Read idege IJOCHUWA 19 Bible Online

IJOCHUWA 19 - idege bible

IJOCHUWA 19

¹Ebwo oheeye nya ọpyị ọlẹ kị ga ri nya ogang datị-datị ilimwawụ nya iSimyọn. Ọpyị nyaa ji ẹpwụ-ẹpwụ nya ọpyị nya ala iJuda.

²Epweji ịlẹ kị ji ẹpwụ nya ọpyị ọlẹ kị ga haa ri iBiyẹchẹba bala ịChẹba bala iMolada bala

³ịHasa-ichuwalụ bala ịBala bala Ẹsẹm.

⁴Epweji ịkịla ri Elutoladị bala ịBẹtulu bala ịHọma bala

⁵iSikilagị bala ịBẹtị-ịmakabotu bala ịHasa-iSusa bala

⁶ịBẹtị-ilebawotu bala ịCharuhẹn. Epweji ịwẹ wuu la iwo kụrụ ịta tụ epweji ichichẹ ịdaga jwaa.

⁷Epweji ịkịla ịlẹ kị ri nya imwawụ nya iSimyọn ịnyịnyị la epweji ine tụ epweji ichiche ịkịla ịdagaga jwaa. Ẹnyị nyaa ri Ayin bala iRimọn bala Eta bala Achan.

⁸Epweji ichiche bala ịtụka ịlẹ wuu kị juwa lalaala ka pwụ epweji nya ịBaalatị-ibiyẹ ọlẹ ká ẹnyị ọkịla nyamwụ ri ịRama oledii juwa ẹ-ẹpwụ nya ọpyị nya alimwawụ nya iSimyọn ịnyịnyị.

⁹Ị lẹẹ ga ọpyị ha alimwawụ nya iJuda ene kpoye nyọlẹ kọ baba haa. Lẹẹlẹ, ị ya ụpa nya ọpyị nyaa ọhẹ ha alimwawụ nya iSimyọn.

¹⁰Ebwo ọhata nya ọpyị ọlẹ kị ga ri nya ogang datị-datị ilimwawụ nya iSebulọn. Oyi nya ọpyị nyaa jẹ bwu ịSaridi.

¹¹Oyi ọọwa bwu ẹgẹwẹ yahị da ka ọmwẹnụ-obyi ka ịMarịyala kele ka gu ịDabẹchẹtị. Ọọwa, ọ jẹ ka bwu ọ̀bá oledii nya iJokiniyam lẹlẹ.

¹²Oyi ọwẹ yahị da bwu ọmwẹnụ-ụtụrụ nya ịSaridi kele ka oyi nya iKisilọtụ-ịTabọ. Ọọwa, ọ bwu ụwa kele ka ịDabẹratị lẹ, ọ kpoye nya ụwa kele ka ịJafiya lẹlẹ.

¹³Ọ kịnyaa bwu ọmwẹnụ-ụtụrụ ọwẹ gbee ka pwụ ịGaatị-ịhẹfẹẹ bala Ẹtịkasin lẹ, ọ ke yahị da ka iNiya juwa jẹ ka iRimọn lẹlẹ.

¹⁴O-oye nya ẹtẹ lẹ, oyi ọwẹ yẹ kịnọbọ kele ka ịHanatọn lalaaala ka cheji ụ-ụwa Ifutahẹlụ.

¹⁵Epweji ịlụwa ri ịKata bala ịNahalalụ bala iChimrọn bala Idala bala ịBẹtịlẹhẹm. Ọtụchawụlẹ nyaa wuu la epweji iwo kụrụ imiiye tụ epweji ichiche ịdagaga jwaa.

¹⁶Epweji ịtụka bala epweji ichiche ịwẹ a juwa ọ-ọpyị ọlẹ kị ga ha alogang datị-datị ilimwawụ nya iSebulọn nya ọpyị nya ụbwọ nya ịlaa lẹlẹ.

¹⁷Ebwo ohene nya ọpyị ọlẹ kị ga ri nya ogang datị-datị ilimwawụ nya Isakaa.

