Read idege ISIKẸLỤ 9 Bible Online

ISIKẸLỤ 9 - idege bible

ISIKẸLỤ 9

¹Ụka ọọwa lẹ am wo ka Ohe Oluhye kpụ ịkata yẹkẹẹ, anụ angịlẹ kanụ wẹ ka yẹ epweji ọlẹ akama, anụ kẹwẹ mẹ, anụ kpa ang-abwọ nya ẹwụ nyanụ ụbwọ mẹ.

²Aha hị lẹ, am ye alẹng ịrwọnyẹ kịị kpehe bwu odehe nya ọgirigba nya ube ịgọgọ nya Ohe Oluhye ọ bwu uhye lẹlẹ, ịwa wuu kpang-abwọ nyẹẹwụ ụwa ụbwọ. Ọngọhẹ juwa taa kọ kụrụ awụrụ ọlẹ kị gaa lapwụ ọkpịnya, ọkpang ọlẹ kị kaa kpa da ụpwụ ụwa ịkịka nyamwụ. Ịwa wuu kele kaka godayị ịlahị nya ịkịka nya ogidi ọkịliya nya okpoko onyobiri.

³Ụka ọọwa lẹ ogbo nya Ohe Oluhye nya ala Isirẹlụ a rụ bwega nya iCherubim ẹga kọ ji ene-ene lẹ, ọ kele ka ọnang nya ube ịgọgọ lẹlẹ, Ọngọlahị bẹkọ wụrụ ọngọlẹ kọ kụrụ awụrụ nya apwụ ọkpinya kọ tị kpang ịlẹ kị kaa kpa dupwu ụwa ịkịka nyamwụ lẹ.

⁴Ọ byọọ yẹkẹẹ, jẹ tụ epweji nya iJerusalẹm wuu da chajị ka angịlẹ wuu ka ang inyibyi ịwẹ a waa ẹjẹ kị juwa bida chajị nya ọọwa ka chaa ebe itochị nyaa.

⁵Ọọwa lẹ am wo kọ byi angịkịla yẹkẹẹ, anụ ga dịrọọ tụ epweji da chajị kanụ nwụ angịnyị, anụ yẹhị yẹ ọngọngọhẹ beji ka anụ tị yẹhị ahyẹẹrwẹrwa nya ọngịnyị ka.

⁶Anụ nwụ alẹng ịgbahị bala ikolobya bala ịyẹẹnọ bala anyang ịhụ tụ anjwo ichiche ma anụ a yụbwọ gu angịlẹ kị chaa ebe ịtọchị wẹẹ ka, anụ dọmwụ nya angịnyị ọnwụnwụ bwu ube ịgọgọ ine mẹ, ụka ọọwa lẹ ịdọmwụ nyọka nwụ ang ohu kụrụ ịrụ ịlẹ kịị juwa ị lahị nya ube ịgọgọ nya Ọngọlahị lẹlẹ.

⁷Ohe Oluhye byaa yẹkẹẹ, anụ chị ube ịgọgọ iryị mẹ, anụ nwụ angịnyị chụwa ẹpwụ nya ube otuguru mẹ. Anụ dọmwụ mẹ-oo, ụka kọ byaa ịnyị lẹ, ịkpehe ka epweji nya iJerusalẹm juwa nwụ angịnyị lẹlẹ.

⁸Ụka ọlẹ kị juwa kpa angịnyị nwụ, kam juwa ụbwọm, m yahị kureji lẹ, m jida byi Ọngọlahị Ohe Oluhye yẹkẹẹ, O Ọngọlahị Ohe Oluhye, a ka ta angị ihihi ịla iJerusalẹm ayịreji wuu la gbama nyang?

⁹Ọ wẹm yẹkẹẹ, “Ọhọbịrị ọhọhọ nya ala Isirẹlụ bala ala iJuda lụmẹ kaka kpoye lẹ. Angịnyị ọnwụnwụ bala ọ-họ tu ọkịrọrọ pyebile tụ ọpyị ọlẹ wuu da lẹ. Ị ya am Amkpaa nyị nyẹẹkpẹ da ọpyị nyaa lẹ, am nyị́ yẹ ọhọhọ nyaa kaka.

¹⁰Ḿ ka jujwo nyaa kaka. Ang ọlẹ kị wẹẹ họ angịkịla-à wẹẹ, ang ọlịnyị-ịnyị m̄ ka ya họ taa lẹlẹ.”

¹¹Ọọwa, ọlẹng ọlẹ kọ kụrụ ịwụrụ nya apwụ ịnụnụ kọ kpa ang ọ-kpa da ụpwụ ụ-ụbwọ à nyà lẹ, ọ byi Amkpaa yẹkẹẹ, “M̀ họ ụkụrwọ ọlẹ ká ya ham nyọka họhọ kpá lẹ.”