Read idoma OŌYƐBƐ̄CƐ 22 Bible Online

OŌYƐBƐ̄CƐ 22 - idoma bible

OŌYƐBƐ̄CƐ 22

¹Ɔ́dāŋ́ ka ɔ̄cɛ dúú kwú ɔbá ɛna ámāŋ álá ú uwī, nɛ̄ó lɛ ɔ́ ŋmó, ámāŋ nɛ̄ó kwú ɔ̄ ú lá, ó géē bī aɔ́bá ɛna ɛhɔ̄ le gbā ulé kú ɔbá ɛna éyi, ámāŋ aálá ɛhɔ̄ le gbā ulé kú álá éyi.

²Ó géē gbā ulé kú ɔdā nɛ̄ó je uwī ā. Ɔ́dāŋ́ kaó lɛ ɔdā abɔ̄yī nū dóódu ŋ́, é géē je ɔ́ lá bɛ̄ɛka ɔfiyɛ, cɛ́ɛ́ kéē lɛ gbā ulé kú ɔdā nɛ̄ó je uwī āa. Ɔ́dāŋ nɛ̄ ɛbɛ́ nɛ̄ ó je uwī ā wɛ, ijaki, ámāŋ ka ɛna, ámāŋ ka álá, anɔ́ɔ é lɛ ɛbɛ́ ā pīyɛ oyēeyī abɔ̄ kú nū, ó géē gbā ulé nū ɔ́klá ɛpa. Ɔ́dāŋ kaé le uwī kwú abɔ̄ ó yɔ̄ ī ca ɔdɔ ga ɔlɛ́ ɔ̄cɛ otú, anɔ́ɔ é lɛ ɔ́ ŋmó á. É gáā ŋmó ɔ̄cɛ nōo ŋmó ā ɛpɔ̄bí kú ɔ̄cɛ ō ŋmó ŋ́. Amáŋ, ɔ́dāŋ́ kaó wɛ ɔlɛ́ɛnɔ nɛ̄ó ŋmó ɔ̄ á, ɔ̄cɛ ɔ́ɔmā géē lɛ́pɔ̄bí kú ɔ̄cɛ nɛ̄ ó ŋmó ā.

⁵Ɔ́dāŋ ka ɔ̄cɛ dúúmā cɛ̄ lɛ ɔ̄dāajɛ kú nū nōo yɔ̄ ī lé ɔdōlé ipácí ámāŋ ka ipú ɛhɔ̄ kú ugrépu, le hábɔ̄, le tá ipú ɛhɔ̄ kú ɔlɛ́ ɔ̄cɛ ɔhá gaá kwú ɔdɛ̄hɔ̄ kú nū ú lé. Óndú kú ɔdāajɛ ā géē je ɔdɛ̄ɛ̄hɔ̄ kú nū nōo lɔhi fíyɛ́ dúú ŋmá ipú ɛhɔ̄ ɔcí ufáyin kú nū le gbā ulé kú ɔdā nɛ̄ aɔ́dāajɛ ā je kpó lé ā, lɛ óndú ɛhɔ̄ ā.

⁶Ɔ́dāŋ nɛ̄ ɔ̄cɛ éyi lɛ ɔlá tū, anɔ́ɔ ó gbɔɔ́ ō yi, nɛ̄ó le hábɔ̄ ga ipú ɛhɔ̄ kú ɔ̄cɛ dúúmā, nɛ̄ó kwú ɔdɛ̄ɛ̄hɔ̄ nɛ̄ ó cē bá ajɛ ā mɛ́mla aɛ́nɛ̄ e háyi icō ā ú yi, ɔ̄cɛ nōo tū ɔlá ā géē gbā ulé kú ɛjɛ̄ɛ̄jī ɔdɛ̄ɛ̄hɔ̄ nōo yɔlá ā lɛ óndú nū.

⁷Ɔ́dāŋ́ ka ɔ̄cɛ éyi lɛ ije ámāŋ ka ɔdée tū ɔ́mpa nū abɔ̄, nɛ̄ uwī gaá kwú ɔdā ɔ́ɔmā ú ŋmá ɔlɛ́ ɔ́mpa nū ā. Ɔ́dāŋ́ kaé le uwī ā kwú, ó géē cíla ulé nū ɛga ɛpa.

