Read idoma 1 ÚKLƆ́ KÚ AƆ́CƐ́ 2 Bible Online

1 ÚKLƆ́ KÚ AƆ́CƐ́ 2 - idoma bible

1 ÚKLƆ́ KÚ AƆ́CƐ́ 2

¹Ujékɔ̄pu ma ayí igwɛ́ɛpa. Uwá kē bá yɔ̄ á: Urúbɛ̄n, Usímīyɔn, Ulífāyi, Ujúda, Ísāka, Usébūlɔn,

²Udáni, Ujósɛ̄fu, Ubɛ́njamīn, Unáfutāli, Ugádi mɛ́mla Ássa.

³Ujúda ma ayí ɛhɔ̄. Ɔnyā nū Ubátssúwa nōó lɛ ŋmá Ukénan ā, ma ayí ɛtá. Iyē kú uwā bá yɔ̄ á: Ɛ́ri, Ónan mɛ́mla Ussɛlá. Ɔkplá kú nū, Ɛ́ri ā le ɔdōbɔ̄bí nɛ̄hi yá, anɔ́ɔ Óndú ā kwú ɔ̄ ú ŋmó á.

⁴Ujúda lɛ ayí ɛpa ŋmá ɛgiyí Utáma, ɔnyā kú ɔyí nū. Ayí ā kē wɛ Upéresi mɛ́mla Uséra.

⁵Upéresi ma ayínɔ̄nyīlɔ ɛpa: Uhɛ́srɔn mɛ́mla Uhámulu.

⁶Ɔyínɛ́ nū, Uséra ā má ayí ɛhɔ̄. Ayí ā wɛ, Usímri, Ɛ́tan, Uhɛ́mān, Ukálkolu mɛ́mla Ukámi.

⁷Ákan, ɔyí kú Ukámi, éyi kú ayí kú Uséra ā, bī ífi wā í klá Ísrɛ̄lu eko nōó kpó aɔ́dā nēé wu ŋmá ɔgbɛ́fú nēé kē kwú kpó bá lɛ Óndú ā, uwī á.

⁸Ɛ́tan ma ɔyí éyi nōo lé ka Asárīya.

⁹Uhɛ́srɔn ma ayí ɛtá nēe lé ka, Ujɛ́ramīilu, Urám mɛ́mla Ukálēbu.

¹⁰Ipɔ́ɔma nēe kwu ɔgba ŋmá Urám ga Ujése ā bá yɔ̄ á: Urám, Ammínādābu, Unássɔn (ɔ̄cɛ nɛ̄ eyī dóódu je ipú ācɛ kú Ujúda)

¹¹Usálma wɛ ádā kú Ubówāsi.

¹²Ubówāsi wɛ ádā kú Óbɛ́di. Óbɛ́di kē wɛ ádā kú Ujése.

¹³Ujése ma ayí ahāapa. O kpó kwu ɔgbɔɔgba kú uwā ɛ́gɛ́nɛ̄ é ma uwā lɛ ā wɛ, Ɛlíyābu, Abínādābu, Ussáma,

¹⁴Unatánīyɛlu, Uráddáyi,

¹⁵Osém mɛ́mla Udéfīdi.

¹⁶Ó ma ayínɔ̄nyā ɛpa, Userúya mɛ́mla Abígɛ̄ɛlu. Ɔyínɔ̄nyā kú Ujése, Userúya ā ma ayínɔnyīlɔ ɛtá: Abísāyi, Ujówābu mɛ́mla Ásāhɛlu.

¹⁷Ɔyí nū nɔ̄nyā ɔ́mpa ā wɛ ɔnyā Ujéta nōo ŋmá ipɔ́ɔma kú Íssmɛ̄lu ā. É ma ɔyí éyi, nōo lé ka Amása.

¹⁸Ɔyí kú Uhɛ́srɔn nōo lé ka, Ukálɛ̄bu ā, le ɔyínɔ̄nyā kú Ujɛ́rīyɔ̄tu lɛ. Ó ma ayí ɛtá lɛ ɔ́: Ujɛ́sa, Ussɔ́bābu mɛ́mla Ádɔn.

¹⁹Eko nɛ̄ Asúba gekwú ā, Ukálɛ̄bu lɛ Ɛ́frati lɛ. Ó ma ɔyínɔ̄nyīlɔ éyi lɛ ɔ́. Iyē kú nū lé ka Uhúr.

