Read idege ỌWAWA 7 Bible Online

ỌWAWA 7 - idege bible

ỌWAWA 7

¹Ẹnụtụrụ ọlẹ ká iMosisi ya Ọdụ nya Amkpaa yeji kpá, ọ ya ida ọlịgọgọ hwọọ, chọọ ịgọgọ bala ang-abwọ ịlẹ wuu kị juwa ẹ-ẹpwụ nyamwụ tụ ogidi okiliya bala ang-abwọ ị-kpa họ ụkụrwọ ọlụwa.

²Ọọwa, alegbeju nya ogang datị-datị ilimwawụ nya ala Isirẹlụ ịlẹ kị kpẹhị rịrị angịnyị ọwawa lẹẹ à warị

³kpa ọhaha nyaa wẹ Amkpaa lẹlẹ. Ị kpa ang ịrụnyẹ ị-kpa kpa olo ịrwọnyẹ bala ịna iwo kụrụ imiiye. Ang ọrụnyẹ ọ-kpa kpa olo ookpokpo ri nya alegbeju imiiye, ẹna ookpokpo-ookpokpo ri nya olegbeju ọnọnyọọnyị jịra angị iwo kụrụ imiiye. Ị ya ang ịwẹ wuu ha Amkpaa ị-ịlahị nya Ọdụ.

⁴Ọọwa, Amkpaa-à byi iMosisi yẹkẹẹ,

⁵“Ye ang nya ọhaha ịwẹ bwu ẹga chajị kị ka kpa họ ụkụrwọ ọ-Ọdụ nyam mẹ. Aa gyaa ha ala iLivayị kị ka kpa họ jaabwọ ká ụkụrwọ nya ọngọngọọng nyaa la mẹ.”

⁶Ọọwa, iMosisi à ya angị ịrụnyẹ ị-kpa kpa olo ịwẹ bala ịna ịịwa ha ala iLivayị lẹlẹ.

⁷Ọ ya ang ịrụnyẹ ị-kpa kpa olo imiiye bala ịna ine ha alogang ịla ịGẹẹchọn kị ka kpa họ ụkụrwọ ọlẹ kị ya jwaa ụ-ụbwọ.

⁸Ọ ya ang ịrụnyẹ ị-kpa kpa olo ine bala ịna ineku ha ogang ịla iMerarị kị kpa họ ụkụrwọ ọlẹ kị ya jwaa ụ-ụbwọ. Itamaa ọnyị nya Erọn à ri olegbeju ọkpẹhị rịrị ụkụrwọ nyaa lẹ.

⁹IMosisi-í tị ya ang ị-kpa kpa olo lee ẹna ọhẹ-lọhẹ ha alogang ịla iKohatị ka, chajị ang-abwọ ịlịgọgọ ịlẹ kị wẹẹ ka kpa ri ịlẹ kị ka kpa olo nyaa a-amwachwọ nyaa kem.

¹⁰Alegbeju kpa ọhaha nyaa warị nyọka chị ihi ju ogidi okiliya ẹnụ kị hwoo ha Amkpaa. Ọngọngọọng nyaa kpa ọhaha nyamwụ wẹ ka ha ị-ịlahị nya ogidi.

¹¹Ọọwa, Amkpaa-à byi iMosisi yẹkẹẹ, “Hu ahyẹẹnụ ọnyọnyọọnyị nọ ká ọngọngọọng nya alegbeju ā kpa ọhaha ọ-chị ihi ju ogidi nyamwụ warị mẹ.”

¹²Ẹnụ nya ọgbanyẹ-ọgbanyẹ, ịNachọn ọnyị nya Aminadabụ ọlẹ kọ ri olegbeju bwu imwawụ nya iJuda kpa ọhaha nyamwụ kele.

¹³Ọhaha ọlẹ kọ kpa kele ri ẹja-ụda ọlẹ kị họ lokpoko onyoowuru ká ilo ọlala nyamwụ ri okolo ookpokpo ba ẹhya bala ẹja nya okpoko onyoowuru ọpwọọ ọkịla ọlẹ ká ilo nyamwụ ri okolo ookpokpo ba ẹhya ịnyịnyị. Ị ya ọrụ nya ajẹ nya ang-ẹrụ ịlẹ kị go hịlẹ-hịlẹ, ya ida nya olivu ju myị ịja imiiye ịwẹ pwẹẹpwẹẹ chajị kị ka ya kịla iya nya ajẹ nya ang-ẹrụ.

