Read idege IJOCHUWA 15 Bible Online

IJOCHUWA 15 - idege bible

IJOCHUWA 15

¹Ị ga ọpyị ha ugbiyegu datị-datị ilimwawụ nya iJuda. Ọpyị nyaa jẹ yahị da ka edii tụ oyi nya ọpyị nya Ẹdọm da lalaala ka ju ka ugbileji nya iSiin e-edii pyiipyii.

²Oyi oledii nya ọpyị nyaa dọmwụ bwu edii nya Ihu Ọlịma-ịma

³jahị da edii nya ẹga Ọchịpwụrụ bwu ọla Akịrabim kele ka ju ka iSin. Ọ kpoye bwu ẹgẹwẹ ka ju ka ịKadẹchị-ịbaniya. Oyi ọọwa jẹ kpoye nya ịHẹsịrọn yahị da ka Ada lẹ, ọ yẹ kịnọbọọ wẹ ịKaka lẹlẹ.

⁴Ọ jẹ kịnyaa ka pwụ Asịmọn tụ ọ̀bá ọla Ijipiti da kele ka ju ka Ihu iMeditareniya lẹlẹ. Ọwẹ à ri oyi oledii nya ọpyị nya iJuda lẹlẹ.

⁵Oyi ọlọmwẹnụ-ụtụrụ nya ọpyị nya iJuda ri Ihu Ọlịma-ịma lalaala ka pwụ ẹga ká Ihu ịJọdan mwụ jwoo. Oyi ọlẹtẹ dọmwụ bwu ẹgẹwẹ ká Ihu ịJọdan mwụ ju Ihu Ọlịma-ịma.

⁶Ọ jẹ ka pwụ ịBẹtị-ịhọgịla yahị da ka ẹtẹ nya ikiti ọlẹ kọ jahị da ọkpọọ nya ịJọdan. Oyi ọwẹ jẹ ka pwụ Ẹjwọ nya iBohan ọnyị nya iRubẹn.

⁷Oyi ọwẹ jẹ bwu Ọkpọọ nya Akama kele ka ịDẹbi. Ọ yẹ bwu ụwa yahị da ka iGiligalụ ọlẹ kọ jahị da ẹga ọchịpwụrụ bwu ọla Adumim e-edii nya ọkpọọ ọwẹ. Ọ jẹ tụ ụgbụ nya enyi ịla Ẹnchẹmẹchị da gbee ka kpehe ẹ-Ẹnrọgẹlụ.

⁸Ọọwa, ọ jẹ bwu Ọkpọọ nya iHinọm tụ ịkịka nya ikiti ọlẹ ká iJerusalẹm epweji nya ala iJebusi kụ da lẹlẹ. Oyi ọwẹ jẹ pwụ ẹpwayịrẹtẹ nya ikiti ọlọmwẹnụ-obyi nya Ọkpọọ nya iHinọm ọ-ọbaba ọlẹtẹ nya Ọkpọọ nya iRefa.

⁹Oyi ọwẹ bwu ẹgẹwẹ kele ka ụgbụ nya enyi nya ịNẹfụtowa ene kọọ kpehe bwu e-epweji ị-ba Ọgbọdọ nya Ẹfụrọn ba. Ọ yẹ bwu ẹgẹwẹ yahị da ka ịBaala ọlẹ ká ẹnyị ọkịla nyamwụ ri iKiriyatị-ịjarim.

¹⁰Oyi ọwẹ yẹgẹmwụ yahị da ka ọmwẹnụ-obyi nya ịBaala jẹ koye nya ọpyị nya Ẹdọm. Ọ bwu ẹgẹwẹ pwụ ịkịka ọlẹtẹ nya Ọgbọdọ nya ịJarim ọlẹ ká ẹnyị ọkịla nyamwụ ri ịKẹsalọn kele kịlahị kaka pwụ epweji nya ịBẹtị-ịchẹmẹchị lẹ, ọ kpoye ka pwụ epweji nya iTimna lẹlẹ.

¹¹Ọ bwu ẹgẹwẹ pwụ ẹtẹ nya Ọgbọdọ nya Ẹkịrọn, yahị da iChikerọn, lalala ka ju ka Ọgbọdọ nya ịBaala lẹ, ọ kpoye nya ụwa kaka ju ka epweji nya ịJamniya lẹlẹ. Oyi ọwẹ ba Ihu nya iMeditareniya.

¹²Ihu ọwẹ a ri ọbaba ọlọmwẹnụ-obyi nya ọpyị nyaa lẹ. Ịịwẹ oyi-ẹpwa nya ala iJuda à la lẹlẹ.