²⁰Uhúr ma Úri á. Ɔyí kú Úri wɛ Ubásālelu.

²¹Eko nɛ̄ Uhɛ́srɔn kwú pīya iháyí ofɛtá ā, ó gaá lɛ ɔyínɔ̄nyā kú Umákīyɛ, ɔyínɛ́ kú Ugílɛ́di lɛ. Ɔnyā ɔ́ɔmā ma Uségubu lɛ ɔ́ á.

²²Uségubu ma Ujɛ́ɛ nōo wɛ ɔcɛ́ kú aígelī nɛ̄hi ofu cɛtá kú ajɛ kú Ugílɛ̄di ā.

²³Amáŋ ɔcɛ́ kú Ugɛ́ssɔn mɛ́mla Áram mīyɛ aígelī nɛ̄hi ofɛtá abɔ̄fú. É mīyɛ aígelī nɛ̄hi kú Ujɛ́ɛ mɛ́mla Ukénan mɛ́mla aígelī nɛ̄hi nēe kwu uwá ajaajɛ ā dúú. Odúúdú ācɛ nēe lā abɔ́ɔ ā wɛ ayí kú ipɔ́ɔma kú Umákīyɛ, ádā kú Ugílɛ̄di ā.

²⁴Eko nɛ̄ Uhɛ́srɔn gekwú ā, ɔyí nū, Ukálɛ̄bu kwú Ɛ́frati ɔnyokwū kú ádā nū ú. Ó ma ɔyí éyi lɛ ɔ́. Iyē kú nū lé ka, Ásshɔ́ nōo wɛ ádā kú Utékōwa ā. Anú klla le igelī nɛ̄ŋcɛ́ nēé hī ka Utékōwa ā kwaajɛ á.

²⁵Ujɛramīīlu, ɔ́kplá kú Uhɛ́srɔn ā ma ayínɔnyīlɔ ɛhɔ̄. Iyē kú uwā bá yɔ̄ á: Urám, Ubúna, Orén, Osém mɛ́mla Ahíja.

²⁶Ujɛramīīlu lɛ ɔnyā ɔha lɛ, iyē ɔnyā ā lé ka Atára. Anú wɛ ɛ́nɛ́ kú Ónam á.

²⁷Ayínɔnyīlɔ kú Urám, ɔ́kplá kú Ujɛramīīl ā, wɛ Umáasu, Ujamín mɛ́mla Éka. Ujɛramīīlu lɛ ɔnyā ɔ́mpa nɛ̄ iyē kú nū lé ka Atára. Ó ma Ónam lɛ ɔ́.

²⁸Ónam ma ayí ɛpa. Ussamáyi, mɛ́mla Ujáda: Ussamáyi ma ayí ɛpa dúú. É wɛ Unádābu mɛ́mla Abíssɔ́ɔ.

²⁹Ɔnyā kú Abíssɔ́ɔ wɛ Abíhēlu. Ó ma ayínɔ̄nyīlɔ ɛpa lɛ ɔ́. Aában mɛ́mla Umólidi.

³⁰Ɔyínɛ́ kú Abíssɔ, Unádābu ā ma ayí ɛpa nēe lé ka Usélēdi mɛ́mla Apayím. Amáŋ Usélēdi í ma ɔyí dúúmā ɛ́ɛ́ nōó kwú ā ŋ́.

³¹Apayím ma Íssi á, Íssi ma Ussɛ́han á, Ussɛ́han ma Álāyi á.

³²Ujáda, ɔyínɛ́ kú Ussammáyi ma ayí ɛpa. Iyē uwā lé ka Ujɛ́ta mɛ́mla Ujonátan. Ujɛ́ta í ma ɔyí dúúmā eko nōó kwú ā ŋ́.

³³Ujonátan ma ayí ɛpa: Upéleti mɛ́mla Usása.

³⁴Usséssan í ma ayínɔ̄nyīlɔ dúúmā ŋ́, ayínɔ̄nyā ōfōōfūnū nōó ma á. Ó lɛ ɔfiyɛ kú Íjīpiti éyi, nōo lé ka Ujássa.

