Read idoma Ɛ́SRA 2 Bible Online

Ɛ́SRA 2 - idoma bible

Ɛ́SRA 2

¹Alɛwa kú ācɛ kú Ujúda ā nyɛ̄ɛ̄ ŋmá Ubábīlɔn wā Ujerúsālɛm. Eko nēé gā a, ɔnyɔ̄ɔnyɛ le tá igelī nɛ̄ŋcɛ́ kú nū. Uwá mɛ́mla aíkonó kú uwá húmáyī í lā Ubábīlɔn ŋmá ífī nɛ̄ Unebúkádinēsa kpó uwá abɔ̄fú bɛ̄ɛka alagbá kú ɛfú ŋmá Ujúda mɛ́mla Ujerúsālɛm gā abɔ́ɔ ā.

²Aótrɛ̄yí kú uwā nēe pīyɛyí wā ɔlɛ́ ā wɛ, Userúbābɛlu, Ujessúwa, Unehemíya, Usɛráya, Uriiláya, Umɔ́decáyi, Ubílissan, Umísipa, Ubígifáyi, Uréhum, mla Ubaána. Iyē kú ipɔ́ɔma kú Ísrɛ̄lu, mɛ́mla áluka kú ācɛ kú ipɔ́ɔma kú uwā nēé pīyɛyí wā Ujerúsālɛm mla Ujúda ŋmá Ubábīlɔn ā bā á.

³Ācɛ kú ipɔ́ɔma kú Upárōssi wɛ, úlā ɛhɔ̄ ce ofu ahātá ce igwɛ́ɛpa (2,172).

⁴Ācɛ kú ipɔ́ɔma kú Ussɛfatíya wɛ ofu igwáahātá ce igwɛ́ɛpa (372).

⁵Ācɛ kú ipɔ́ɔma kú Ára wɛ, úlā ce ofu igwáahātá ce igwɛ́ɛhɔ̄ (775).

⁶Ācɛ kú ipɔ́ɔma kú Umówābu ā (ayí kú Ujéssuwa mla Ujówābu) wɛ úlā ahāapa ce igwɛ́ɛpa (2,812).

⁷Ipɔ́ɔma kú Ɛlam wɛ, úlā ɛtá ce ofu ɛpa ce igwɛ́ɛnɛ (1,254).

⁸Ipɔ́ɔma kú Usátu wɛ, úlā ɛpa ce ofu ahāapa ce ɛhɔ̄ (945).

⁹Ipɔ́ɔma kú Usácāyi wɛ, úlā ce ofu igwáahātá (760).

¹⁰Ipɔ́ɔma kú Ubáni, wɛ, úlā ce ofu igwɛ́ɛpa ce ɛpa (642).

¹¹Ipɔ́ɔma kú Ubébāyi wɛ, úlā ce ofu igwóléyi ce ɛpa (623).

¹²Ipɔ́ɔma kú Ásgādu wɛ, úlā ɛtá ce ofu ce ɛpa (1,222).

¹³Ipɔ́ɔma kú Adónīkam wɛ, úlā ce ofu igwɛ́ɛtá ce ɛhīlī (666).

¹⁴Ipɔ́ɔma kú Ubígfāyi wɛ, úlā ɛhɔ̄ ce ofɛpa ce igwɛ́ɛhīlī (2,056).

¹⁵Ipɔ́ɔma kú Adin wɛ, úlā ce ofɛpa ce igwɛ́ɛnɛ (454).

¹⁶Ipɔ́ɔma kú Áta amáŋ ka Uhésekíya wɛ ofɛnɛ ce igwáahātá (98).

¹⁷Ipɔ́ɔma kú Ubésāyi wɛ ofu igwɛ́ɛhīlī ce ɛtá (323).

¹⁸Ipɔ́ɔma kú Ujóra wɛ ofɛhɔ̄ ce igwɛ́ɛpa (112).

¹⁹Ipɔ́ɔma kú Uhássum wɛ ofu igwóléyi ce ɛtá (223).

²⁰Ipɔ́ɔma kú Ugíbba wɛ, ofɛnɛ ce igwɛ́ɛhɔ̄ (95).

