Read idoma UJÓBU 2 Bible Online

UJÓBU 2 - idoma bible

UJÓBU 2

¹Ɛ̄cī ɔhá nɛ̄ aálelékwū-ōtɛ̄hɔ̄ kú Ɔwɔicō gē kpó īyī uwá í jīla iyɔ̄bū Ɔwɔicō ā, ebilíi klla tá ipú uwá wā iyɔ̄bū Ɔwɔicó dúú.

²Anɔ́ɔ Ɔwɔicō klla da ɔ́ ɔ̄kā kahíníī, “Íni nɛ̄ a ŋmá āa?” Anɔ́ɔ ebilíi tá Óndú ā ohi kahíníī, “N wā ŋmá ō yɛ ga ajɛ gicō ipú ɛcɛ.”

³Anɔ́ɔ Ɔwɔicō da ɔ́ ɔ̄kā kahíníī, “A má ɔ̄cocɛ̄hɔ̄ kú um, Ujóbu? Ɔ̄cɛ dúúmā í yá ucē okpaakpa mɛ́mla ɔkwɛ̄yi lɛbɛ̄ɛka anú ā ipú ɛcɛ ŋ́. Ó gē gbā um ɛ̄gbā kpaakpa, í klla gē yá ɔdōbɔ̄bí dóódu ŋ́. Abɔ̄ a tū um okónu lɛyíkwu ɔ́ ká n̄ lɛ ɔ́ yíífi áncā nááná ā, ó hayi ipú ucē okpaakpa mɛ́mla ɔkwɛ́yi kú nū ā kpɔ́.”

⁴Anɔ́ɔ ebilíi tá ɔ̄ ohi kahíníī, “Ɔdā nɛ̄ a je lɛ ɔ́ ā nōó je ga awɔ kwúcē ɛ́ɛ má. Ɔ̄cɛ lɔfú je ɔdā dúúmā nōó lɛ ā o yá kóō yēeyī glá.

⁵Lɛ abɔ̄ kwu ɔ́ iyē, ká ā lɛ ɔ́ bī wā ajɛ mɛ́mla ōcē, ká ā má ɔ̄. Ó géē ka atufú gā uwɔ ipéyī uwɔ cāā.”

⁶Anɔ́ɔ Ɔwɔicō tá ɔ̄ ohi kahíníī, “Ó lɔhi, n kwú ɔ̄ ú tá ipú abɔ̄ kú uwɔ, amáŋ ā híī je ɔ́ ŋmó ŋ́.”

⁷Anɔ́ɔ ebilíi nyɛ̄ɛ̄ ŋmá ɛgiyí Ɔwɔicō abɔ́ɔ gáā lɛ ipí olɔnɔ nɛ̄hi tū klá Ujóbu iyē dúúdú á. Ipí ā klá Ujóbu iyē ŋmá ɔtīkpō jāā ga akplata kú ɛyí kú nū.

⁸Ujóbu bī ákánjɔ̄ kú ɛtɛ́, cīce ipú ewo yɔ̄ í lɛ ɔ́ wā īyī nū iyē.

⁹Ɔnyā nū wā gaá da ɔ́ ɔ̄kā kahíníī, “A bī ucē okpaakpa ō yá kú uwɔ nyā kpɔ́ ɔ̄ɔ̄? Lɛ atufú ka lɛ Ɔwɔicō ká ā gekwú.”

¹⁰Ujobu tá ɔ̄ ohi kahíniīī, “A gē kɛlā bɛ̄ɛka ɔnyā nōo jé Ɔwɔicō ŋ́ mā. Ɛlā kú olíla nɛ̄ a yɔ̄ ī ka á. Eko nɛ̄ Ɔwɔicō lɛ ɔdōōlɔhi bī gé lɛ alɔ, alɔ ī mīyɛ. Ó lɛ ā, ɔdí yá nɛ̄ alɔ gē tá eko nōó lɛ ɔdōbɔ̄bí bī gé lɛ alɔ āā?” Ipú odúúdú ōwē nōó má nyā, Ujóbu í bīyíne ŋmá lɛ ō ka ɛlā obɔ̄bí lɛyíkwu Ɔwɔicō ŋ́.

¹¹Ujóbu lɛ aóklóbīya ɛtá éyi nɛ̄ iyē uwā lé ka, Ɛlífāasi, ɔ̄cɛ Utéman, mɛ́mla Ubíldāadi, ɔ̄cɛ Ussúwa, mɛ́mla Usófa, ɔ̄cɛ Unáama ā. Eko nēé lɛ odúúdú unwalu nēe klá Ujóbu ā pó ā, é le pɛ́ ŋmá ɔlɛ́ uwá tɔ̄há, klla le okónu ce ka aá nyɔ̄ í tá Ujóbu ɔtū lé.

¹²Abɔ̄ é bá í wā ā, é lɛ Ujóbu má ŋmá ɛcɛɛcɛ ā, é jé ɔ̄ ŋ́. Eko nēé lɛ ɔ́ jé ā, é gbɔɔ́ ō jikwú tāāā, lɛ īlī kú uwá kpó híla kéē ma ɔtūnōbí kú uwā fú. É lɛ ewo tá gicō klla lɛ ɔ́ wu klá īyī uwā ɛyí.

¹³É cīce mɛ́mla Ujóbu ajɛ abɔ́ɔ ɛ̄cī ahāapa, kwu otú kwu ɛnɔ. Okónu í hɛ́ odúúmā kú uwá ɛɛ́ nɛ̄ odúúmā kú uwá gē kɛlā ŋmá okónu glá ŋ ɛ̄cī ahāapa. Ohígbū ka uwá bá ī má ɔnɔ nɛ̄hi nɛ̄ Ujóbu yɔ̄ ī jé ā.