⁸Amáŋ ɔ́dāŋ́ kaé kwú uwī ā ŋ́, é géē bī ɔ̄cɛ nēe lɛ ije, ámāŋ ɔdée tū ɔ̄ abɔ̄ ā, wā agblīihɔ kú Ɔwɔicō, cɛ́ɛ́ ó lɛ ɛka gbo kaó wɛ anúɔ ɔ́ɔ je ije ámāŋ ka ɔdée ā uwī ā ŋ́.

⁹Ipú ikpɛ́lā dóódu lɛyíkwu agbénú, ó kōō wɛ aɛ́na, aálá, aíjakī, aíīlī ámāŋ ka ɔdā dúúmā nōo gebī ā, é géē bī ācɛ ɛpɛlɛ́ɛpa ā wā Áklɔ̄kpīihɔ kú Ɔwɔicō, cɛ́ɛ́ ɔ̄cɛ nɛ̄ Ɔwɔicō géē ŋmɛ́pɔ̄bí ā, géē cíla ulé ā ɛga ɛpa lɛ ɔ́mpa nū.

¹⁰Ɔ́dāŋ́ ka ɔ̄cɛ, kwú ɛna ámāŋ álá, ámāŋ ijakī ú tá ɔ́mpa nū, nɛ̄ ó gekwú, ámāŋ ka é kwú kpó uwī eko kú ɛfú, nɛ̄ ijáalí dóódu í yɔ̄ ŋ́.

¹¹É géē bī ɔ̄cɛ ā wā Áklɔ̄kpīihɔ kú Ɔwɔicō, cɛ́ɛ́ ó lɛ ɛka gbo ka ó wɛ anúɔ je ɛna, ámāŋ álá ā uwī ā ŋ́. Eko ɔ́ɔmā, óndú nū géē cɛ̄ ka ufu ɔ́ɔ cɛ̄ anúɔ á, anɔ́ɔ ɔ̄cɛ nɛ̄ ó lɛ ɛbɛ́ ā tá ɔ̄ ā í gáā gbā ulé nūŋ́.

¹²Amáŋ, ɔ́dāŋ́ ka é kwú ɛbɛ́ ā ú uwī, ɔ̄cɛ ā géē gbā ulé nū lɛ óndú nū.

¹³Ɔ́dāŋ́ ka ɛbɛ́ obɔ̄bí je ɔ́ kwú lé á, nɛ̄ ó lɛ āyā o hile kú ɛbɛ́ ā bī wā, kóō wɛ ijáalí, ó gáā gbā ulé kú ɔdā nɛ̄ ɛbɛ́ obɔ̄bí je kwú lé ā ŋ́.

¹⁴Ɔ́dāŋ́ ka ɔ̄cɛ dúúmā lɛ ɛbɛ́ ɔlɛ́ kú ɔ̄cɛ ɔhá kplá, nɛ̄ ó lɛ ágbe lɛ, ámāŋ ka ɛbɛ́ ā gekwú eko nɛ̄ óndú nū í yɔ̄ abɔ́ɔ ŋ́. Ó géē gbā ulé nū lɛ óndú nū āa.

¹⁵Ɔ́dāŋ́ ka óndú nū ā yɔ̄ abɔ́ɔ, ó gáā gbā ulé nū ŋ́. Ɔ́dāŋ́ ka ó kwú ɔ̄ ú tá olufa nɛɛ, ɔ́lá kú nū kóō yɔ̄ ipú ije kú olufa ā.

¹⁶Ɔ́dāŋ́ ka ɔ̄cɛ lɛ ɔyípɔ̄nɔ̄nyā nɛ̄ ɔ̄cɛ dúúmā í kwu ɔ́ elūbi ɛ́ɛ́ ŋ́, nɛ̄ ó jé ɔ̄cɛnyīlɔ jéjée ɛɛ́ ŋ́, hɛ́báajɛ má gwutá mla anú, ó géē kpó ije nū, cɛ́ɛ́ ó kwú pīya ɔnyā nū.