¹⁸Epweji ịlẹ kị ji ọpyị nyaa ri iJesiryẹlụ bala iKesilotu bala iChunẹm bala

¹⁹ịHafarayim bala iChiyọn bala Anaharatị bala

²⁰ịRabiti bala iKichiyọn bala Ẹbẹsị bala

²¹ịRẹmẹtị bala Ẹngganim bala Ẹnhada bala ịBẹtịpasẹsị.

²²Oyi nya ọpyị nyaa jẹ ka yi ịTabọ bala ịChahasuma bala ịBẹtị-ịchẹmẹchị kele ka ba ị-ịJọdan. Epweji ịtụka nyaa wuu tụ epweji ichiche ịdagaga jwaa la iwo kụrụ ịrwọnyẹ.

²³Epweji ịtụka bala epweji ichiche ịwẹ à juwa ọ-ọpyị ọlẹ kị ga ha alogang datị-datị ilimwawụ nya Isakaa nya ọpyị nya ụbwọ nya ịlaa lẹlẹ.

²⁴Ebwo ọharụ nya ọpyị ọlẹ kị ga ri nya ogang datị-datị ilimwawụ nya Achẹẹ.

²⁵Epweji ịlẹ kị ji ọpyị nyaa ri ịHẹlịkatị bala ịHali bala ịBẹtẹn bala Akịchafụ bala

²⁶Alam-ịmẹlẹkị bala Amadị bala iMichalụ. O-koye nya ọmwẹnụ-obyi nya oyi nya ọpyị nyaa jẹ ka gu ịKaamẹlụ bala iChihọ-ilibinatị.

²⁷Oyi ọwẹ yẹ ka ọmwẹnụ-ụtụrụ yahị da ịBẹtị-ịdagọn. Ọ jẹ ka yi iSebulọn bala Ọkpọọ nya Ifutahẹlụ yahị da ka ẹtẹ lalaala ka pwụ ịBẹtịhẹmẹkị bala iNeyẹlụ. Oyi ọwẹ kịnyaa yahị da ka ẹtẹ gbee kọ pwụ ịKabulu bala

²⁸Ebirọn bala iRehọbụ bala ịHamọn bala ịKana lalaala ka pwụ ịSayịdọn.

²⁹Ọọwa, oyi nya ala Achẹẹ ọwẹ à yẹ bwu ẹgẹwẹ yahị da ka ịRama, bwu ụwa ka pwụ epweji ọtụka nya ịTaya ọlẹ kị chajẹ jula ugulọ wuu lẹlẹ. Ọ yẹ kịnọbọ bwu ẹgẹwẹ yahị da ka iHosa lẹ, ọ jẹ ka pwụ Ihu nya iMeditareniya lẹlẹ. Epweji nya ịMahalabụ[13] bala Akisibu bala

³⁰Uma bala Afẹkị bala iRehọbụ juwa ọ-ọpyị ọwẹ ịnyịnyị. Epweji ịtụka ịlụwa tụ epweji ichiche nyaa wuu la iwo imiiye kụrụ imiiye (22).

³¹Epweji ịtụka bala epweji ichiche ịwẹ a juwa ọ-ọpyị ọlẹ kị ga ha alogang datị-datị ilimwawụ nya Achẹẹ nya ọpyị nya ụbwọ nya ịlaa lẹlẹ.

³²Ebwo ọharwọnyẹ nya ọpyị ọlẹ kị ga ri nya ogang datị-datị ilimwawụ nya ịNafụtali.

³³Oyi ọlẹtẹ nya ọpyị nyaa dọmwụ bwu epweji nya ịHẹlẹfụ kele ka pwụ ùgboji ọla ịSaananim bala Adaminẹkẹbụ kele ka ju ka ịJabiniili lalaala ka ju ka ịLakum. Ọọwa, ọ cheju ị-ịJọdan lẹlẹ.

