Read idoma 2 USÁMUWƐ̄LU 21 Bible Online

2 USÁMUWƐ̄LU 21 - idoma bible

2 USÁMUWƐ̄LU 21

¹Eko nɛ̄ Udéfīdi wɛ ɔcɛ́ ā, ɔkpɛtā nɛ̄hi ŋmó ajɛ kú Ísrɛ̄lu iháyí ɛtá. Anɔ́ɔ Udéfīdi lɛ ɔ̄kā da Óndú ā lɛyíkwu ɔkpɛtá ā. Anɔ́ɔ Óndú ā da ɔ́ kahíníī, “Usɔ́ɔlu mɛ́mla ācɛ ɔlɛ́ nū lɛ ɛpɔ̄bí ācɛ ō ŋmó lé ohígbū ācɛ kú Ugíbeyɔn nɛ̄ Usɔ́ɔlu kpó ŋmó ā.”

²Ācɛ kú Ugíbeyɔn ā í wɛ ācɛ kú Ísrɛ̄lu ŋ́. Amáŋ é wɛ igwú kú ācɛ kú Ámɔ̄ri nɛ̄ Ísrɛ̄lu cokónu ka aá géē leyīkwu uwá klla gbō uwā ɛyí. Amáŋ Usɔ́ɔlu cēyītīkwū kóō lɛ uwá kpó yíífi ŋmá ajɛ, ohígbū ɔtucaca kú nū lɛyíkwu Ísrɛ̄lu mɛ́mla Ujúda ā.

³Anɔ́ɔ Udéfīdi lɛ ācɛ kú Ugíbeyɔn ā kpó hīgwú klla da uwá ka ɔdí nɛ̄ anúɔ géē yá lɛ uwá āa? Ó ka anúɔ tíne ō lɛ odée yá lɛ uwá kwɛyí ɔdōbɔ̄bí nēé yá uwā ā, cɛ́ɛ́ kéē géē lɛ ɔhā hɛ́ ce ācɛ ɔlɛ́ Óndú ā.

⁴Anɔ́ɔ uwá tá Udéfīdi ohi ka ikpɛ́lā kú aá mɛ́mla ipɔ́ɔ́nū kú Usɔ́ɔlu ɔ́ɔ wɛ ɛlā nɛ̄ ɔ̄cɛ ɔ́ɔ ī bī oje nɛ̄hɛ́ ámāŋ ugóolu le ka ɔ́ gwó glá ŋ́. É ka aá í kōō tíne ō ŋmó ɔ̄cɛ Ísrɛ̄lu dúúmā ŋ́. Anɔ́ɔ Udéfīdi le ɔ̄kā da uwá ka ɔdí nɛ̄ ɛ́ɛ tíne ká anúɔ yá mɛ́ɛ́ ā á?

⁵É tá ɔ̄ ohi ka Usɔ́ɔlu ɔ́ɔ tíne ō lɛ aá kpó yíífi ŋmá odúúdú ajɛ kú Ísrɛ̄lu, cɛ́ɛ́ ká odúúmā kú aá ka ɔ́ɔ̄ yēeyī ɛga dóódu kú Ísrɛ̄lu ŋ́.

⁶Anɔ́ɔ é da ɔ̄ kóō lɛ ayááyí Usɔ́ɔlu nɔ̄nyīlɔ ahāapa kpó lɛ aá cɛ́ɛ́ kú aá lɛ uwá kpó tōlī ipéyī Óndú ā ipú igelī kú Ugíbēya, igelī nɛ̄ Usɔ́ɔlu, ɔcɛ̄ nɛ̄ Óndú ā fu ā tɛtɛ lā ā. Anɔ́ɔ Udéfīdi tá uwá ohi ka anúɔ géē kpó uwā lɛ uwá á.

⁷Amáŋ Udéfīdi, ɔcɛ́ ā lɛ Umɛfíbōssɛ̄ti, ɔyɔ́ɔ́yí kú Usɔ́ɔlu hɛ́tá, ohígbū ɛka nɛ̄ Udéfīdi mɛ́mla ádā nū, Ujonátan gbo ā.

⁸Nááná ā, Udéfīdi kwú Ámōni mɛ́mla Umɛfíbōssɛ̄ti, ayí ɛpa nɛ̄ Uríspa, ɔyínɔ̄nyā kú Áyah ma lɛ Usɔ́ɔlu ā. Ó klla le ayínɔ̄nyīlɔ ɛhɔ̄ kú Umérābu, adá kú Usɔ́ɔlu, nōó ma lɛ Adríyɛ̄lu, ɔyí kú Ubásīliya nōo ŋmá Umēhōla ā kpō dúú

⁹Anɔ́ɔ Udéfīdi, ɔcɛ́ ā kwú uwā ú kpó lɛ ācɛ kú Ugíbeyɔn á. Ācɛ ā le uwá kpó tōlī ɛyí ɛfu ipéyī Óndú ā, anɔ́ɔ uwá ahāhílahāapa ā le pɛ́ gekwú tɔ̄há. É kpó uwā ŋmó ɛpléeko nēé gē gbɔɔ́ ō cē īkpɔ̄dɛ̄hɔ̄ nēé hī ka Ubáli ā.

¹⁰Anɔ́ɔ Uríspa, ɔnyā ɔlɛ́ Usɔ́ɔlu éyi, nōo wɛ adá kú Áya ā, bī īlī ekwu le áklɔ̄kpɛ gwó lɛ īyī nū ɛyí ápátɛ́cɔ̄, ɛga nɛ̄ aókwū ahāapa ā bá āa. Ó klá abɔ́ɔ ŋmá eko nɛ̄ eko oōce ɔdɛ̄hɔ̄ ā gbɔɔ́ ā jāā gbéeko ɔgwā kú iháyí ɔhá. Ó gē nū aígbáanɔ ŋmá ɛgiyí aókwū ā ɔlɛ́ɛnɔ, cɛ́ɛ́ ó kē ī nū aɛ́bɛ́ obɔ̄bí ŋmá ɛgiyí aókwū otú.

