Read idege IHoseya 3 Bible Online

IHoseya 3 - idege bible

IHoseya 3

¹Amkpaa ya ẹla tam yẹkẹẹ, “Kele ka myịmyị mẹ ọháha nyang jẹ ahụ nyang, ịnọ ọ la oligu juwa lẹ, ọ tị ri ọlakpara. Tị la ọhaha ẹ-ẹga nyamwụ myịmyị mẹ. Ịịwẹ m Amkpaa mẹ ọháha nyam jẹ u-uhye nya ala Isirẹlụ ụka kị dọmwụ jahị kpata him juwa gbịgba ha ijiga bala o-ri ang nya ijiga.”

²Ụka ọọwa, m nwụ uri nyamwụ lokpoko onyoowuru iwo kụrụ ịrụ bala awụtọọ ba ẹhya nya ịbali lẹlẹ.

³Ụka kam kpọọ nyà lẹ, m byọọ yẹkẹẹ, “À ka ri ịnyam ụbwọm ẹnụtụrụ lụmẹ-lụmẹ. Á ka họ akpara lee ọlẹng ọhẹ-lọhẹ ọ-nọ tang kaka. Am tị ka kpa ịlọm kem hang ịnyịnyị.”

⁴Ọgụ-ọgụ ọọwa, ala Isirẹlụ ka juwa ẹ-ẹpwụ nya ẹnụtụrụ lụmẹ-lụmẹ la ọ-la adịrahụ lee olegbeju ka. Ị́ ka kịla iya ọhẹ-lọhẹ lee ọ-ya ẹjwọ wu eji ka. Ị́ ka kụrụ awụrụ ọ-kpa yẹ ọmwụ lee olekpeleji ka.

⁵Ụka ká ụka ọọwa-á kpoye wuu lẹ, ala Isirẹlụ a ka tịrẹkpẹ kaka tịtọ nya Amkpaa Ohe Oluhye nyaa bala iDevidi adịrahụ nyaa lẹlẹ. Ị ka wẹ ẹga nya Amkpaa la uhi ojuju kaka ye ahị ọwawa nyamwụ ụka ohyẹẹkpẹ.