¹³IJochuwa ya ụpa nya ọpyị nya iJuda ọhẹ ha ịKalẹbụ jaabwọ ká Amkpaa byoo. Ẹga ọlẹ kị ga họọ ri iHebirọn ọlẹ kọ ri epweji nya Aba adịda ogogo nya ala Anakị.

¹⁴ỊKalẹbụ ku alogang ebwo ịta nya ala Anakị rụ. Angịịwa ri alogang nya ịChẹchayị bala alogang nya Ahiman bala alogang nya ịTalụmayị.

¹⁵Ọ bwu ẹgẹwẹ kaka mwẹla ta ala ịDẹbi. Ẹnyị olene nya ịDẹbi ri iKiriyatị-ịsẹfa.

¹⁶Ọọwa, ịKalẹbụ a byi angịdẹwụ nyamwụ yẹkẹẹ, “Ọngọlẹ kọ kụrụ epweji nya iKiriyatị-ịsẹfa myị aalẹ, m̀ ka ya Akịsa ọnyị nyam họọ ye.”

¹⁷Ọọwa, Ọtịnẹlụ ọnyị nya ịKẹnasị ọnyịnamwụ a kụrụ kpụ ọ ye epweji ọọwa lẹ, ịKalẹbụ a ya ọnyị nyamwụ họọ ye lẹlẹ.

¹⁸Ụka kị ye awụlẹ lẹ, Ọtịnẹlụ a tụ ẹla rịrị Akịsa[11] ahụ nyamwụ yẹkẹẹ, “Kele ká bịlẹ adang ọpyị mẹ.” Ịnyị, ọ ka ẹga nya ịKalẹbụ adamwụ lẹlẹ. Ụka ká Akịsa hireji bwu obyiyó nyamwụ lẹ, ịKalẹbụ a tọọ wo yẹkẹẹ, “Ẹla-ịyẹ tị́?”

¹⁹Akịsa a byoo yẹkẹẹ, “Gam ang-ahị mẹ. Ọpyị ọlẹ ká gam wẹẹ ji ẹga ọkanggba. Lẹẹlẹ, gam ágbụ nya enyi ịhyẹ mẹ.” Ọọwa, ịKalẹbụ a ya ẹmwụ-enyi ịlẹ kị ji oye oluhye bala oye oleji họọ lẹlẹ.

²⁰Ọlẹ ri ọpyị ọlẹ kị ga ha ugbiyegu ọnyọnyọọnyị ilimwawụ nya iJuda nya ọpyị nya ụbwọ nya ịlaa.

²¹Epweji ịla iJuda ịlẹ kị kụ ka edii hwẹẹẹ ba oyi nya ọpyị nya Ẹdọm ba ri ịKabisiili bala Ẹda bala ịJagu bala

²²iKina bala iDimona bala Adada.

²³Epweji ịkịla ri ịKadẹchị bala ịHasọ bala Itinan bala

²⁴iSiifu bala ịTẹlẹm bala iBiyalọtụ bala

²⁵ịHasọ-ịhadatị bala iKeriyọtụ-ihesirọn ọlẹ kị wụrụ ịHasọ ịnyịnyị.

²⁶Epweji ịkịla ri Amam bala ịChẹma bala ịMolada bala

²⁷ịHasa-ịgada bala ịHẹchịmọn bala ịHẹtị-ịpẹlẹtị bala

²⁸ịHasa-ichuwalụ bala iBiyẹchẹba bala iBisiyotiya.

²⁹Epweji ịkịla ri ịBaala bala Iim bala Ẹsẹm bala

³⁰Elitoladị bala iKesilu bala ịHọma bala

³¹iSikilagị bala ịMadịmana bala ịSansana.

³²Epweji ihihi ri iLebayotu bala iChilim bala Ayin bala iRimon. Epweji ịịwa wuu la iwo imiiye kụrụ ihikichu tụ epweji ichiche ịdagaga jwaa.

³³Ebwo oheeye nya epweji ịla iJuda kụ ọmwụ nya ọgbọdọ oledii. Epweji ịịwa ri Ẹchịtawolu bala iSora bala Achịna bala

³⁴ịSanowa bala Ẹngganim bala ịTapụwa bala Ẹnam bala

³⁵ịJamutu bala Adulam bala ịSọkọ bala Asẹka bala

³⁶ịCharayim bala Aditayim bala ịGẹdẹra ọlẹ ká ẹnyị ọkịla nyamwụ ri ịGẹdẹrotayim. Epweji ịịwa wuu la iwo kụrụ ine tụ epweji ichiche ịdagaga jwaa.