¹¹Eko nɛ̄ Udéfīdi le ɔdā nɛ̄ Uríspa yá ā pó āa,

¹²ó nyɛ̄ɛ̄ gaá le ikpokwú kú Usɔ́ɔlu mɛ́mla Ujonátan, ɔyí nū kpó ŋmá ɛgiyí ācɛ Ujábessi ipú ajɛ kú Ugílɛ̄di. Ācɛ Ujábesi ā kpó okwu Usɔ́ɔlu mɛ́mla Ujonátan ā uwī ŋmá ɔɔ́pu kú Ubɛti Ussán. Abɔ́ɔ wɛ ɛga nɛ̄ ācɛ Ufílīstiya kpó uwá playicō, eko nēé ŋmó uwá ā.

¹³Udéfīdi lɛ ikpokwú kú Usɔ́ɔlu mɛ́mla Ujonátan mɛ́mla ákú ayááyí nɔ̄nyīlɔ kú Usɔ́ɔlu ahāapa ā kpó.

¹⁴Anɔ́ɔ é lɛ uwa kpó nyi áklō éyi kú ipú únóji kú Ukissi, ádā kú Usɔ́ɔlu, Uséla, ipú ajɛ kú Ubénjāmin. É le odúúdú ɔdā nɛ̄ ɔcɛ́ ka ā yá jīla. Anɔ́ɔ igbīhi ɔdā nōo yá nyā ā, Ɔwɔicō le ɔkɔ nēé gbā ohígbū ajɛ ɔlɛ́ uwā ā pó á.

¹⁵Ācɛ Ísrɛ̄lu mɛ́mla ācɛ kú Ufílīstiya gbɔɔ́ ō kpɛ́fú tú īyī uwā igbɔhá kpɔ́. Anɔ́ɔ Udéfīdi mɛ́mla ācɛ ɔlɛ́ nū le pɛ́ i yɛ gaá le ɛfú kpó tú ācɛ Ufilístiya ā. Ɛ̄cī éyi, eko nēé bá gē kpɛ́fú ā, ɛ̄jɛ̄ le jɛ̄ Udéfīdi, ɔcɛ́ ā.

¹⁶Anɔ́ɔ ɔbáagwu éyi nēé hī ka Íssbībēnɔ̄bu nōo bī óbō kú oje udɔ nōo gbɛnú gaajɛ ukílōgram ɛtá ce āyā ā, nōo klla bī ɔkpacaŋ́gelī ɛ̄yīpɛ̄ ā, gbɛlá ka anúɔ lɔfú ŋmó Udéfīdi, ɔcɛ́ ā, glá.

¹⁷Amáŋ Abíssāyi, ɔyí kú Userúya ā, wā í le abɔ̄ tá Udéfīdi. Anɔ́ɔ ó le agwu ā ŋmó á. Ohígbū ɔ́ɔmā ācɛ ɔlɛ́ Udéfīdi le ka tɛ́ɛcɛ péee ka áa gáā cɛ̄ lɛ ɔ́ ga ɔgbɛ́fú mɛ́mla aá gɛ ŋ́. É da ɔ́ ka anú nɛ̄ ācɛ kú Ísrɛ̄lu kpɔ́tūce bɛ̄ɛka ɔlá nōo ī cɛ̄ lɛ uwá mɛ́ɛbɛ ā á. É ka aá í tíne ka ɔ́ɔ̄ kwú ɛ́ɛ́ ŋ́ bɛ̄ɛka ɔdā nɛ̄ ɔlá ɔ́ɔmā gemí ā ŋ́.

¹⁸Igbīhi ɛfú nēé kpó ɔ́ɔmā, ācɛ Ísrɛ̄lu mɛ́mla ācɛ Ufílístīya klla gbɔɔ́ ō kpɛ́fú igbɔhá kpɔ́ ipú ajɛ kú Ugɔ́bu. Eko ɔ́ɔmā nɛ̄ Usibɛkáyi nōo ŋmá Uhússa ā ŋmó agwu nēé hī ka Usáfu ā á.

¹⁹É klla kpɛ́fú mɛ́mla ācɛ Ufílīstiya igbɔhá kpɔ́ ipú ajɛ kú Ugɔ́bu. Anɔ́ɔ Ɛlhánan, ɔyí kú Ujáyɛ nōo ŋmá Ubɛ́tilɛ̄hɛm ā lɛ Ugolíyāti, agwu nɛ̄hi éyi kú Ugáti,[9] ŋmó á. Ogbló ō wu óbō kú agwu ā cɔkpɛ́nú bɛ̄ɛka ogbló kú ɔdā nēé gē bī lɛ tá īlī ā.

²⁰É klla kpɛ́fú igbɔhá kpɔ́ ipú ajɛ kú Ugáti. Ɔbáagwu éyi yɔ̄ abɔ́ɔ nōo lɛ ayíkābɔ̄ ɛhīlī mɛ́mla ayíkīkpó ɛhīlī dúú.

²¹Ó gē wā í cá Ísrɛ̄lu ɛcá eko dóódu. Anɔ́ɔ Ujonátan, ɔyí kú ɔyínɛ́ kú Udéfīdi, Ussímēyi lɛ ɔ́ ŋmó á.

²²Udéfīdi mɛ́mla ācɛ ɔlɛ́ nū ŋmó ācɛnyīlɔ ɛnɛ nyā nēe wɛ ayááyí kú aágwu kú Ugáti ā á.