¹⁴Ọ myịmyị kpa ẹja nya okpoko ịgọm ọhẹ ọlẹ kị ya ịtangarẹ myị̀

¹⁵bala ụgba nya ẹna ookpokpo bala omilodo ookpkpokpo bala ọkpịlọ ọlẹng ọlẹ kọ gu ẹka ookpokpo kị ka ya kịla iya ọ-rụ ila.

¹⁶Ọ kpa oyichi ookpokpo kị ka ya kịla iya ọ-hụ́ ọhọbịrị.

¹⁷Ọ kpa ịna imiiye bala imilodo ịrụ bala embiri ịrụ bala ịkpịlọ alẹng ịrụ ịlẹ kị gu ẹka ookpokpo chajị kị ka ya kịla iya nya ọhọlawụlẹ. Ang ịwẹ wuu à ri ọhaha ịlẹ ká ịNachọm ọnyị nya Aminadabụ kpa kele lẹlẹ.

¹⁸Ẹnụtụrụ oheeye, ịNẹtanẹlụ ọnyị nya iSuwa ọlẹ kọ ri olegbeju bwu imwawụ nya Isakaa à kpa ọhaha nyamwụ kele lẹlẹ.

¹⁹Ọhaha ọlẹ kọ kpa kele ri ẹja-ụda ọlẹ kị họ lokpoko onyoowuru ká ilo ọlala nyamwụ ri okolo ookpokpo ba ẹhya bala ẹja nya okpoko onyoowuru ọpwọọ ọkịla ọlẹ ká ilo nyamwụ ri okolo ookpokpo ba ẹhya ịnyịnyị. Ị ya ọrụ nya ajẹ nya ang-ẹrụ ịlẹ kị go hịlẹ-hịlẹ, ya ida nya olivu ju myị ịja imiiye ịwẹ pwẹẹpwẹẹ chajị kị ka ya kịla iya nya ajẹ nya ang-ẹrụ.

²⁰Ọ myịmyị kpa ẹja nya okpoko ịgọm ọhẹ ọlẹ kị ya ịtangarẹ myị̀

²¹bala ụgba nya ẹna ookpokpo bala omilodo ookpkpokpo bala ọkpịlọ ọlẹng ọlẹ kọ gu ẹka ookpokpo kị ka ya kịla iya ọ-rụ ila.

²²Ọ kpa oyichi ookpokpo kị ka ya kịla iya ọ-hụ́ ọhọbịrị.

²³Ọ kpa ịna imiiye bala imilodo ịrụ bala embiri ịrụ bala ịkpịlọ alẹng ịrụ ịlẹ kị gu ẹka ookpokpo chajị kị ka ya kịla iya nya ọhọlawụlẹ. Ang ịwẹ wuu à ri ọhaha ịlẹ ká ịNẹtanẹlụ ọnyị nya iSuwa kpa kele lẹlẹ.

²⁴Ẹnụtụrụ ọhata, Eliyabụ ọnyị ọlẹng nya iHelọn ọlẹ kọ ri olegbeju bwu imwawụ nya iSebulọn kpa ọhaha nyamwụ kele.

²⁵Ọhaha ọlẹ kọ kpa kele ri ẹja-ụda ọlẹ kị họ lokpoko onyoowuru ká ilo ọlala nyamwụ ri okolo ookpokpo ba ẹhya bala ẹja nya okpoko onyoowuru ọpwọọ ọkịla ọlẹ ká ilo nyamwụ ri okolo ookpokpo ba ẹhya ịnyịnyị. Ị ya ọrụ nya ajẹ nya ang-ẹrụ ịlẹ kị go hịlẹ-hịlẹ, ya ida nya olivu ju myị ịja imiiye ịwẹ pwẹẹpwẹẹ chajị kị ka ya kịla iya nya ajẹ nya ang-ẹrụ.