³⁷Epweji ịkịla ịlẹ kị kụ ọmwụ nya ọgbọdọ ịnyịnyị ri ịSẹnan bala ịHadacha bala iMigidalụgadị bala

³⁸iDiliyan bala iMisipa bala iJokitiili bala

³⁹ịLakichi bala iBosikatị bala Ẹgịlọn.

⁴⁰Epweji ịkịla ri ịKabọn bala ịLamam bala iKitilichi bala

⁴¹iGederotu bala ịBẹtị-ịdagọn bala ịNaama bala ịMakẹda. Epweji ịịwa wuu la iwo kụrụ ịrwọnyẹ tụ epweji ichiche ịdagaga jwaa.

⁴²Epweji ịkịla ịlụwa ri iLibina bala Ẹta bala Achan bala

⁴³Ifuta bala Achịna bala iNesibu bala

⁴⁴iKela bala Akisibu bala ịMarẹcha. Epweji ilebwo ọwẹ wuu la ihikichu tụ epweji ichiche ịdagaga jwaa.

⁴⁵Epweji nya Ẹkịrọn tụ epweji ịtụka bala ichiche ịdagaga jwoo juwa ẹ-ẹpwụ nya ọpyị nya iJuda ịnyịnyị bala

⁴⁶epweji ị-ba Achịdọdụ ba bwu Ẹkịrọn lalaala ka ju ka Ihu nya iMeditareniya.

⁴⁷Achịdọdụ bala ịGasa tụ epweji ịtụka bala ichiche ịdagaga jwaa gbee ka bwu ọ̀bá ọla Ijipiti lalaala ka pwụ ọnụ nya Ihu nya iMeditareniya.

⁴⁸Epweji ịlẹ kị kụ i-ikiti ri ịChami bala ịJati bala iSoko bala

⁴⁹ịDana bala iKiriyatị-ịsẹfẹ ọlẹ kị wụrụ ịDẹbi bala

⁵⁰Anabụ bala Ẹchịtemowa bala Anim.

⁵¹Epweji ịkịla ri iGochin bala iHolọn bala iGilo. Ịwa wuu la epweji iwo kụrụ ookkpokpo tụ epweji ichiche ịdagaga jwaa.

⁵²Epweji ịlẹ kị ri ọpyị nya ala iJuda ịnyịnyị ri Arabụ bala iDuma bala Ẹchan bala

⁵³ịJanim bala ịBẹtị-ịtapụwa bala Afẹka bala

⁵⁴iHumta bala iHebirọn ọlẹ ká ẹnyị olene nyamwụ ri iKiriyatị-aba bala ịSịyọ. Ịwa wuu la epweji ihikichu tụ epweji ichiche ịdagaga jwaa.

⁵⁵Epweji ịkịla ịlẹ kị kụ i-ikiti ịnyịnyị ri ịMayọn bala ịKaamẹlụ bala iSifu bala iJuta bala

⁵⁶iJesiryẹlụ bala iJokediyam bala ịSanowa bala

⁵⁷ịKayin bala iGibiya bala iTimna. Ịwa wuu la epweji iwo tu epweji ichiche ịdagaga jwaa.

⁵⁸Epweji ịkịla ri ịHaluhulu bala ịBẹtị-isuu bala ịGẹdọ bala

⁵⁹ịMaratị bala ịBẹtanotu bala Elitekọn. Ịwa wuu la epweji ịrwọnyẹ gbẹgbịlẹ tụ epweji ichiche ịdagaga jwaa.

⁶⁰Epweji ịkịla ri iKiriyatị-ịbaalụ ọlẹ ka ẹnyị ọkịla nyamwụ ri iKiriyatị-ịjarim bala ịRaba. Ịwa la epweji imiiye tụ epweji ichiche ịdagaga jwaa.

⁶¹Epweji ịlẹ kị kụ u-ugbileji ri ịBẹtị-araba bala iMidin bala iSekaka bala

⁶²iNibichan bala Ẹpweji nya Ịma bala Enggedi. Ịwa wuu la epweji ịrwọnyẹ tụ epweji ichiche ịdagaga jwaa.

⁶³Ala iJuda-á tị kụrụ ala iJebusi kpụ ị kwaa rụ bwu iJerusalẹm ẹga kị kụ myị ka. Lẹẹlẹ, ala iJebusi hi kụ ta ala iJuda pyịyọọ.