụka ka ejegu kaa tọ angịlẹ kịị juuwa.

¹⁹Oowo anụ tị dọmwụ hụhị gụ inee? anụ ka ejegu kanụ nụwa ta angị-jẹ Ohe-ka mẹ.

²⁰Ị ka ta ala Ijipiti ayịreji kpịlọ bala angịlẹ ka alẹwụ nwụ. M yaa ju ẹma nya ẹwụ ụ-ụbwọ lẹ, alẹwụ ka nwụla angịnyị nyaa tụ ang myị ang wuu kparụ.

²¹Ọgẹwụ ịtụka ka ya ẹla rwaa bala angịlẹ kịị daa ụbwọ ụwa ejegu yẹkẹẹ: angị-jẹ Ohe Oluhye ka ịlẹ kịị nwụ ẹ-ẹwụ warị wẹ ejegu lẹ.

²²Asiriya juwa iworu

²³ẹnụtụrụ iwo chiriri nya oya okiriwo ẹpwụ nya ẹka ihikichu nyọlẹ ka alẹwụ wuhi kpa rụ, Amkpaa ya ẹla tam yẹkẹẹ,

²⁴Ọngịnyị ehe ee, da ẹnụtụrụ nya alẹ jụang mẹ chajị alẹ kpanga Adịrahụ nya ala iBabịlọn a juwa kpangịnyị nyamwụ kaa dagaga ju iJerusalẹm lẹlẹ.

²⁵Da angịnyị nyam ị-la egbeju-ọngịrị etu ọlẹ yẹkẹẹ, hụ ẹchụ tọ ila ka chị enyi myọọ.

²⁶Go abwọ bala ata nya iyo juwa ẹ-ẹchụ ka go iyo i-ju ekpinegu ịnyịịla-ịnyịịla myị ẹchụ kpọngkpọng.

²⁷Hu iyo nya ọkpịlọ ọlẹ kọhagụ wuu juẹchụ ka go ịwụ ju ila ka tịla ju gbee kịwụ kpụ iyo ịwa gbee ka ekpinegu nyaa a myị ịnyịnyị.

²⁸Chajị nya ọọwa lẹ, ịịlẹ Ọngọlahị a ya lẹ, Iyoo ka juwa hang ahụ epweji ọ-nwụ angịnyị. Ịyoo ka juwa ha ẹchụ ọkpang ọlẹ kị hwọọ kọ ka jẹ-ẹ̀ rụ myị ka. Hu eku nya iyo ookpokpo-ookpokpo gbee kị ka myị lọ wụlaa yẹ ine ka.

²⁹Angịnyị ịlẹ kị nwụ juwa e-epweji ọ chiwọ nya angịnyị ịwa kuruhye nya ejwo. Ọ chọọ kuripyị chajị kị ka jẹ tụ egburuja kụraa ka.

³⁰Am Ohe Oluhye tụbwọ hi ịwọ ọlẹ kị chị rụwa uhye nya ẹjwọ chajị kị jeka tang kụraa ka chajị ka agbama nyam ka wuleji kam ka jẹ-ẹ̀ haa kwiwa.

³¹Ọngọlahị Ohe Oluhye yẹkẹẹ, Iyoo ka juwa ha epweji ọ-nwụ angịnyị. Am lịlọm a ka tụ ịwụ ịlẹ kị ka ya tila ju guru lẹ.

³²Tu guru gbudum ka tila ja. Kpu iyo ọwa hiigu-hiigu, yang nyịnọ ẹpwa jwoo ka họ ka ekpinegu nyaa a rwila.