²⁶Ọ myịmyị kpa ẹja nya okpoko ịgọm ọhẹ ọlẹ kị ya ịtangarẹ myị̀

²⁷bala ụgba nya ẹna ookpokpo bala omilodo ookpkpokpo bala ọkpịlọ ọlẹng ọlẹ kọ gu ẹka ookpokpo kị ka ya kịla iya ọ-rụ ila.

²⁸Ọ kpa oyichi ookpokpo kị ka ya kịla iya ọ-hụ́ ọhọbịrị.

²⁹Ọ kpa ịna imiiye bala imilodo ịrụ bala embiri ịrụ bala ịkpịlọ alẹng ịrụ ịlẹ kị gu ẹka ookpokpo chajị kị ka ya kịla iya nya ọhọlawụlẹ. Ang ịwẹ wuu à ri ọhaha ịlẹ ká Eliyabụ ọnyị nya iHelọn kpa kele lẹlẹ.

³⁰Ẹnụtụrụ ohene, Elisuu ọnyị nya iChedewu ọlẹ kọ ri olegbeju bwu imwawụ nya iRubẹn kpa ọhaha nyamwụ kele.

³¹Ọhaha ọlẹ kọ kpa kele ri ẹja-ụda ọlẹ kị họ lokpoko onyoowuru ká ilo ọlala nyamwụ ri okolo ookpokpo ba ẹhya bala ẹja nya okpoko onyoowuru ọpwọọ ọkịla ọlẹ ká ilo nyamwụ ri okolo ookpokpo ba ẹhya ịnyịnyị. Ị ya ọrụ nya ajẹ nya ang-ẹrụ ịlẹ kị go hịlẹ-hịlẹ, ya ida nya olivu ju myị ịja imiiye ịwẹ pwẹẹpwẹẹ chajị kị ka ya kịla iya nya ajẹ nya ang-ẹrụ.

³²Ọ myịmyị kpa ẹja nya okpoko ịgọm ọhẹ ọlẹ kị ya ịtangarẹ myị̀

³³bala ụgba nya ẹna ookpokpo bala omilodo ookpkpokpo bala ọkpịlọ ọlẹng ọlẹ kọ gu ẹka ookpokpo kị ka ya kịla iya ọ-rụ ila.

³⁴Ọ kpa oyichi ookpokpo kị ka ya kịla iya ọ-hụ́ ọhọbịrị.

³⁵Ọ kpa ịna imiiye bala imilodo ịrụ bala embiri ịrụ bala ịkpịlọ alẹng ịrụ ịlẹ kị gu ẹka ookpokpo chajị kị ka ya kịla iya nya ọhọlawụlẹ. Ang ịwẹ wuu à ri ọhaha ịlẹ ká Elisuu ọnyị nya iChedewu kpa kele lẹlẹ.

³⁶Ẹnụtụrụ ọharụ, iChelumiyẹlụ ọnyị nya iSurichadayị ọlẹ kọ ri olegbeju bwu imwawụ nya iSimyọn kpa ọhaha nyamwụ kele.

³⁷Ọhaha ọlẹ kọ kpa kele ri ẹja-ụda ọlẹ kị họ lokpoko onyoowuru ká ilo ọlala nyamwụ ri okolo ookpokpo ba ẹhya bala ẹja nya okpoko onyoowuru ọpwọọ ọkịla ọlẹ ká ilo nyamwụ ri okolo ookpokpo ba ẹhya ịnyịnyị. Ị ya ọrụ nya ajẹ nya ang-ẹrụ ịlẹ kị go hịlẹ-hịlẹ, ya ida nya olivu ju myị ịja imiiye ịwẹ pwẹẹpwẹẹ chajị kị ka ya kịla iya nya ajẹ nya ang-ẹrụ.

³⁸Ọ myịmyị kpa ẹja nya okpoko ịgọm ọhẹ ọlẹ kị ya ịtangarẹ myị̀

³⁹bala ụgba nya ẹna ookpokpo bala omilodo ookpkpokpo bala ọkpịlọ ọlẹng ọlẹ kọ gu ẹka ookpokpo kị ka ya kịla iya ọ-rụ ila.

