Read idege IJOCHUWA 12 Bible Online

IJOCHUWA 12 - idege bible

IJOCHUWA 12

¹Ala Isirẹlụ kụrụ kpụ ị ye ọpyị ọlọmwẹnụ-ụtụrụ nya ịJọdan kụ ẹpwa. Ị kụrụ ịdịrịhụ imiiye ịlụwa. Ọpyị nyaa bwu ọkpọọ nya Anọn e-edii tụ ọkpọọ nya ịJọdan da lalaala ka ju ka Ọgbọdọ nya ịHẹẹmọn ẹ-ẹtẹ.

²Adịrahụ ọhẹ ri iSihọn Adịrahụ nya ala Amọ ọlẹ kọ kụ ịHẹchịbọn. Ọwa-à ri adịrahụ ọkpẹhị rịrị ẹhya nya ọpyị nya iGiliyadị lẹ. Ẹgẹwẹ bwu Aroyẹẹ ọ-ọnụ nya ọkpọọ nya Anọn bala o-bwu epweji[8] ọlẹpwarịrị nya ọkpọọ ọwẹ kaka pwụ Ihu ịJabọkụ ọlẹ kọ ri ọbaba nya ọpyị nya ala Amọn.

³Ọpyị ọlọkpọọ nya ịJọdan bwu ịhụ ọkịlọlọ nya ịGalili e-edii kele ka pwụ ịBẹtị-ijechimotu ọ-ọmwẹnụ-ụtụrụ nya nya Ihu Ọlịma-ịma bala okoye nya Ọgbọdọ nya iPisiga wuu ri ọpyị nya adịrahụ iSihọn.

⁴Ị kụrụ adịrahụ Ọọgụ ọla ịBachan ịnyịnyị. Ọwa à ri ọngọ ku ẹkpẹ nya ala iRefa lẹ. Ọ ri adịrahụ epweji nya Achịtarọtụ bala Edireyii.

⁵Ọọgụ ọwẹ ri adịrahụ nya ọpyị o-bwu Ọgbọdọ nya ịHẹẹmọn bala ịSalẹka bala ịBachan wuu kele ka ju ka oyi nya epweji nya iGechu bala ịMaaka. O-bwu ẹhya nya ọpyị nya iGiliyadị gbee ka pwụ oyi nya ọpyị nya iSihọn adịrahụ ọla ịHẹchịbọn ji ekpeleji nya adịrahụ Ọọgụ ịnyịnyị.

⁶Ịịwẹ iMosisi bala ala Isirẹlụ à kụrụ ịdịrịhụ imiiye ịwẹ lẹlẹ. Ọọwa, iMosisi ọnchẹ nya Amkpaa-à ye ọpyị nyaa ha imwawụ nya iRubẹn bala ịGadị bala ẹhya nya imwawụ nya ịManasẹ la lẹlẹ.

⁷Ụka ọọwa, iJochuwa bala ala Isirẹlụ kụrụ ịdịrịhụ ịlọpyị ọlọmwẹnụ-obyi nya ịJọdan. Ọpyị ọwẹ bwu ịBaalụ-gadị ọ-ọkpọọ nya iLibanọn kaka ju ka Ọgbọdọ nya ịHalakị e-edii ju Ẹdọm chwẹẹ. IJochuwa ya ọpyị ọwẹ gịla ala Isirẹlụ imwawụ-imwawụ.

⁸Ẹga ịkịla ịlẹ kị ji ẹpwụ nya ọpyị ọwẹ ri ịpyị ilikiti bala ụtẹẹji ọlọmwẹnụ-obyi bala ọkpọọ nya ịJọdan bala ụtẹẹjị ọlụwa wuu bala ọpwọpwọ nya ikiti ịlọmwẹnụ-ụtụrụ bala ọpyị ọkanggba oledii. Ẹgẹwẹ à ri ọpyị ọlẹ ká ala iHiiti bala ala Amọ bala ala ịKenan bala ala iPerisi bala ala iHivi bala ala iJebusi kụ ene lẹ.

⁹Epweji ịlẹ ká ala Isirẹlụ kụrụ ịdịrịhụ nyaa à lẹẹ lẹ: Ị kụrụ adịrahụ nya iJeriko bala adịrahụ nya Ayị ọlẹ kọ ju ịBẹtẹlụ chwẹẹ.

¹⁰Ị kụrụ adịrahụ nya iJerusalẹm bala adịrahụ nya iHebirọn

¹¹bala adịrahụ nya ịJamutu bala adịrahụ nya ịLakichi

¹²bala adịrahụ nya Egilọn bala adịrahụ nya ịGesa.

¹³Ị kụrụ adịrahụ nya ịDẹbi bala adịrahụ nya ịGẹda

¹⁴bala adịrahụ nya ịHọma bala adịrahụ nya Aradị

¹⁵bala adịrahụ nya iLibina bala adịrahụ nya Adulam.

¹⁶Ị kụrụ adịrahụ nya ịMakẹda bala adịrahụ nya ịBẹtẹlụ

¹⁷bala adịrahụ nya ịTapwa bala adịrahụ nya ịHẹfa

¹⁸bala adịrahụ nya Afẹkị bala adịrahụ nya ịLacharọn.

¹⁹Ị kụrụ adịrahụ nya ịMadọn bala adịrahụ ịHasọ

²⁰bala adịrahụ nya iChimrọn-imerọn bala adịrahụ nya Akịchafụ

²¹bala adịrahụ nya ịTanakị bala adịrahụ nya iMegido.

²²Ị kụrụ adịrahụ nya ịKadẹchị bala adịrahụ nya iJokiniyam ọla ịKaamẹlụ

²³bala adịrahụ nya ịDọọ ọla epweji nya ịNafatị-ịdọọ bala adịrahụ nya iGoyim ọla ịGalili[9]

²⁴bala adịrahụ nya iTiisa. Ịdịrịhụ ịwẹ wuu la ang iwo ịta kụrụ ookpokpo (31).