Read idoma UJÓBU 3 Bible Online

UJÓBU 3 - idoma bible

UJÓBU 3

¹Igbīhi ɛnyā, Ujóbu lɛ ɛlā ka ka anúɔ híjémā ɛ̄cī nɛ̄ ɛ́nɛ́ anúɔ mā anúɔ ā. Ó kahíníī,

²“Á géē yɛ í cɛ̄ lɛ eyī kú ɛ̄cī nēé ma um ā nyā fúlufúlu ŋ́. Eyī yá um kú otú nɛ̄ ádā um je ɛ́nɛ́ um ipú kú um ā kó ō yɛ̄ í bī fúlufúlu ŋ́.

⁴Ɔwɔicō, á yɛ í cɛ̄ lɛ ɛnɔ cɛ̄ ɛ̄cī ɔ́ɔmā ɛ́ɛ́ nɛ̄ ā ī gbɛlá kwu ɔ́ gbóógbóō ɛ́ gɛ ŋ.

⁵Á yɛ í yá ka ɛ̄cī nēé ma um ā kóō le dobū kpímm. Ojuja odobū í yɛ í klá ɔɔ́ ɔlɛ́ɛnɔ, bɛ̄ɛka ɛ́gɛ́nɛ̄ ajɛ odobū ɔlɛ́ɛnɔ gē tū ācɛ ufi ā.

⁶Ɔwɔicō, kwú otú ɔ́ɔmā ú ŋmónyí ŋmá ipú aɛ́cī kú iháyí. Ɛ̄cī ɔ́ɔmā kóō klla wɛ ɛ̄cī nēé gē gbaáluka tū ipú aɛ́cī gbóógbóō ɛ́ɛ́ gɛ ŋ́.

⁷Ɔwɔicō, ā cɛ̄ lɛ ɔnyā dóódu yīipú otú bɛ̄ɛka ɛ̄nɛ̄ ɛ́nɛ́ um yīipú ɔ́ɔmā, ɛ́ɛ́ nɛ̄ ɔ̄cɛ dúúmā í klla ī tɔ́ɔga kú éeyē ipú nū ɛɛ́ gɛ ŋ́.

⁸Yá ka ācɛ nēe gē tá okónu lɛ ɛ̄cī ā, mɛ́mla ācɛ nēe gē yá imabɔ kéē je ɛbɛ́ obɔ̄bí kú ísu nɛ̄hi ā héyī ā,[2] kéē lɛ okónu tá lɛ ɛ̄cī ɛgɔ́ɔmā.

⁹Eyī yá um ka ɛnɔ kóō bɛ̄cɛ, ɛ́ɛ́ nɛ̄ ɛ̄cī ɛ́gɔ́ɔmā gē yɔ̄ gbóógbóō ŋ́.

¹⁰Eyī yá um ka ɛ̄cī ɛ́gɔ́ɔmā kóō yɔ̄ gbóógbóō ŋ́, ohígbu kóō cɛ̄ lɛ uwá lɛ um ma gaá tá ipú unwalu nyā ā.

¹¹Ń yɛ í gekwú tū ipú ɛ́nɛ́ um eko nōó ma um ɛ́ɛ́ ŋ́ mā. Ámāŋ ń yɛ í gekwú obōōbū nōó ma um wā ajɛ ā.

¹²Ɔdíyá nɛ̄ ɛ́nɛ́ um lɛ um ce ikpó, ɛ́ɛ́ nōó je amɛ̄ gā um gwá ā?

¹³Ń yɛ í gekwú eko ɔ́ɔmā nɛɛ, ń géē yɛ í yɔ̄ í mlɛ́nyɔ́ abālɔbányā ɛɛ́. N klla yɛ í yɔ̄ ī gbɔlā, yɔ̄ í mlɛ́nyɔ́,

¹⁴mɛ́mla aɔ́cɛ́, mɛ́mla aígabɔ̄ nēe tú agblɔ̄cɛ́, nēe tá alácɛ̄ ā gwó lɛ īyī uwā ā.

¹⁵Ń yɛ í yɔ̄ ī gbiyɔ̄lā mɛ́mla aɔ́cɛ́ nēe lɛ aínu kú uwā tú mu mla oje ɔdɔ (ugóolu) mɛ́mla ije nɛ̄hɛ́ ā.

¹⁶Ámāŋ ń géē yɛ í gwutá únóji yɔ̄ ī gbiyɔ̄lā bɛ̄ɛka, ɔyí nōo gekwú tá ɛ́nɛ́ nū ipú, ɛ́ɛ́ kéē ma ɔ́ ā.

¹⁷Ɔlékwū ā, ācobɔ̄bíipú ā, í gáā yá ɔdōbɔ̄bí kú uwá ɛ́ɛ́ gɛ ŋ́. Abɔ́ɔ, ācoyúklɔ́ ɔfú nɛ̄ ɛ̄jɛ̄ le jɛ̄ uwá ā kē ī mlɛ́nyɔ́ cíí.

¹⁸Aálagbá nááná gē lā ɛbɔ́ ɔlékwū dúú. É klla gáā pó ɛgba mɛ́mla ɔ́da kú ācɛ nēe ī yá uwā ōwē ā ɛ́ɛ́ gɛ ŋ́.

¹⁹Odúúdú ācɛ, kwu aólɛhá mɛ́mla ācɛ nɛ̄hi jōnjīlɛ abɔ́ɔ. Abɔ́ɔ ā, ɔfiyɛ í klla yɔ̄ ipú abɔ̄ kú ɔkpani nū ɛ́ɛ́ gɛ ŋ́.

²⁰Ɔdí yá nɛ̄ Ɔwɔicō gē cɛ̄ lɛ ɔ̄cɛ nōo yɔ̄ ipú ákanya, mɛ́mla ɔ̄cɛ nōo yɔ̄ ipú ɔtūnōbí yēeyī kpɔ́ ā?

²¹Ācɛ ɛ́gɔ́ɔmā géē gbēyī ikwū amáŋ ó gē wā ɛgiyí uwā ŋ́. É klla í tíne ō kwú fíyɛ́ ɛ́gɛ́nɛ̄ é gē tíne agbénú dóódu ā.

²²Ācɛ ɛ́gɔ́ɔmā gē gwéeyē nɛ̄hi eko nēé gekwū, nēé kwú uwā í nyi.

²³Ɔdí yá nɛ̄ Ɔwɔicō cɛ̄ lɛ ɔ̄cɛ nōó cɛ̄ lɛ ɔ́ jé ɛ̄cɔ̄bū kú īyī nū ŋ́ mā, mɛ́mla ɔ̄cɛ nōó lɛ ɔ́ hɛ́tū abɔ̄ dóódu ā yēeyī kpɔ́ ā?

²⁴Ikɔkɔ nɛ̄ n géē lé ɔdōlé, n yɔ̄ gē jikwū. Ɛgíkwū nɛ̄ n yɔ̄ ī tū ā í lɛ ō mɛ ŋ́, bɛ̄ɛka éŋkpɔ̄ nōo gē pɛ́ ā.

²⁵Ɔdā nɛ̄ n gē yúúfi nū ā yɔ̄ ī yá um. Ɔdā nōo kē í tū um ufi nɛ̄hi ā yɔ̄ ī yá um.

²⁶Ń lɛ ɛbɔ́ ŋ́. Ń lɛ omlɛ́nyɔ́ ŋ́. Unwalu kú um í kē mɛ ŋ́.”