⁴⁰Ọ kpa oyichi ookpokpo kị ka ya kịla iya ọ-hụ́ ọhọbịrị.

⁴¹Ọ kpa ịna imiiye bala imilodo ịrụ bala embiri ịrụ bala ịkpịlọ alẹng ịrụ ịlẹ kị gu ẹka ookpokpo chajị kị ka ya kịla iya nya ọhọlawụlẹ. Ang ịwẹ wuu à ri ọhaha ịlẹ ká iChelumiyẹlụ ọnyị nya iSurichadayị kpa kele lẹlẹ.

⁴²Ẹnụtụrụ ọharwọnyẹ, Elisafụ ọnyị nya iDeyuwẹlụ ọlẹ kọ ri olegbeju bwu imwawụ nya ịGadị kpa ọhaha nyamwụ kele.

⁴³Ọhaha ọlẹ kọ kpa kele ri ẹja-ụda ọlẹ kị họ lokpoko onyoowuru ká ilo ọlala nyamwụ ri okolo ookpokpo ba ẹhya bala ẹja nya okpoko onyoowuru ọpwọọ ọkịla ọlẹ ká ilo nyamwụ ri okolo ookpokpo ba ẹhya ịnyịnyị. Ị ya ọrụ nya ajẹ nya ang-ẹrụ ịlẹ kị go hịlẹ-hịlẹ, ya ida nya olivu ju myị ịja imiiye ịwẹ pwẹẹpwẹẹ chajị kị ka ya kịla iya nya ajẹ nya ang-ẹrụ.

⁴⁴Ọ myịmyị kpa ẹja nya okpoko ịgọm ọhẹ ọlẹ kị ya ịtangarẹ myị̀

⁴⁵bala ụgba nya ẹna ookpokpo bala omilodo ookpkpokpo bala ọkpịlọ ọlẹng ọlẹ kọ gu ẹka ookpokpo kị ka ya kịla iya ọ-rụ ila.

⁴⁶Ọ kpa oyichi ookpokpo kị ka ya kịla iya ọ-hụ́ ọhọbịrị.

⁴⁷Ọ kpa ịna imiiye bala imilodo ịrụ bala embiri ịrụ bala ịkpịlọ alẹng ịrụ ịlẹ kị gu ẹka ookpokpo chajị kị ka ya kịla iya nya ọhọlawụlẹ. Ang ịwẹ wuu à ri ọhaha ịlẹ ká Elisafụ ọnyị nya iDeyuwẹlụ kpa kele lẹlẹ.

⁴⁸Ẹnụtụrụ ọharwiye, Elichama ọnyị nya Amihudu ọlẹ kọ ri olegbeju bwu imwawụ nya Ifurem kpa ọhaha nyamwụ kele.

⁴⁹Ọhaha ọlẹ kọ kpa kele ri ẹja-ụda ọlẹ kị họ lokpoko onyoowuru ká ilo ọlala nyamwụ ri okolo ookpokpo ba ẹhya bala ẹja nya okpoko onyoowuru ọpwọọ ọkịla ọlẹ ká ilo nyamwụ ri okolo ookpokpo ba ẹhya ịnyịnyị. Ị ya ọrụ nya ajẹ nya ang-ẹrụ ịlẹ kị go hịlẹ-hịlẹ, ya ida nya olivu ju myị ịja imiiye ịwẹ pwẹẹpwẹẹ chajị kị ka ya kịla iya nya ajẹ nya ang-ẹrụ.

⁵⁰Ọ myịmyị kpa ẹja nya okpoko ịgọm ọhẹ ọlẹ kị ya ịtangarẹ myị̀

⁵¹bala ụgba nya ẹna ookpokpo bala omilodo ookpkpokpo bala ọkpịlọ ọlẹng ọlẹ kọ gu ẹka ookpokpo kị ka ya kịla iya ọ-rụ ila.

⁵²Ọ kpa oyichi ookpokpo kị ka ya kịla iya ọ-hụ́ ọhọbịrị.