³⁴Oyi ọwẹ yahị da ka ọmwẹnụ-obyi ka Asịnọtụ-ịtabọ lalaala ka kpehe i-iHukọkụ. Ọ jẹ kpa ịnyịrọ ka hị iSebulọn e-edii bala Achẹẹ ọ-ọmwẹnụ-obyi bala iJehuda ọla ịJọdan ọ-ọmwẹnụ-ụtụrụ.

³⁵Epweji ịtụka ịlẹ kị chajẹ jula ugulọ ri iSidim bala ịSẹẹ bala ịHamatị bala ịRakatị bala iKinereti bala

³⁶Adama bala ịRama bala ịHaso.

³⁷Ịkịla nyaa ri ịKẹchị bala Edireyii bala Ẹnhasọ bala

³⁸iYirọn bala iMigidalẹlụ bala iHorẹm bala ịBẹtanatị bala ịBẹtị-ịchẹmẹchị. Epweji ịtụka ịlụwa tụ epweji ichiche ịlẹ kị dagaga jwaa wuu la iwo kụrụ ihikichu.

³⁹Epweji ịtụka bala epweji ichiche ịwẹ a juwa ọ-ọpyị ọlẹ kị ga ha alogang datị-datị ilimwawụ nya ịNafụtali nya ọpyị nya ụbwọ nya ịlaa lẹlẹ.

⁴⁰Ebwo ọharwiye nya ọpyị ọlẹ kị ga ri nya ogang datị-datị ilimwawụ nya ịDan.

⁴¹Epweji ịlẹ kị ji ọpyị nyaa ọwẹ ri iSora bala Ẹchịtawolu bala Irichẹmẹchị bala

⁴²ịChaalabim bala Ayịjalọn bala Itila bala

⁴³Elọn bala iTimna bala Ẹkịrọn bala

⁴⁴Eliteke bala iGibitọng, ịGibitọn ịBaalatị bala

⁴⁵iJehudu bala iBenebẹrakị bala ịGatirimọn bala

⁴⁶ịMẹjakọn bala ịRakọn bala oye odokoko ju ịJọpa.

⁴⁷Ụka ọọwa, ala ịDan á lọngịrị yẹ ọpyị nyaa ọwẹ kpa ụ-ụwa myị ka. Ị hu ang kele kaka be epweji nya ịLẹchẹm ẹpwa. Ị kụrụ alụwa bala ọ-nwaa nwụ. Ọọwa, ị ye la nya ọpyị nya ịlaa lẹlẹ. Ị nọ ẹpwa ụ-ụwa lẹ, ị yẹ ẹnyị nya ụwa da ka ri ịDan ọlẹ kọ ri ẹnyị nya adaa ogogo lẹlẹ.

⁴⁸Epweji ịtụka bala epweji ichiche ịwẹ a juwa ọ-ọpyị ọlẹ kị ga ha alogang datị-datị ilimwawụ nya ịDan nya ọpyị nya ụbwọ nya ịlaa lẹlẹ.

⁴⁹Ụka ká ala Isirẹlụ ga ọpyị kpá, ị ga iJochuwa ọnyị nya iNun ụpa nya ọpyị ọhẹ ọlẹ kọ ka ri nyamwụ lụbwọ-lẹta.

⁵⁰Jaabwọ ká Amkpaa da ehile neeji ene lẹ, ị ya epweji ọlẹ ká iJochuwa tịtọ họọ. Epweji ọọwa ri iTiminatị-ịsẹra ọlẹ kọ juwa i-ikiti ịlọpyị nya Ifurem. IJochuwa ma epweji ọọwa nwụ́ lẹ, ọ kụ ụwa lẹlẹ.

⁵¹Ebwo nya ọpyị ịlẹ ká Eliyesa ọngọkiliya bala iJochuwa ọnyị nya iNun bala alegbeju nya ogang ilimwawụ nya Isirẹlụ ga à wẹ lẹlẹ. Ị gaa ha ogang-ogang bwula iwo ọdada ọ-ọnang nya Ọdụ Ọlịgọgọ i-iChilo. Ịịwẹ ị bwu chị ọpyị ọgaga ọwẹ eju lẹ.