Read idege ỌWAWA 33 Bible Online

ỌWAWA 33 - idege bible

ỌWAWA 33

¹Ọlẹ ri ọ-ka gu ẹnyị nya ẹga datị-datị ịlẹ ká ala Isirẹlụ chịkụ ẹ-ẹpwụ nya ẹdịyẹ nyaa ụka kị ya ogu dawụlẹ hyọọọ kpehe imwawụ-imwawụ bwu ọpyị nya Ijipiti jaabwọ ká iMosisi bala Erọn alegbeju nyaa juwa kpaa jẹ.

²IMosis da ju kpẹẹkpẹẹ ẹgẹgẹẹga kị jẹ pwụ ịnyịnyịịnyị jaabwọ ká Amkpaa dọọ ehile nyị họ. Jaabwọ kị jẹdịyẹ nyaa la ụbẹẹtụ-ụbẹẹtụ à lẹẹ lẹ.

³Ala Isirẹlụ yegiri bwu epweji nya ịRamịsẹsị ụ-ụwa Ijipiti lahị ọpyẹpyẹ iwo kụrụ ịrụ nya ọya ọhọhẹ ọlẹ kọ ri ẹnụtụrụ ọ-ba Ẹnụ nya Ang Oriri Ọchịpwụrụ nya ọgbanyẹ-ọgbanyẹ ba. I yegiri rụ la uhi ojuju-ka a-ahị nya ala Ijipiti wuu gede-gede.

⁴Ụka ọwẹ, ala Ijipiti nụwa juwa kpa egu nya anyị alẹng nya ọgbanyẹ nyaa ịlẹ ká Amkpaa nwụ lodu olene nya ẹnụ ọwẹ ju eji. Amkpaa lẹẹ kụrụ ijiga nya ala Ijipiti bwula ọ-yẹ ala Ijipiti akama ịtụka.

⁵Ụka ká ala Isirẹlụ yegiri bwu ịRamịsẹsị kpá, ị jẹ kaka chịkụ i-iSukotu.

⁶Ị rụ bwu iSukotu kele ka chịkụ Ẹtam ọlẹ kọ ji ka ọbaba nya ugbileji.

⁷Ị yegiri bwu ẹgẹwẹ jahị kpata tịrẹkpẹ ka iPihahirotu ọlẹ kọ ji ọmwẹnụ-ụtụrụ nya ịBaalụ-ịsẹfọn lẹ, ị chịkụ ju iMigidolu chwẹẹ lẹlẹ.

⁸Ụka kị rụ bwu iPihahirotu, ị kpoye nya Ihu Oletungkohyo kele ka ugbileji. Ị jẹdịyẹ tụ udgbileji nya Ẹtam da ẹnụtụrụ ịta gbẹgbịlẹ ene kịị chịkụ ẹga kị wụrụ ịMara.

⁹Ị yegiri bwu ịMara kele ka ju ka Elim lẹ, ị chịkụ ụ-ụwa lẹlẹ. Ágbụ nya enyi iwo kụrụ imiiye bala ịmwụ nya ịrị iwo irwiye (70) juwa ụ-ụwa.

¹⁰Ụka kị yegiri bwu Elim, ị chịkụ ịkịka nya Ihu Oletungkohyo.

¹¹Ị rụ bwsu Ihu Oletungkohyo kele ka chịkụ u-ugbileji nya iSiin.

¹²Ọọwa, ị yegiri bwu ẹgẹwẹ kaka chịkụ i-iDofuka lẹlẹ.

¹³Ị hẹbịlẹ bwu iDofuka kaka chịkụ ụ-ụwa a-Aluchi.

¹⁴Ị rụ bwu Aluchi kele ka chịkụ i-iRefidim ẹga ká enyi-í ji angịnyị ka ye nwa ka.

¹⁵Ị rụ bwu iRefidim kele kaka chịkụ u-ugbileji nya ịSayịnayị.

¹⁶Ị rụ bwu ugbileji nya ịSayịnayị kele kaka chịkụ i-iKibirotu-ịhataava.

¹⁷Ị rụ bwu iKibirotu-ịhataava kele kaka chịkụ ị-ịHaserotu.

¹⁸Ị rụ bwu ịHaserotu kele kaka chịkụ i-iRitima.

¹⁹Ị rụ bwu iRitima kele kaka chịkụ i-iRimọn-ịpẹrẹsị.

²⁰Ị rụ bwu iRimọn-ịpẹrẹsị kele kaka chịkụ i-iLibina.

²¹Ị rụ bwu iLibina kele kaka chịkụ i-iRisa.

²²Ị rụ bwu iRisa kele kaka chịkụ i-iKehelata.

²³Ị rụ bwu iKehelatat kele kaka chịkụ ọ-Ọgbọdọ nya ịChẹfẹẹ.

²⁴Ị rụ bwu Ọgbọdọ nya ịChẹfẹẹ kele kaka chịkụ ị-ịHarada.

²⁵Ị rụ bwu ịHarada kele kaka chịkụ ị-ịMakịhelotu.

²⁶Ị rụ bwu ịMakịhelotu kele kaka chịkụ ị-ịTahatị.

²⁷Ị rụ bwu ịTahatị kele kaka chịkụ iTera.

²⁸Ị rụ bwu iTera kele kaka chịkụ i-iMitika.

²⁹Ị rụ bwu iMitika kele kaka chịkụ ị-ịHachimona.

³⁰Ị rụ bwu ịHachimona kele kaka chịkụ i-iMoserotu.