⁵³Ọ kpa ịna imiiye bala imilodo ịrụ bala embiri ịrụ bala ịkpịlọ alẹng ịrụ ịlẹ kị gu ẹka ookpokpo chajị kị ka ya kịla iya nya ọhọlawụlẹ. Ang ịwẹ wuu à ri ọhaha ịlẹ ká Elichama ọnyị nya Amihudu kpa kele lẹlẹ.

⁵⁴Ẹnụtụrụ ọhaneku, ịGamaliyẹlụ ọnyị nya iPedasuu ọlẹ kọ ri olegbeju bwu imwawụ nya ịManasẹ kpa ọhaha nyamwụ kele.

⁵⁵Ọhaha ọlẹ kọ kpa kele ri ẹja-ụda ọlẹ kị họ lokpoko onyoowuru ká ilo ọlala nyamwụ ri okolo ookpokpo ba ẹhya bala ẹja nya okpoko onyoowuru ọpwọọ ọkịla ọlẹ ká ilo nyamwụ ri okolo ookpokpo ba ẹhya ịnyịnyị. Ị ya ọrụ nya ajẹ nya ang-ẹrụ ịlẹ kị go hịlẹ-hịlẹ, ya ida nya olivu ju myị ịja imiiye ịwẹ pwẹẹpwẹẹ chajị kị ka ya kịla iya nya ajẹ nya ang-ẹrụ.

⁵⁶Ọ myịmyị kpa ẹja nya okpoko ịgọm ọhẹ ọlẹ kị ya ịtangarẹ myị̀

⁵⁷bala ụgba nya ẹna ookpokpo bala omilodo ookpkpokpo bala ọkpịlọ ọlẹng ọlẹ kọ gu ẹka ookpokpo kị ka ya kịla iya ọ-rụ ila.

⁵⁸Ọ kpa oyichi ookpokpo kị ka ya kịla iya ọ-hụ́ ọhọbịrị.

⁵⁹Ọ kpa ịna imiiye bala imilodo ịrụ bala embiri ịrụ bala ịkpịlọ alẹng ịrụ ịlẹ kị gu ẹka ookpokpo chajị kị ka ya kịla iya nya ọhọlawụlẹ. Ang ịwẹ wuu à ri ọhaha ịlẹ ká ịGamaliyẹlụ ọnyị nya iPedasuu kpa kele lẹlẹ.

⁶⁰Ẹnụtụrụ ohikichu, Abidan ọnyị nya iGidyoni ọlẹ kọ ri olegbeju bwu imwawụ nya iBenjamịn kpa ọhaha nyamwụ kele.

⁶¹Ọhaha ọlẹ kọ kpa kele ri ẹja-ụda ọlẹ kị họ lokpoko onyoowuru ká ilo ọlala nyamwụ ri okolo ookpokpo ba ẹhya bala ẹja nya okpoko onyoowuru ọpwọọ ọkịla ọlẹ ká ilo nyamwụ ri okolo ookpokpo ba ẹhya ịnyịnyị. Ị ya ọrụ nya ajẹ nya ang-ẹrụ ịlẹ kị go hịlẹ-hịlẹ, ya ida nya olivu ju myị ịja imiiye ịwẹ pwẹẹpwẹẹ chajị kị ka ya kịla iya nya ajẹ nya ang-ẹrụ.

⁶²Ọ myịmyị kpa ẹja nya okpoko ịgọm ọhẹ ọlẹ kị ya ịtangarẹ myị̀

⁶³bala ụgba nya ẹna ookpokpo bala omilodo ookpkpokpo bala ọkpịlọ ọlẹng ọlẹ kọ gu ẹka ookpokpo kị ka ya kịla iya ọ-rụ ila.

⁶⁴Ọ kpa oyichi ookpokpo kị ka ya kịla iya ọ-hụ́ ọhọbịrị.

⁶⁵Ọ kpa ịna imiiye bala imilodo ịrụ bala embiri ịrụ bala ịkpịlọ alẹng ịrụ ịlẹ kị gu ẹka ookpokpo chajị kị ka ya kịla iya nya ọhọlawụlẹ. Ang ịwẹ wuu à ri ọhaha ịlẹ ká Abidan ọnyị nya iGidyoni kpa kele lẹlẹ.