²¹Ācɛ kú ipɔ́ɔma nyā nɛ̄ ádā uwá tɛtɛ lā aígelī nɛ̄ŋcɛ́ nēe bá nyā a, pīyɛyí wā mla uwá dúú. Ācɛ kú Ubɛ́tilɛhɛm wɛ ofu ɛhīlī ce ɛtá (123).

²²Ācɛ kú Unétōfanū wɛ, ofɛpa ce igwɛ́ɛhīlī (56).

²³Ācɛ kú Ánatōtu wɛ, ofɛhīlī ce ahātá (128).

²⁴Acɛ kú Ásimāfɛ̄ti wɛ ofɛpa cɛpa (42)

²⁵Ayí kú Ukɛriyatárim, Ucefíra, mɛ́mla Ubéerɔ̄tu wɛ, úlā ce ofu igwáahāapa ce ɛtá (743).

²⁶Ācɛ kú Uráma mɛ́mla Ugéba wɛ, úlā ce ofu igwóléyi ce éyi (621).

²⁷Ācɛ kú Umíkimāsi ā wɛ, ofu ɛhīlī ce ɛpa (122).

²⁸Ācɛ kú Ubɛ́tɛlu mɛ́mla Áyi wɛ ofu igwóléyi ce ɛtá (223).

²⁹Ācɛ kú Unebo wɛ, ofɛpa ce igwɛ́ɛpa (52)

³⁰Ācɛ kú Umágbīsi wɛ, ofu ahāapa ce igwɛ́ɛhīlī (156).

³¹Ācɛ kú ipɔ́ɔma kú Ɛlam ɔhá ā wɛ, úlā ɛtá ce ofɛpa ce igwɛ́ɛnɛ (1,254).

³²Ācɛ kú Uharím wɛ, ofigwɛ́ɛhīlī (320).

³³Ācɛ kú Ulɔ́du mɛ́mla Uhádīya mɛ́mla ónó wɛ, úlā ce ofu igwɛ́ɛhīlī ce ɛhɔ̄ (725).

³⁴Ācɛ kú Ujérīko wɛ, ofu igwɛ́ɛpa ce ɛhɔ̄ (345)

³⁵Ācɛ kú Usénaa wɛ, úlā ahāanɛ ce ofu cigwó (3,630).

³⁶Ācogwɛ́ɛya, ayí kú Ujedáya, nēe ŋmá ipɔ́ɔnū kú ɔlɛ́ Ujósuwā ā, úlā ɛpa ce ofu ahātá ce ɛtá (973).

³⁷Ipɔ́ɔma kú Ímma wɛ, úlā ɛpa ce ofigwɛ́ɛpa cigwɛ́ɛpa (1,052).

³⁸Ipɔ́ɔma kú Upássɔ wɛ, úlā ɛtá ce ofɛpa ce ahāapa (1,247).

³⁹Ipɔ́ɔma kú Uhárim wɛ, úlā ɛpa ce ofigwó ce igwáahāapa (1,017).

⁴⁰Aipɔ́ɔma kú Ulífāyi nōo bá nyā pīyɛyí wā Ujerúsālɛm ŋmá Ubábīlɔn mɛ́mla uwá dúú. Ipɔ́ɔma kú Ujéssuwa, mɛ́mla Ukadmíyelu, ayí kú Uhodafíya ā wɛ, ofɛtá ce igwɛ́ɛnɛ (74).

⁴¹Ipɔ́ɔma kú Ásāfu ācogwíijē kú Agblīihɔ-nɛ̄hi kú Óndú ā, wɛ, ofɛhīlī ce ahātá (128).

⁴²Ipɔ́ɔma kú Ussálum mɛ́mla Áta, mɛ́mla Utálmɔn mɛ́mla Ákūūb mɛ́mla Uhátīya, mɛ́mla Ussóbāyi ācɛ ogbō ɔwɛ kú Agblīihɔ-nɛ̄hi ā wɛ, ofɛhīlī ce igwáahāanɛ (139).

