Read idoma 1 ÚKLƆ́ KÚ AƆ́CƐ́ 25 Bible Online

1 ÚKLƆ́ KÚ AƆ́CƐ́ 25 - idoma bible

1 ÚKLƆ́ KÚ AƆ́CƐ́ 25

¹Udéfīdi mɛ́mla aótrɛ̄yí kú ayí Ulífāyi ohile ā, lɛ ipɔ́ɔma kú Ulífāyi nyā fu kéē yúklɔ́ kú ijē ō gwó mɛ́mla ɔdā ijē ō gwō ipú Agblīihɔ-nɛ̄hi kú Óndú ā: Ásāfu, Uhɛ́man mɛ́mla Ujɛ́dūtɔn. É gē bá ī tɔ́ɔna kú ɛlā kú Ɔwɔicō ipú ijē ō gwó mla ɔdā ō bī gwíijē nēe wɛ ɛ̄ngwū ɛnɛ̄ŋ́cɛ́ mɛ́mla ɛnɛ̄hi, mɛ́mla anwa kú oje. Ɛnyā wɛ iyē kú aígwu nēe gē bá í kpó ācɛ trɛ̄yí ipú ijē ō gwó mla ō gwō ɔdā o bī gwíijē tū ɔ̄, eko nēe ī gbɛ̄gbā dóódu á.

²Ayí kú Ásāfu ɛnɛ ā: Usáku, Ujósɛ̄fu, Unetánīya mɛ́mla Assarɛ́la. Ásāfu gē leyīkwu ígwu kú ācogwíjē nyā kéē wā í tɔ́ɔna kú ɛlā kú Ɔwɔicō ipú ije ō gwó, eko dúúmā nɛ̄ Udéfīdi, ɔcɛ́ ā cɛgbá uwá kú úklɔ́ nyā ā.

³Ayí ɛhīlī kú Ujɛ́dūtɔn ā: Ugɛdalíya, Uséri, Ujésáya, Ussímēyi, Uhassábīya mɛ́mla Umátītīya. Ádā uwá gē leyīkwu ígwu nōo gē gwííjē mla ɛ̄ngwū kéē tá Ɔwɔicō ahínyá, klla cɛ̄tra anú, nōo wɛ Ɔwɔicō kú Ísrɛ̄lu ā á.

⁴Ayí igwɛ́ɛnɛ kú Uhɛ́mān ā: Ubukíya, Umatánīya, Usíyɛ̄lu, Ussébūwelu, Ujɛ́rīmɔtu, Uhananíya, Uhanáni, Ɛlíyāta, Ugidálti, Urómāmtiyɛ́sa, Ujóssbekássa, Umálɔti, Uhótɛ̄ɛ mɛ́mla Umáhāsíyɔ̄ti.

⁵Ɔwɔicō je ayí igwɛ́ɛnɛ nyā mɛ́mla ayínɔ̄nyā ɛtá lɛ Uhɛ́mān, nōo wɛ ɔ̄comɛ́ɛbɛ kú ɔlɛ́ ɔcɛ́, ɛ́gɛ́nɛ̄ ó cokónu lɛ, ka anúɔ géē kpó ayí nyā lɛ ɔ́ cɛ́ɛ́ kéē lɔfú je lɛ Uhɛ́mān.

⁶Odúúdú ayí nū ā gē gwíijē klla ī gwō ɛ̄ngwū ipú Agblīihɔ-nɛ̄hi kú Óndú ā, ɛháajɛ kú ádā uwá, Ásāfu, mɛ́mla Ujɛ́dūtɔn mɛ́mla Uhɛ́mān abɔ̄yī uwā kē bá ɛháajɛ ɔ́da kú Udéfīdi, ɔcɛ́ ā.

⁷Odúúdú ācɛ ofucɛnɛ nyā gē gwííjē klla gé gwū ɔdā ō bī gwííjē nɛ̄hi. É lɛ uwá nwū jé mɛ́mla ayí kú Ulífāyi ɔ́mpa uwá lɔɔlɔhi. Odúúdú uwá nēe gē gwííjē nyā ā pīyatɔ̄há, uwá wɛ ofigwɛ́ɛnɛ ce ācɛ ahātá (288).

⁸O yá ɛɛ́ kú ɔnyɔɔnyɛ kóō jé eko kú úklɔ́ kú nū ā, odúúdú uwá, kwu ayípɛ̄ kwu anyākwɔ́cɛ, kwu ācɛ nēe gē klɔɔcɛ ā, odúúdú uwá gē tū ūlī ɛ́ɛ́, nēé gē jé eko kú úklɔ́ kú uwá á.

⁹É le odúúdú uwā nēe gē gwííjē nyā kɔ̄ aígwu ofucɛnɛ. Ígwu dóódu gē lɛ ācɛ ofucɛnɛ ipú nū. Iyē kú aígwu ofucɛnɛ nyā mɛ́mla aótrɛ̄yí, nēe gē leyīkwu ígwíígwu dóódu ā bá á. Ígwu kú aflɛ́yí ā wɛ Ujósɛ̄fu ŋmá ipɔ́ɔ́nū kú Ásāfu. Ígwu ɔ́mpa wɛ ígwu kú Ugɛdalíya.

¹⁰Ɔ́mɛta ā wɛ Usákɔ.

¹¹Ɔ́mɛnɛ ā wɛ Uséri.

¹²Ɔ́mɛhɔ̄ ā wɛ Unetaníya.

¹³Ɔ́mɛhīlī ā wɛ Ubukíya.

¹⁴Ɔ́mahāapa ā wɛ Assarɛ́la.

¹⁵Ɔ́mahātá ā wɛ Ujɛssáya.

¹⁶Ɔ́maháanɛ ā wɛ Umatánīya.

¹⁷Ɔ́migwó ā wɛ Ussíméyi.

¹⁸Ɔ́migwóléyi ā wɛ Usíyɛ̄lu.

¹⁹Ɔ́migwɛ́ɛpa ā wɛ Uhássábīya,

²⁰Ɔ́migwɛ́tá ā wɛ Ussébūwɛlu,

²¹Ɔ́migwɛ́ɛnɛ ā wɛ Umátátīya.

²²Ɔ́migwɛ́ɛhɔ̄ ā wɛ Ujɛ́rīmɔtu.

²³Ɔ́migwɛ́hīlī ā wɛ Uhananíya,

²⁴Ɔ́migwáahāapa ā wɛ Ujossbékássa.

²⁵Ɔ́migwáhātá ā wɛ Uhanáni.

²⁶Ɔ́migwáahāanɛ ā wɛ Umálɔti,.

²⁷Ɔ́mɔfu ā wɛ Ɛlíyāta.

²⁸Ɔ́mɔfu céyi ā wɛ Uhótɛ̄ɛ,

²⁹Ɔ́mɔfu cɛpa ā wɛ Ugidálti.

³⁰Ɔ́mɔfu cɛtá ā wɛ Umáhāsíyɔti.

³¹Ɔ́mɔfu cɛnɛ ā wɛ Uromamtiyésa.