⁶⁶Ẹnụtụrụ okiriwo, Ahiyesa ọnyị nya Amichadaị ọlẹ kọ ri olegbeju bwu imwawụ nya iDan kpa ọhaha nyamwụ kele.

⁶⁷Ọhaha ọlẹ kọ kpa kele ri ẹja-ụda ọlẹ kị họ lokpoko onyoowuru ká ilo ọlala nyamwụ ri okolo ookpokpo ba ẹhya bala ẹja nya okpoko onyoowuru ọpwọọ ọkịla ọlẹ ká ilo nyamwụ ri okolo ookpokpo ba ẹhya ịnyịnyị. Ị ya ọrụ nya ajẹ nya ang-ẹrụ ịlẹ kị go hịlẹ-hịlẹ, ya ida nya olivu ju myị ịja imiiye ịwẹ pwẹẹpwẹẹ chajị kị ka ya kịla iya nya ajẹ nya ang-ẹrụ.

⁶⁸Ọ myịmyị kpa ẹja nya okpoko ịgọm ọhẹ ọlẹ kị ya ịtangarẹ myị̀

⁶⁹bala ụgba nya ẹna ookpokpo bala omilodo ookpkpokpo bala ọkpịlọ ọlẹng ọlẹ kọ gu ẹka ookpokpo kị ka ya kịla iya ọ-rụ ila.

⁷⁰Ọ kpa oyichi ookpokpo kị ka ya kịla iya ọ-hụ́ ọhọbịrị.

⁷¹Ọ kpa ịna imiiye bala imilodo ịrụ bala embiri ịrụ bala ịkpịlọ alẹng ịrụ ịlẹ kị gu ẹka ookpokpo chajị kị ka ya kịla iya nya ọhọlawụlẹ. Ang ịwẹ wuu à ri ọhaha ịlẹ ká Ahiyesa ọnyị nya Amichadayị kpa kele lẹlẹ.

⁷²Ẹnụtụrụ ọkụrụ ookpokpo, ịPagiyẹlụ ọnyị nya Ọkịran ọlẹ kọ ri olegbeju bwu imwawụ nya Achẹẹ kpa ọhaha nyamwụ kele.

⁷³Ọhaha ọlẹ kọ kpa kele ri ẹja-ụda ọlẹ kị họ lokpoko onyoowuru ká ilo ọlala nyamwụ ri okolo ookpokpo ba ẹhya bala ẹja nya okpoko onyoowuru ọpwọọ ọkịla ọlẹ ká ilo nyamwụ ri okolo ookpokpo ba ẹhya ịnyịnyị. Ị ya ọrụ nya ajẹ nya ang-ẹrụ ịlẹ kị go hịlẹ-hịlẹ, ya ida nya olivu ju myị ịja imiiye ịwẹ pwẹẹpwẹẹ chajị kị ka ya kịla iya nya ajẹ nya ang-ẹrụ.

⁷⁴Ọ myịmyị kpa ẹja nya okpoko ịgọm ọhẹ ọlẹ kị ya ịtangarẹ myị̀

⁷⁵bala ụgba nya ẹna ookpokpo bala omilodo ookpkpokpo bala ọkpịlọ ọlẹng ọlẹ kọ gu ẹka ookpokpo kị ka ya kịla iya ọ-rụ ila.

⁷⁶Ọ kpa oyichi ookpokpo kị ka ya kịla iya ọ-hụ́ ọhọbịrị.

⁷⁷Ọ kpa ịna imiiye bala imilodo ịrụ bala embiri ịrụ bala ịkpịlọ alẹng ịrụ ịlẹ kị gu ẹka ookpokpo chajị kị ka ya kịla iya nya ọhọlawụlẹ. Ang ịwẹ wuu à ri ọhaha ịlẹ ká ịPagiyẹlụ ọnyị nya Ọkịran kpa kele lẹlẹ.

⁷⁸Ẹnụtụrụ ọkụrụ oheeye, Ahira ọnyị nya Ẹnan ọlẹ kọ ri olegbeju bwu imwawụ nya ịNafụtali kpa ọhaha nyamwụ kele.

