Read idoma UJÓBU 26 Bible Online

UJÓBU 26 - idoma bible

UJÓBU 26

¹Anɔ́ɔ Ujóbu tóohi kahíníī,

²“A lɔfú gbɛlá ka anúɔ le abɔ̄ tá ɔ̄cɛ bɛ̄ɛka ami nōó lɔfú ŋ́ nɛ̄ abɔ̄ le gbogwu ga um ā tū īyī ɔ̄ ɛɛ́ m.

³A gbɛlá ka anúɔ le ɛlā nwū ogwuda, klla lɛ ohílīpú mafú gā um ɛɛ́ m déēē?

⁴Ɔnyɛ tá uwɔ abɔ̄ jé ō kɛlā lɔhi lɛ ā dúú? Ohílīpú kú ɔ̄nyɛ nɛ̄ a bī le kɛlā ŋmá okónu yɔ̄ dúú ā?

⁵Ohígbū ɔfú kú Ɔwɔicō aálekwu kú ācɛ nēe gekwú ɛɛ́ mā gē fīyégbúlú kú ufi ɔlékwū, nōo yɔ̄ ipú éŋkpɔ̄ nōo yɔ̄ ɛháajɛ ɛcɛ ā.

⁶Ɔlékwū tɛ́ɛcɛ péee ipéyī Ɔwɔicō, ɛ́gɛ́nɛ̄ ɔ̄cɛ ī tóohɛ́ɛwa nōbí nōbi ā, ó kē ī má odúúdú nū.

⁷Anú nā ɔkpáncō kú ɛhíícō ā daa klá ɛga nōo wɛ áncā á. Ó klla yá ɛcɛ kwu icō nɛ̄ ɔdā dúúmā í bī ɔ̄ playi icō ŋ́.

⁸Ó gē kpó ɔwɔ ā tū ipú ojuja omōomu, éŋkpɔ̄ ɔwɔ ā í kē yíla ojuja ā ŋ́.

⁹Ó gē bī ojuja le klá úgādā ɔcɛ́ kú nū, kóō tayínū.

¹⁰Ó lɛ ɛjī tū lɛ ɔlá ofíyajɛ mɛ́mla obū ŋmá lɛ ukpo nōó pi tū eyī ísu ā.

¹¹Eko nɛ̄ Ɔwɔicō lɛ ɛgba dɛ̄ ka anúɔ gaá kpó aɛ́fu nēe bī ɔkpáncō hayi ā fu, é gē yúufi nɛ̄hi, gē fīyégbúlú bɛ̄ɛka ɔ̄cɛ nɛ̄ ufi gē yá ɔ̄ ā.

¹²Ɔwɔicō bī ɔfú kú nū le ísu nɛ̄hi ā kwú tū abɔ̄. Ó bī íjééyī kú nū le ɛbɛ́ obɔ̄bí kú ísu ā, nēé hī ka Uráhābu ā, ŋmó.

¹³Owu kú nū le ojuja kpó nyɔ̄, cɛ̄ lɛ ɔkpáncō tá péee. Ó bī abɔ̄ kú nū klla lɛ ɛgwā obɔ̄bí nōo yɔ̄ ī pi kɔnɔ́kɔnɔ́ ā ŋmó.

¹⁴Ɔdā nɛ̄ n ka kpɛ́mm nyā wɛ olígíí kú ɔdā nɛ̄hi nōó yá ɛɛ́ mā. Ɔdā nɛ̄ alɔ pó ā wɛ oŋiniŋini kú ɔdā nōó yá ā. Ɔnyɛ jé ɛ́gɛ́nɛ̄ Ɔwɔicō lɔfú nɛ̄hi klla gbɛ lɛ ā glá?”