Read idoma 1 ÚKLƆ́ KÚ AƆ́CƐ́ 7 Bible Online

1 ÚKLƆ́ KÚ AƆ́CƐ́ 7 - idoma bible

1 ÚKLƆ́ KÚ AƆ́CƐ́ 7

¹Ísāka ma ayí ɛnɛ nēe bá ā, Utóla, Upúwa, Ujássūbu mɛ́mla Ussímrɔn.

²Utóla ma ayí ɛhīlī nēe bá ā, Ússi, Urefáya, Ujérīyɛlu, Ujamáyi, Íbisām, mɛ́mla Ussémūwɛlu. É wɛ aótrɛ̄yí kú aípɔ́ɔ́nū kú ipɔ́ɔma kú Utóla á. Uwá wɛ aícɔ́ɔja olɔtū nɛ̄hi á. Eko nɛ̄ Udéfīdi wɛ ɔcɛ́ kú Ujúda á, ɛwa kú uwá wɛ úla ofɛpa cigwɛ́hīlī cofigwó (22,600).

³Úsi mɔyí éyi nōo yɔ̄ ā, Ísrahíya. Ísrahíya ma ayí ɛnɛ nēe bá ā, Umáyíkɛ̄lu, Obadáya, Ujówɛ̄lu mɛ́mla Isssíya. É wɛ otrɛ̄yí kú aípɔ́ɔ́nū.

⁴É lɛ anyā alɛwa klla ma ayí alɛwa nɛ̄hi nōo yá ka ɛwa kú aícɔ́ɔja kú uwá kóō wɛ úla ofɛnɛ cigwó (36,000).

⁵Odúúdú ɛwa kú aícɔ́ɔja kú ipɔ́ɔma kú Ísāka pīyatɔ̄há, é wɛ úlúúlā ce úlā igwáahāapa cofɛhɔ̄ (87,000).

⁶Ubɛ́njamīn ma ayí ɛtá. É wɛ, Ubéla, Ubéka mɛ́mla Ujedíyɛ̄lu.

⁷Ubéla ma ayí ɛhɔ̄ nēe bá ā: Ésbɔn, Úsi, Usíyɛ̄lu, Ujɛ́rīmɔtu mɛ́mla Íri. Odúúdú uwá wɛ aótrɛ̄yí kú ipɔ́ɔma kú uwā. É klla wɛ aícɔ́ɔja olɔtū nɛ̄hi. Ɛwa kú uwá nēe wɛ aícɔ́ɔ́ja glá ā wɛ, úlā ofɛpa cigwɛ́ɛhɔ̄ cofu cigwɛ́ɛnɛ (22,034).

⁸Ubéka ma ayí ahāanɛ nēe bá ā: Usémíra, Ujówāssi, Ɛlíyēsa, Ɛliyónāyi, Ómri, Ujɛ́rɛ̄mɔtu, Ábīja, Anátɔ̄tu mɛ́mla Aleméti.

⁹Ācɛ kú aípɔ́ɔ́nū nyā nēe wɛ aícɔ́ɔ́ja glá ā wɛ úlā ofɛpa cigwó ce ācɛ ofigwó (20,200).

¹⁰Ujɛdíyɛ̄lu ma ɔyí éyi nōó hī ka Ubílhan. Ubílhan ma ayí ahāapa nēe bá ā: Ujéyuss, Ubɛ́njamīn, Ehúdu, Ukénāāna, Usétan, Utássiss mɛ́mla Ahíssāha.

¹¹É lɛ ɛwa nɛ̄hi. Ɛwa kú ācɛ kú uwā nēe wɛ aícɔ́ɔ́ja glá ā wɛ úlā ofɛpa cɛtá (17,200).

¹²Ussɔ́ppim mɛ́mla Uhɔ́pim wɛ ipɔ́ɔma nyā dúú. Udáni mɔyí éyi nōo lé ka Uhɔ́ssim.

¹³Unáfutāli ma ayí ɛnɛ nēe bá ā: Ujásīyɛlu, Ugúni, Ujɛ́sa mɛ́mla Ussálum. É wɛ ayí kú Ubílha (ɔnyā ōcikpó kú Ujékɔ̄pu nōo wɛ ɛ́nɛ́ kú Udáni dúú ā.)

¹⁴Ɔnyā kú Umanásɛ nōó lɛ ŋmá Áram ā ma ayí ɛpa lɛ ɔ́. Iyē kú uwā wɛ Asrīyɛlu mɛ́mla Umakíyɛ. Umakíyɛ wɛ ádā kú Ugílɛdi á.

¹⁵Umakíyɛ le ɔnyā éyi lɛ lɛ Uhɔ́ppim. Ó kē lɛ ɔnyā ɔhá lɛ lɛ Ussɔ́pim. Ɔyínɛ́ nū nɔ̄nyā ā wɛ Umáaka. Ɔyí kú Umakíyɛ ɔ́mpa ā wɛ Usélōphedádi, nōo ma ayínɔnyā ōfōōfūnū ā.

¹⁶Umáaka, ɔnyā kú Umakíyɛ ā ma ayí ɛpa: Upéressi mɛ́mla Usséress. Upéressi ma ayí ɛpa nēe bá ā: Úlam mɛ́mla Urákem.

¹⁷Úlam ma ɔyí éyi nōo lé ka Ubédan. É wɛ ayí kú ipɔ́ɔma kú Ugílɛ̄di, ɔyí kú Umákīyɛ, ɔyí kú ɔyí kú Umanásɛ.