⁷⁹Ọhaha ọlẹ kọ kpa kele ri ẹja-ụda ọlẹ kị họ lokpoko onyoowuru ká ilo ọlala nyamwụ ri okolo ookpokpo ba ẹhya bala ẹja nya okpoko onyoowuru ọpwọọ ọkịla ọlẹ ká ilo nyamwụ ri okolo ookpokpo ba ẹhya ịnyịnyị. Ị ya ọrụ nya ajẹ nya ang-ẹrụ ịlẹ kị go hịlẹ-hịlẹ, ya ida nya olivu ju myị ịja imiiye ịwẹ pwẹẹpwẹẹ chajị kị ka ya kịla iya nya ajẹ nya ang-ẹrụ.

⁸⁰Ọ myịmyị kpa ẹja nya okpoko ịgọm ọhẹ ọlẹ kị ya ịtangarẹ myị̀

⁸¹bala ụgba nya ẹna ookpokpo bala omilodo ookpkpokpo bala ọkpịlọ ọlẹng ọlẹ kọ gu ẹka ookpokpo kị ka ya kịla iya ọ-rụ ila.

⁸²Ọ kpa oyichi ookpokpo kị ka ya kịla iya ọ-hụ́ ọhọbịrị.

⁸³Ọ kpa ịna imiiye bala imilodo ịrụ bala embiri ịrụ bala ịkpịlọ alẹng ịrụ ịlẹ kị gu ẹka ookpokpo chajị kị ka ya kịla iya nya ọhọlawụlẹ. Ang ịwẹ wuu à ri ọhaha ịlẹ ká Ahira ọnyị nya Ẹnan kpa kele lẹlẹ.

⁸⁴Ọtụchawụlẹ nya ọhaha ịlẹ ka alegbeju angị iwo kụrụ imiiye nya ala Isirẹlụ kpa warị kị ka ya chị ihi ju ogidi lụka kị ya ida hwọọ kpá ri ịja-ụda iwo kụrụ imiiye ịlẹ kị kpa okpoko onyoowuru họ bala ịja nya okpoko onyoowuru ọpwọọ iwo kụrụ imiiye bala ịja nya okpoko ịgọm iwo kụrụ imiiye ị-ya ịtangare ju.

⁸⁵Ilo ọlala nya ịja-ụda bala ịja ịpwọọ nya okpoko onyoowuru ịwẹ tụ ju lawụlẹ wuu lala okolo iwo imiiye kụrụ ineku myị jaabwọ ká ang ọ-kpa me ang ọlụwa la.

⁸⁶Ilo ọlala nya ịja ịpwọọ iwo kụrụ imiiye nya okpoko ịgọm ịlẹ kị ya ịtangare myị̀ wuu lala okolo ookpokpo ba ẹhya jaabwọ ká ang ọ-kpa me ang ọlụwa la.

⁸⁷Ọtụchawụlẹ nya iyo ịlẹ kị ya kịla iya ọ-rụ ila wuu jula iya nya ajẹ nya ang-ẹrụ ọlẹ kọọ taa jẹ ri ịna iwo kụrụ imiiye bala imilodo iwo kụrụ imiiye bala ịkpịlọ i-gu ẹka ookpokpo iwo kụrụ imiiye. Iiychi iwo kụrụ imiiye ị kpa kele kaka kịla iya ọ-hụ́ ọhọbịrị lẹ.

⁸⁸Ọtụchawụlẹ nya iyo ịlẹ kị ya kịla iya nya ọhọlawụlẹ wuu ri agba nya ịna iwo imiiye kụrụ ine bala imilodo iwo ịrwọnyẹ bala iyichi iwo ịrwọnyẹ bala ịkpịlọ iwo ịrwọnyẹ ịlẹ kị gu ẹka ookpokpo. Ang ịwẹ à ri ọhaha ọ-chị ihi ju ogidi ịlẹ kị kpa kele ụka kị ya ida hwọọ kpá lẹlẹ.

⁸⁹Ụka myị ụka ká iMosisi-í jụ kele ka ẹpwụ nya Ọdụ kọ ka ya ẹla ta Amkpaa, ọ kaa wo Amkpaa kọ juwa ya ẹla tọọ bwu apewa nya alegu-icherubu imiiye ịluhye nya ọnụ nya Akpa nya Iro.