⁴³Aipɔ́ɔma kú ācoyúklɔ́ kú ipú Agblīihɔ-nɛ̄hi kú Óndú, ɔhá nōo pīyɛyí ŋmá Ubábīlɔn wā Ujerúsālɛm mla uwá dúú á, wɛ, Uhíha, Uhásūfa, Utabāwɔtu.

⁴⁴Ayí kú Ukérɔ̄si mɛ́mla Usiyáha mɛ́mla Upádɔn,

⁴⁵mɛ́mla ayí ɔlɛ́ Ulébāna mɛ́mla Uhágāba mɛ́mla ayí kú Ákūbu,

⁴⁶mɛ́mla ayí kú ɔlɛ́ Uhágābu mɛ́mla Ussámlāyi mɛ́mla Uhánan,

⁴⁷mɛ́mla Ugídelu mɛ́mla Ugáha mɛ́mla Ureháya,

⁴⁸mɛ́mla Uresín mɛ́mla Unekóda mɛ́mla Ugásam,

⁴⁹ayí ɔlɛ́ Úsaa mɛ́mla Upásíi mɛ́mla Ubesáyi,

⁵⁰mɛ́mla ayí ɔlɛ́ Ássna mɛ́mla ayí ɔlɛ́ Umeyúnim, Unefísim,

⁵¹mɛ́mla ayí ɔlɛ́ Ubákibūku mɛ́mla ayí ɔlɛ́ Uhakúfa, ayí ɔlɛ́ Uháhɔ,

⁵²mɛ́mla ayí ɔlɛ́ Ubásilutu mɛ́mla Uméhīda mɛ́mla Uhássa

⁵³mɛ́mla Ubákosi mɛ́mla Usísɛ̄ra mɛ́mla Utéma,

⁵⁴mɛ́mla ayí ɔlɛ́ Unesíya, mɛ́mla Uhatífa.

⁵⁵Ayí kú ācocɛ̄hɔ̄ kú ɔlɛ́ Usólōmɔn nēe pīyɛyí wā mla uwá dúú ā wɛ: Usótāyi mɛ́mla Uhásoférēti mɛ́mla Upérūda,

⁵⁶mɛ́mla ayí ɔlɛ́ Ujáala mɛ́mla ayí ɔlɛ́ Udárkɔn mɛ́mla ayí ɔlɛ́ Ugídelu,

⁵⁷mɛ́mla ayí ɔlɛ́ Ussɛfatíya mɛ́mla Uhátilu mɛ́mla ayí ɔlɛ́ Upocérēti, Uhásēbayim mɛ́mla ayí ɔlɛ́ Ami.

⁵⁸Odúúdú áluka kú ācoyúklɔ́ kú ipú Agblīihɔ-nɛ̄hi ā, mɛ́mla ákú ayí kú ɔ̄cocɛ̄hɔ̄ kú ɔlɛ́ Usólōmɔn ā wɛ, ofigwáahāanɛ ce igwɛ́ɛpa (392).

⁵⁹Ācɛ nōo pīyɛyí wā mla uwá ŋmá aípɔ́ɔma kú Udeláya mɛ́mla Utobíya mɛ́mla Unekóda mɛ́mla ācɛ kú ipɔ́ɔma kú Utelméla mɛ́mla ācɛ Utelihása mɛ́mla Ucérūbu mɛ́mla Ádām mɛ́mla Immer,

⁶⁰nɛ̄ é kōō ka ɛma kú uwā kwu ācɛ Ísrɛ̄lu glá ŋ́ mā, wɛ ācɛ úlā ce ofu ahātá ce igwɛ́ɛpa (652).

⁶¹Aipɔ́ɔma kú ācogwɛ́ɛya nēe bá nyā í ka ɛma kú uwá ɛ́ɛ́ nēé gē jé ɔkwu kú ádā uwá gɛ ŋ́ dúú. É kōō je ɛga nɛ̄ ádā uwá tɛtɛ lā Ujerúsālɛm ā gɛ ŋ́ dúú, é wɛ Uhábáya mɛ́mla Uhákōsi mɛ́mla Ubasīláyi (Ayí kú Ubasīláyi le ɔnyā lɛ ŋmá ipɔ́ɔma kú Ubasīláyi kú Ugílɛ̄di. Anɔ́ɔ ó kwu iyē kú ohilí nū í ce ɔyí nū nōo je pīya ádā kú ipɔ́ɔma kú nū ā).