¹⁷Amáŋ ɔ́dāŋ́ ka ádā kú ɔyípɔ̄nɔ̄nyā ā tá ka ɔ̄cɛnyīlɔ kóō híī lɛ ɔ́ ɔnyā ŋ́. Ɔ̄cɛnyīlɔ ā géē gbā ije nōo jónjīlɛ mla ije ɔnyā ā lɛ ádā ɔyí nɔ̄nyā ā.

¹⁸Aá lɛ ɔ̄cɛnya dóódu nōo gē yá ɔhɛ ā ŋmó.

¹⁹Ɔ̄cɔnyīlɔ dóódu nōo gē gwutá mla ɛbɛ́, aá lɛ ɔɔ́ ŋmó.

²⁰Ɔ̄cɛ dóódu nōo gē gbā ɔwɔ ɔhá ɛ̄gbā nɛ̄ ó wɛ ami Óndú ā ŋ́, kéē lɛ ɔ́ ŋmó.

²¹Aá híī yá ɔ̄cɛ éwɔhá ɔdōbɔ̄bí ámāŋ ka o lɛ abɔ̄ da ɔ́ ɛyí tāajɛ ŋ́. Aá bla ka aá tɛtɛ wɛ ācɛ éwɔhá ajɛ kú Íjīpiti.

²²Áa híī yá ɔnyōkwū ámāŋ ɔníōkwū dóódu obɔ̄bí ŋ́.

²³Ɔ́dāŋ́ ka aá lɛ ɔdōbɔ̄bí yá uwá, nɛ̄é lɛ ikwū je wā ɛgiyí um, n géē nya uwá agīje piíí.

²⁴N géē cɔ̄nū í je aá kpó ŋmó ɔgbɛ́fú. Cɛ́ɛ́ anyā aá kwú pīya anyōkwū, ayí aá kwú pīya ayókwū.

²⁵Ɔ́dāŋ́ ka aá le ije kplá ɔ̄cɛ ɔlɛ́ um dóódu, nōo wɛ ogbɛhá. Aá da ɔ́ kóō lɛ ije tá ɔ̄ ɔkwu lɛ aá ŋ̄.

²⁶Ɔ́dāŋ́ ka a lɛ īlī kú ɔ̄cɛ dóódu kpó kóō wɛ ɔdōcabɔ̄, aá géē je ɔ́ kpó lɛ ɔ́ ɛ́ɛ́ kú ɛnɔ kóō gaajɛ.

²⁷Ohígbū ka īlī ā wɛ ɔdā ō klíiye ōfōōfūnū nɛ̄ ó lɛ kóō lɛ klá iyē á. Ɔdí ɔhá nyá nɛ̄ ó géē bī le klá iye gbo iyɔ̄lā ɛ́ɛ́ mā? Ɔ́dāŋ́ kaó lɛ ikwū je wā ɛgiyí um, n géē nya ɔ́ agīīje, ohígbū ka n gē meyīnyinyi ɔ̄cɛ.

²⁸Aá ka obɔ̄bí kú Ɔwɔicō ŋ́, [10] ɛ́ɛ́ nɛ̄ aá gē cá aótrɛ̄yí kú ɔlɛ́ aá ɛcá ŋ́.

²⁹Aá géē je igbāmkpa kú aá, ejé mɛ́mla anɔ̄ kú ɔcí nēé hī ka ólīfu kú aá gwɛ́ɛya gā um. Aá géē je ayí aflɛ́yí kú aá gā um.

³⁰Aá géē je ayí aflɛ́yí kú aɛ́na mɛ́mla aálá kú aá gā um. Ɔyí ɛna ámāŋ ɔyí álá a géē yɔ̄ mla ɛ́nɛ́ nū ɛ̄cī ahāapa, ŋmá ɛ̄cī nēé ma ɔ́ ā, cɛ́ɛ́ ɛ̄cī ɔ̄mahātá ā, aá géē kpó uwā gā um.

³¹Aá wɛ ācɛ ɔlɛ́ um, ohígbū ɔ́ɔmā ā, aá gáā lé ɛbɛ́ dóódu nɛ̄ ɛbɛ́ obɔ̄bí le ŋmó ŋ́, ikɔkɔ́ ɔ́ɔmā ā, aá kwú ɔ̄ ú lɛ aéwɔhá ā kéē lé.