³¹Ị rụ bwu iMoserotu kele kaka chịkụ i-iBene-ịjaakan.

³²Ị rụ bwu iBene-ịjaakan kele kaka chịkụ ị-ịHọọ-ịHagịdgadị.

³³Ị rụ bwu ịHọọ-ịHagịdgadị kele kaka chịkụ i-iJotibata.

³⁴Ị rụ bwu iJotibata kele kaka chịkụ a-Abirona.

³⁵Ị rụ bwu Abirona kele kaka chịkụ e-Esiyọn-ịGẹbẹẹ.

³⁶Ị rụ bwu Esiyọn-ịGẹbẹẹ kele kaka chịkụ ị-ịKadẹchị u-ugbileji nya iSiin.

³⁷Ị rụ bwu ịKadẹchị kele kaka chịkụ ẹ-ẹga nya Ọgbọdọ nya ịHọọ ọ-ọnụ nya ọpyị nya Ẹdọm.

³⁸Ụka kị juwa ọ-ọmwụ nya Ọgbọdọ nya ịHọọ, Amkpaa byi Erọn ọngọkiliya nyị kele ka uhye nya Ọgbọdọ nya ịHọọ. Ọọwa, ọ gbu u-uhye nya ọgbọdọ ọwẹ ẹnụtụrụ ọhọhẹ nya ọya ọharụ nya ẹka iwo ine nyọlẹ ká ala Isirẹlụ wuleji ẹdịyẹ rụ bwu Ijipiti lẹlẹ.

³⁹Erọn gu ẹka ohu ookpokpo da ẹka iwo imiiye kụrụ ịta (123) ene kọọ gbu.

⁴⁰Ụka ọọwa, adịrahụ nya ala Aradị ọlẹ kọ kụ edii nya iKenan wo oja ta ala Isirẹlụ nyị juwa jẹ yahị da ọpyị nyọwa lẹ.

⁴¹Ụka ọwẹ, ala Isirẹlụ rụ bwu Ọgbọdọ nya ịHọọ kele kaka chịkụ ị-ịSalụmọna.

⁴²Ị rụ bwu ịSalụmọna kele kaka chịkụ i-iPunọn.

⁴³Ị rụ bwu iPunọn kele kaka chịkụ ụ-ụwa Obotu.

⁴⁴Ị rụ bwu Obotu kele kaka chịkụ i-Iye-abarim ọ-ọnụ nya iMowabụ.

⁴⁵Ị rụ bwu Iye-abarim[18] kele kaka chịkụ i-iDibọn-ịgadị.

⁴⁶Ị rụ bwu iDibọn-ịgadị kele keke chịkụ a-Alụmọn-idibilatayim.

⁴⁷Ị rụ bwu Alụmọn-idibilatayim kele kaka chịkụ ị-ịgbọdọ nya abarim ju iNebo chwẹẹ.

⁴⁸Ị rụ bwu ịgbọdọ nya Abarim kele kaka chịkụ ụteeji nya iMowabụ ba Ihu ịJọdan ba o-oye ọkịla nya iJeriko.

⁴⁹Ẹga kị chịkụ ba ịJọdan ba dọmwụ bwu ịBẹtị-ijechimotu lalaala kaka pwụ Ọkpọọ nya Akechiya.

⁵⁰Ụka kị chịkụ ba Ihu ịJọdan ba ụteeji nya iMowabụ o-oye ọkịla nya iJeriko, Amkpaa byi iMosisi yẹkẹẹ,

⁵¹“Byi ala Isirẹlụ mẹ, ụka kanụ kpoye nya Ihu ịJọdan kele ka iKenan,

⁵²anụ ka ku angịlẹ wuu kị kụ ọpyị nya iKenan kpehe rụ hi ịlọnụ mẹ. Anụ ka ta ekpeku nyaa ịlẹ kị kpa ajwọ bala ije họ wuu ayịreji tụ ẹga ị-kpụ ijiga nyaa wuu.

⁵³Anụ kụ ọpyị ọwẹ ẹpwa mẹ, chajị m̀ ya ọpyị ọwẹ hanụ la lẹ.

⁵⁴Anụ gu ọpyị ọwẹ okpo gịla ịlọnụ jaabwọ kanụ la ogang-ogang bala imwawụ-imwawụ bwula iwo ọdada mẹ. Ọpyị ọnyị myị ọnyị ká iwo-ó chụ ha ogang ọhẹ-lọhẹ lẹ aalẹ, ọwa-à ka ri nya ogang ọọwa lẹlẹ. Anụ ga ọpyị o-ju ẹpwụ ọgbamgbam ha ogang ọtụka, kanụ ya ọlẹ kọ byẹhị ha ogang ọbyẹhị ịnyịnyị.

⁵⁵“Ma, ó-ri kanụ ku angịlẹ kị kụ ọ-ọpyị ọwẹ wuu rụ hi ịlọnụ ka aalẹ, angịlẹ kị hi lẹpwụ nyaa ka ri ịtẹ jụụnụ a-ahị bala ejwo i-yiinu nyányáányá. Ị́ ka myị anụ-ụ̀ ya ila hyà ụga ri ọ-ọpyị ọlẹ kanụ kụ-ụ̀ wẹ kaka.

⁵⁶Ánụ kwaa rụ ka aalẹ, akama ọlẹ ịnọ kam nwụlanọ nyọka yaa wẹẹ, m̄ ka yọọ kpata ya yẹnụ lẹlẹ.”