Read idoma 1 ÚKLƆ́ KÚ AƆ́CƐ́ 8 Bible Online

1 ÚKLƆ́ KÚ AƆ́CƐ́ 8 - idoma bible

1 ÚKLƆ́ KÚ AƆ́CƐ́ 8

¹Ubɛ́njamīn ma ayí ɛhɔ̄ gboce īyī wā. Uwá kē bá yɔ̄ á: Ubéla, Ásbɛ̄lu, Ahára,

²Unóha mɛ́mla Uráfa.

³Ayí kú Ubéla wɛ, Áda, Ugɛ́ra, mɛ́mla Abíhudu,

⁴Abíssuwa, Unáaman, Ahówah,

⁵Ugɛ́ra, Uséfūfan mɛ́mla Uhúram.

⁶Ayí kú Éhūdu wɛ, Umáama, Ahíja mɛ́mla Ugɛ́ra.

⁷É wɛ ádā kú ipɔ́ɔma nēe lā Ugɛ́ba ā. Amáŋ, é lɛ uwá kpó nū bɛ̄cɛ ŋmá abɔ́ɔ gaá lā Umanáhāti. Ugɛ́ra, ádā kú Úsaa mɛ́mla Ahíhūdu ā kpó uwā ŋmá abɔ́ɔ á.

⁸Ussaharayím tá anyā nū ɛpa nēe bá ā: Uhússim mɛ́mla Ubaára.

⁹Igbīhāajɛ, eko nōó gaá lā Umówābu ā, ó le Uhódɛssi lɛ klla le ayí ahāapa ma. Iyē kú uwā bá yɔ̄ á: Ujóbābu, Usíbīya, Umésa, Umálkam.

¹⁰Ujéyɔsi, Usákīya mɛ́mla Umɛ́ma. Odúúdú ayí nū ā kwu kpó pīya ádā kú aípɔ́ɔma kú abɔ̄yī uwā.

¹¹Ó klla ma ayí ɛpa ɔhá ŋmá īye kú Uhússim. É wɛ, Abítūbu mɛ́mla Ɛ́lpaalu.

¹²Ɛ́lpaalu ma ayí ɛtá nēe bá ā: Éba, Umíssam mɛ́mla Ussémēdi. Ussémēdi gwó aígelī nɛ̄hi kú Óno, mɛ́mla Ulódu mɛ́mla aípɔ́lɛ́ nēe yɛ uwá jīla tá ā.

¹³Ubérīya mɛ́mla Usséma wɛ ádā kú ipɔ́ɔma kú uwá nēe lā Áíjālɔn nōo nū ācɛ kú Ugáti bɛ̄cɛ ŋmá abɔ́ɔ á.

¹⁴Ayí kú Ubérīya wɛ Ahíyo, Ussássāki, Ujɛ́rɛ̄mɔtu,

¹⁵Usébādiya, Árādi, Ɛ́da,

¹⁶Umáyíkɛ̄lu, Ísspa mɛ́mla Ujóha.

¹⁷Ayí kú Ɛ́lpaalu ā wɛ, Usébadíya, Umésúlam, Uhíski, Uhɛ́ba,

¹⁸Issmeráyi, Islíya mɛ́mla Ujóbābu.

¹⁹Ayí kú Ussímēyi ā wɛ, Ujákim, Usíkri, Usábudi,

²⁰Ɛlayénāyi, Usiletáyi, Ɛlíyēlu,

²¹Adáya, Uberáya mɛ́mla Ussímráti.

²²Usásáki ma ayí nēe bá ā: Ísspan, Éba, Éliyɛlu,

²³Ábūdɔn, Usíkri, Uhánan,

²⁴Uhananíya, Ɛlam, Antotíja,

²⁵Ufɛdɛ́ya, mɛ́mla Upénūwēlu.

²⁶Ayááyí kú Ujɛ́rōham wɛ, Ussamssɛ́rāyi, Ussɛhárīya, Atálīya,

²⁷Ujarɛssíya, Ɛláyíja mɛ́mla Usíkri.

²⁸Aɛ́nyā wɛ anyākwɔ́cɛ kú ayí kú ipɔ́ɔma kú Ubɛ́njamīn nēe lā Ujerúsālɛm ā.

²⁹Ujɛ́yɛlu wɛ ádā kú Ugíbiyɔn á. Ɔnyā nū lé ka Umaáka.

³⁰Ɔ́kplá kú nū ā wɛ Ábudɔn. Ayí nū ɔhá ā wɛ, Usɔr, Ukíss, Ubáalu, Unɛ́ɛ, Unádābu,

³¹Ugɛ́dɔ, Ahíyo, Uséka,

³²mɛ́mla Umíkīlɔtu, ádā kú Ussímēya. Ayí kú ipɔ́ɔma kú uwā lā Ujerúsālɛm kwu ipɔ́ɔma kú uwā ɔhá nēe lā abɔ́ɔ ā dúú.

³³Unɛ́ɛ wɛ ádā kú Ukíss nōo wɛ ádā kú Usɔ́ɔlu, ɔcɛ́ aflɛ́yí kú Ísrɛ̄lu āá. Usɔ́ɔlu ma ayí ɛnɛ. Uwá kē bá yɔ̄ á: Ujonátan, Umálkīssuwa, Abínādābu mɛ́mla Essbáalu.

³⁴Ujonátan wɛ ádā kú Uméríbaálu nōo wɛ ádā kú Umíka á.

³⁵Umíka ma ayí ɛnɛ nēe bá ā: Upítɔ̄ni, Umélēki, Utáréya mɛ́mla Áhāsi.

³⁶Áhāsi wɛ ádā kú Ujɛ́hōda nōo wɛ ádā kú Aleméti, Asmáfɛ̄ti, mɛ́mla Usímri á. Usímri ma Umósa.

³⁷Umósa, ádā kú Ubinéya. Ubinéya ma Uráfa nōo ma Ɛlísa, nōo ma Ásɛ̄lu á.

³⁸Ásɛlu ma ayí ɛhīlī. Iyē kú uwā bá yɔ̄ á: Asríkam, Ubokéru, Íssmɛ̄lu, Uséyarīya, Obadáya, mɛ́mla Uhánan.

³⁹Éssēki, ɔyínɛ́ kú Ásɛ̄lu ā ma ayí ɛtá nēe bá ā: Ílam, Ujéyuss mɛ́mla Ɛlífɛ̄lɛti.

⁴⁰Ayí kú Úlam gē kpɛ́fú klla gē tá ɔyī nɛ̄hi. Úlam lɛ ayí mɛ́mla ayí kú ayí ofɛpa cigwó. Odúúdú aípɔ́ɔma nēe bá ā wɛ ayí kú ipɔ́ɔma kú Ubɛ́njamīn.