¹⁸Ɔyínɛ́ nɔ̄nyā kú Ugílɛ̄di, Uhamóléketi ma ayí ɛtá nēe bá ā: Íssɔ̄du, Abíyɛ̄sa mɛ́mla Umáhila.

¹⁹(Usémīda ma ayí ɛnɛ nēe bá ā; Ahíyan, Ussékɛm, Ulíki mɛ́mla Aníyam.)

²⁰Ɛ̄nyā wɛ ayí kú ipɔ́ɔma kú Ɛ́frem ŋmá ayááyí ga ayááyí á. É wɛ Ussutéla, Ubɛrédi, Utáhāti, Ɛléyāda, Utáhāti.

²¹Usádi, Ussútéla. Igbīhi Usútéla ā, Ɛ́frem klla ma ayí ɛpa nēe bá ā, Ésa mɛ́mla Ɛlídi nēé je kpó ŋmó eko nēé kpó aɛ́na kú ācɛ Ugáti uwī ā.

²²Ádā uwā, Ɛ́frem ā yɔ́tūnōbí kú uwā ɛ̄cī alɛwa ɛ́ɛ́ nɛ̄ ayínɛ́ uwā tá ádā uwá ɔtū lé á.

²³Ó má gwutá mla ɔnyā nū igbɔhá, anɔ́ɔ ó le ipú yɔ̄ klla le ɔyínɔ̄nyīlɔ ma á. Ó hī iyē nū ka, Uberíya,[1] (ohígbū unwalu nōo wā ɔlɛ́ nū ā.)

²⁴Ɛ́frem ma ɔyínɔ̄nyā éyi nōó hī ka Ussɛ́ɛra. Anú gwó aígelī nɛ̄ŋcɛ́ kú ɛhícō mɛ́mla ɛháajɛ kú Ubɛti Uhórɔn mɛ́mla Ussɛ́ɛra á.

²⁵Ɛ́frem klla ma ɔyí ɔhá le ka, Uréfa nōo wɛ ádā kú Uréssɛ̄fu, Utɛ́la, Utáhan,

²⁶Uládan, Ammíhūdu, Ɛlíssāma,

²⁷Unún, wɛ ádā kú Ujósuwa.

²⁸Ajɛ nēé mīyɛ klla lā ā, wɛ Ubɛ́tɛlu jāā kwu ɛnɔ̄ɔ̄cī kú Unaáran jāā ga ɛnɔ̄ɔ̄nɛ̄ kú Ugɛ́sa mɛ́mla igelī nɛ̄ŋcɛ́ kú Usɛ́kɛm mɛ́mla Áyaa mɛ́mla aígelī nɛ̄ŋcɛ́ nēe yɛ uwá jīla tá ā.

²⁹Ipɔ́ɔma kú ayí kú Umanásɛ lɛ aígelī nɛ̄hi kú Ubɛ́tissan, Utáánāki, Umegído mɛ́mla Udɔ́ mɛ́mla aígelī nɛ̄ŋcɛ́ nēe yɛ uwá jīla ā. Ɛga nēe bá nyā wɛ ɛga nɛ̄ ayí kú ɔyí kú Ujósɛ̄fu, Ɛ́frem ā lā á.

³⁰Ássa ma ayí ɛnɛ nēe bá ā: Ímna, Íssfa, Íssfi mɛ́mla Uberíya, mɛ́mla ɔyínɔ̄nya éyi nōo lé ka Uséra.

³¹Ubérīya ma ayí ɛpa nēe bá ā: Uhɛ́ba mɛ́mla Umálkīyɛlu nōo wɛ ádā kú Ubɛ́sāyit ā.

³²Uhɛ́ba ma ayí ɛtá nēe bá ā: Ujáflɛ̄ti, Ussóma mɛ́mla Uhótam, mɛ́mla ɔyínɔ̄nya éyi, nɛ̄ iyē nū wɛ Ussúwa.

³³Ujáflēti ma ayí ɛtá nēe bá ā: Upasáki, Ubímhálu, mɛ́mla Ássufāti.

³⁴Ɔyínɛ́ nū Usséma ā ma ayí ɛtá nēe bá ā dúú, Uróga, Ujɛ́hūba, mɛ́mla Áram.

³⁵Uhótam ma ayí ɛnɛ nēe bá ā: Usófa, Ímna, Ussɛ́lɛss mɛ́mla Ámalu.

³⁶Ayí kú Usófa wɛ, Usúwa, Uhánɛ̄fa, Ussúwalu, Ubɛ́ri, Ímra,

³⁷Ubɛ́sa, Uhódu, Ussáma, Ussílissa, Ítrán mɛ́mla Ubɛ́ɛra.

³⁸Ayí kú Ujɛ́ta wɛ, Ujefúne, Upíspa mɛ́mla Ára.

³⁹Ayí kú Úla wɛ, Ára, Uhánīyɛlu mɛ́mla Urísīya.

⁴⁰Ɛ̄nyā wɛ odúúdú ayí kú ipɔ́ɔma kú Ássa á. É lɛ ɛwa klla lɛ ācɛ nɛ̄hi ɔlɛ́ uwā. Ācɛ kú ipɔ́ɔma kú Ássa nēe wɛ aícɔ́ɔ́ja glá ā wɛ úlā ofɛtá cɛ̄hɔ̄ (26,000).