Read idoma UJÓBU 17 Bible Online

UJÓBU 17 - idoma bible

UJÓBU 17

¹N lɛ ɔfú iyē gɛ ŋ́, n kē le bá ō kwú ɛɛ́. É kē lɛ únóji kú um bu tá ī gbēyī um ɛɛ́.

²Ń yɔ̄ ī má ācɛ ɛbɛɛbɛ ɛ́gɛ́nɛ̄ é bī ícɔ̄nū bá ī yá um okónu lɛ ā.

³Óndú, Ɔwɔicō, lɛ ulé gbā, ká ā mīyɛ abɔ̄ um. Ɔ̄cɛ dúúmā ɔhá í yɔ̄ nōo yá ɔdā nyā ga um glá ɛ́ɛ́ gɛ ŋ́.

⁴A le aóklóbīya um ɔtū gwū nēé jé ɛyí ɔdā dúúmā ɛɛ́ gɛ ŋ́. Ohígbū ɔ́ɔmā a, ā yá kéē yá um lé ŋ́.

⁵Ɔ̄cɛ nōo gē yá ibīyāajɛ tū aóklóbīya nū ohígbū ije ā, ayí nū géē móōwē kú nū piíí.

⁶Ó le yá ka ācɛ kéē tū um eyījii, kéē yá um okónu. É kē bá ī tá ahɛ klá um ohígbū keé ī wɔ́tū um.

⁷Ń mɛ́ɛbɛ glá gɛ ŋ́ ohígbū ka ɔtūnōbí kú um le nwuné. Aábɔ̄ mɛ́mla aíkpó kú um le nyinyi kɔ́ŋgɔ́ɔ́ bɛ̄ɛka ɔcí ā.

⁸Ācɛ nēe ka ka aá le kpaakpa ā le ōwē nɛ̄ n yɔ̄ ī má ā má, ó kē le yá uwā eyījii. anɔ́ɔ é gbɔɔ́ ō ka ka amíyɔ í kpɔ́tūce Ɔwɔicō ŋ́ mā á.

⁹Nááná ā, ɔ̄cɛ nōo kpɔ́tūce Ɔwɔicō ā géē yɔ̄ ī kpɔ́tūce kpɔ́. Ɔ̄cɛ nɛ̄ abɔ̄ kú nū kē le yēŋēē ā géē lɔfú tōōtɔ̄ɔ̄ eko dóódu.

¹⁰Amáŋ odúúdú aá, kóō wā, ka aá gaá kɛlā nɛ̄ aá tɛtɛ ka ā kpɔ́. Ń kē gáā má ɔ̄cɛ ojéeyī dúúmā ipú aá ŋ́.

¹¹Ɛ̄cī nɛ̄ um lɛ ō yēeyī ā mɛ ɛɛ́, odúúdú ojuju kú um ā kwú kpó bīya ɛɛ́. Odo kú um kē le bīya dúú.

¹²Aóklóbīya um ka otú ɔ́ɔ wɛ ɔlɛɛnɔ. Nááná nɛ̄ um yɔ̄ ipú obū ā, é ka ofíyajɛ le kwu ajaajɛ ɛɛ́.

¹³Ɔdā nɛ̄ n leyīce ā wɛ oō kwú, kéē le um nyi, cɛ́ɛ́ ká n̄ géē gwutá abɔ́ɔ ipú obū.

¹⁴N géē hī únóji ka ádā um, klla í hī aɛ́kɔ̄ nēe í lé okwū um ā ka ɛ́nɛ́ um mɛ́mla ayínɛ́ um nɔ̄nyā.

¹⁵Ɔdí nɛ̄ n klla géē leyīce ɔhá kpɔ́ ɛ́ɛ́ gɛ? Ɔnyɛ kē má ka um lɛ ɛ̄cɔ̄bū kpɔ́ ɛ́ mā?

¹⁶Ɔdā nɛ̄ n leyīce ā géē mɛ tāajɛ mɛ́mla um ɔlékwū nɛɛ? Ami mɛ́mla ɔdā dóódu nɛ̄ n leyīce ā géē ga ajɛ tɔ̄há.