⁶²Abɔ̄ é jé ɔkwu kú ádā uwā gɛ ŋ́ mā, é mīyɛ uwá tá ipú ācogwɛ́ɛya kú Óndú ipú Agblīihɔ-nɛ̄hi ā ŋ́.

⁶³ Igbómína kú Ujúda ā da uwá ka, é gaá lé ɔdōlé kú ɛya dúúmā néē gē gwó lɛ Ɔwɔicō ā ŋ́, jāā gbéeko nɛ̄ ācogwɛ́ɛya ā bī Úrim mɛ́mla Utúmmim (anwa) lɛ ɔ̄kā da Ɔwɔicō lɛyíkwu uwá.

⁶⁴Odúúdú ɛwa kú ācɛ nōo pīyɛyí ŋmá Ubábīlɔn wā Ujerúsālɛm mɛ́mla Ujúda eko nyā ā wɛ, úlā ofu ɛhīlī ce igwɛ́ɛpa ce ofu igwɛ́ɛtá.

⁶⁵Ācocɛ̄hɔ̄ kú ɔlɛ́ uwā nɔ̄nyā mla ācocɛ̄hɔ̄ kú ɔlɛ́ uwā nɔ̄nyīlɔ wɛ úlā igwáahātá ce ofahāanɛ ce igwáahāapa. Ācogwííjē kú uwā, kwu ācɛnyā mɛ́mla ācɛnyīlɔ, wɛ ofu igwó.

⁶⁶Aɔ́nya kú uwá wɛ ofu igwɛ́ɛpa ce ɛhɔ̄,

⁶⁷Aínyankwūlūmī kú uwā wɛ úlā ce ofu cigwɛ́ɛhɔ̄. Aíjakī kú uwā wɛ úlā igwɛ́ɛhīlī ce ofu igwóléyi.

⁶⁸Eko nɛ̄ odúúdú uwā nēe ŋmá Ubábīlɔn ā, gā Ujerúsālɛm gaá le jīla ipú Agblīihɔ-nɛ̄hi kú Óndú ā, aótrɛ̄yí kú ipɔ́ɔma kú uwā dóódu nēe pīyɛyí ā, je ɔdā kú ɛhi ŋmá ɔtū éékpó, cɛ́ɛ́ kéē géē lɛ Agblīihɔ-nɛ̄hi kú Óndú ā túgwó igbɔhá ɛga nɛ̄ ó tɛtɛ kwu ā.

⁶⁹Odúúdú ugóolu (oje ɔdɔ) nēé je ohígbū úklɔ́ kú Agblīihɔ-nɛ̄hi ŋmá ɔtū éékpó ŋmá ipú agbénú kú uwá ā, géē lɔfú gbo ɛkpa ije ofu igwɛ́ɛhɔ̄, oje nɛ̄hɛ́ nēé je dúú ā, géē gbo ɛkpa ije ofu igwáahātá ce igwó. É klla kpó awulú kú ācogwɛ́ɛya ofɛhɔ̄ ga ipú Agblīihɔ-nɛ̄hi kú Óndú ā dúú.

⁷⁰Ācogwɛ́ɛya, ayí kú Ulífāyi ā, mɛ́mla ācɛ ōhī má lā kwu Ujerúsālɛm ajaajɛ. Ācogwííjē mɛ́mla ācogbɔ̄ɔwɛ kú Agblīihɔ-nɛ̄hi ā, má lā aígelī nɛ̄ŋcɛ́ nēe kwu Ujerúsālɛm ajaajɛ ā. Ācɛ ɔhá dóódu nēe hile ā, kwú pɛ́ ga ipɔ́ɔma kú aádā uwá gaá lā ɛga nɛ̄ aádáádā uwā tɛtɛ lā ā.