³⁵Anɔ́ɔ ó kwú ɔyí nū nɔnyā éyi ú lɛ ɔ́ ɔnyā á. Ó ma ɔyí éyi lɛ ɔfiyɛ kú Íjīpiti ā, nōo lé ka Átāyi.

³⁶Ɔgba nōo ŋmá Átāyi ga Ɛlíssāma ā wɛ: Átāyi, Unátan, Usádi,

⁴¹Ujɛkamíya mɛ́mla Ɛlíssāma.

⁴²Ɔ́kplá kú Ukálɛ̄bu, ɔyínɛ́ Ujɛramīīlu ā, lé ka Umésa ā. Umésa ma Usífu á. Usífu ma Umárésa. Umárēsa wɛ ádā kú Uhɛ́brɔn á.

⁴³Uhɛ́brɔn ma ayí ɛnɛ. É kē wɛ Ukóra, Utápūwa, Urékɛm, Ussɛ́ma.

⁴⁴Ussɛ́ma wɛ ádā kú Uráham, mɛ́mla ádáádā kú Ujɔkím á. Ɔyínɛ́ kú Ussɛ́ma wɛ ádā kú Ussammáyi

⁴⁵nōo wɛ ádā kú Umáwon á. Umáwon wɛ ádā kú Ubɛ́tsɔ.

⁴⁶Ɔnyā ōcikpó kú Ukálɛ̄bu éyi nōo lé ka Ɛ́fa ā ma Uháran, Umósa, mɛ́mla Ugásesi lɛ ɔ́ á. Uháran ma ɔyí éyi dúú. Iyē kú nū lé ka Ugásesi.

⁴⁷Ujádāyi ma ayí ɛhīlī. Iyē kú uwā bá yɔ̄ á: Urégem, Ujɔ́tam, Ugéssan, Upélēti, Ɛ́fa mɛ́mla Ussaáfu.

⁴⁸Ɔnyā ōcikpó ɔhá kú Ukálɛ̄bu ā wɛ Umáaka. Ó ma Uséba mɛ́mla Utɛ́hána lɛ ɔ́.

⁴⁹Anú klla ma Ussááfu nōo wɛ ádā kú igelī nɛ̄ŋcɛ́ kú Umádmana. Uséfa nōo wɛ ádā kú Umakbéna mɛ́mla Ugíbɛ̄ya ɔ́. Ukálɛ̄bu klla lɛ ɔyínɔnyā éyi, nōo le ka Áksa.

⁵⁰Ɔnyā kú ɔ́kplá kú Ukálɛ̄bu, Uhɔ́ɔ ā lé ka Ɛ́frāti. Uhɔ́ɔ ma Ussóbalu, nōo wɛ ádā kú Ukɛ́riyat Ujeyarím ā ɔ́.

⁵¹Ɔyí kú Ukálɛ̄bu ɔ́mpa ā wɛ ádā kú Ubɛ́tilɛhɛ̄m á. Ɔyí nū ɔmɛ́tá ā wɛ ádā kú Ubɛ́tgáda á.

⁵²Ussóbalu, ádā kú Ukɛ́riyat Ujeyarím ā klla wɛ ádā kú ācɛ kú Uhárōwɛ, mɛ́mla āyā kú ipɔ́ɔma kú Umɛ́nūhɔ̄tu á.

⁵³Mɛ́mla aípɔ́ɔma nēe lā Ukɛ́riyat Ujeyarím ā, Íttrīti, Upúti, Usúma mɛ́mla Umissra, mɛ́mla ācɛ kú igelī nɛ̄hi kú Usóra mɛ́mla Éstāwolu dúú á.

⁵⁴Usálma nōo wɛ ádā kú Ubɛ́tilɛhɛ̄m ā wɛ ádā kú ācɛ kú ipɔ́ɔma kú Unetōfáti, Átrɔ̄tu Ubɛ́ti Ujówābu, mɛ́mla Usóri, éyi kú aípɔ́ɔma kú Umánāhati.

⁵⁵Aípɔ́ɔma nēe jé ō tɔ́kpa lɔhi nɛ̄hi ā lā igelī nɛ̄hi kú Ujábesi. É wɛ Utírati, Ussímīiti mɛ́mla Usúkati. Uwá wɛ ācɛ kú Ukéni, uwá mɛ́mla ācɛ kú Urékābu gē lɛ ɔnyā ŋmá ɔlɛ́ īyī uwā.