Read idoma UJÓBU 34 Bible Online

UJÓBU 34 - idoma bible

UJÓBU 34

¹Ɛlíhu klla kahíníī,

²“Aá nēe jéeyī klla jé odée nɛ̄hi ā, aá jāhɔ̄ lɛ ɔdā nɛ̄ n yɔ̄ ī ka ā.

³Ohígbū ka ɛ́gɛ́nɛ̄ ɔ̄cɛ gē lɛ ɔdōlé tū okónu ɛ́ɛ́ kóō jɔ́ɔnyɛ kú nū ā, ɛ́gɔ́ɔmā nɛ̄ ɔ̄cɛ gé jé ɔ́dāŋ ka ɛlā wɛ ɛlā íjéeyī eko nōó lɛ ɔ́ pó á.

⁴Ālɔ̄ lɛ eyī yɛ ɛpɔ̄ nɛ̄ a lɛ lɛyíkwu Ɔwɔicō ā lɔɔlɔhi, ka alɔ má ɔdā nōo lɔhi ā tɔ̄ɔhá.

⁵Ujóbu ka anúɔ í yá ɔdōbɔ̄bí dóódu ŋ́, nááná nɛ̄ Ɔwɔicō ɔ́ɔ tá ō hɛ́pɔ̄hi lɛ anúɔ á.

⁶Ó ka ɛpɔ̄ nɛ̄ Ɔwɔicō ɔ́ɔ ka tū anúɔ ā ɔ́ɔ wɛ ɔkwɛ̄yi ŋ́. Ka nááná nɛ̄ anúɔ í bīyíne ŋ́ mā, Ɔwɔicō ɔ́ɔ lɛ anúɔ yá ágbe, nɛ̄ anúɔ gáā kwú ɛɛ́.

⁷Ɔ̄cɛ dúú í lɛbɛ̄ɛka Ujóbu, nɛ̄ atufú ō ka í lɔnɔ tū ɔ̄ ŋ́ bɛ̄ɛka éŋkpɔ̄ nɛ̄ ó ge gwá āa.

⁸Ó gē yɛ mɛ́mla ācɛ nēe ī yá ɔdōbɔ̄bí ā, klla ī yá ucē bɛ̄ɛka ācobɔ̄bíipú ā.

⁹Ohígbū koó ka ɔ̄cɛ í lɛ itene dúúmā ɔ́dāŋ ka ɔ̄cɛ cēyītīkwū yɔ̄ í yá ɔdā nōo he Ɔwɔicō ɔtū ā ŋ́.

¹⁰Ohígbū ɔ́ɔmā, aá jāhɔ̄ gā um, aá nēe gbɛlá ka aá jé odée ā. Ofíoongoli ka Ɔwɔicō nōo lɔfú fíyɛ́ dúú ā, kóō yá ɔdōbɔ̄bí[5]

¹¹Ɔdā nɛ̄ ɔ̄cɛ yá ā, nɛ̄ Ɔwɔicō gē cíla anú ulé nū á. Ɔdā nōo cíkā lɛ ucē kú ɔ̄cɛ ā, nɛ̄ Ɔwɔicō ī yá ɔ̄ á.

¹²Ó wɛ ɔkwɛ̄yi ka Ɔwɔicō nōo lɔfú fíyɛ́ dúú ā í gē yá ɔdōbɔ̄bí ŋ́, ó kē ī kɛpɔ̄ ɔwɛ okpaakpa.

¹³Ó wɛ ɔ̄cɛ dúúmā je ɔfú nɛ̄ Ɔwɔicō gē le gbō ɛcɛ ā lɛ ɔ́ ā ŋ́. Ó kē wɛ ɔ̄cɛ dóódu fu ɔ́ ka ɔ́ɔ leyīkwu ɛcɛ ā ŋ́.

¹⁴Ɔ́dāŋ koó he ɔ́ ɔtū, nōó mīyɛ owu kú nū nōo ī je oyēeyī lɛ alɛɛcɛ ā kwúcē,

¹⁵odúúdú aɔ́dā nēe lɛ oyēeyī géē pɛ́ kwú igbeékpónú. Alɛɛcɛ kē í je kpó pīya úmúlá kwúcē.

¹⁶Ɔ́dāŋ ka a lɛ ohílīpú, ayíka a jāhɔ̄ lɛ ɔdā nɛ̄ n gáā ka ā.

¹⁷Ɔ́dāŋ ka Ɔwɔicō í tíne ɛpɔ̄ okpaakpa ō ka ŋ́, ó yɛ í gbō ɛcɛ glá ŋ́. A géē ŋmó Ɔwɔicō nōo lɔfú nɛ̄hi klla ī kɛpɔ̄ kpaakpa ā ɛpɔ̄bí glá nɛɛ?

¹⁸Ɔwɔicō gē dɛ̄gba tū aɔ́cɛ́ ī da uwā kéē wɛ ɛflɛ́ɛfu, klla ī da aígabɔ̄ kéē wɛ ācobɔ̄bíipú.

¹⁹Ó gē cɛ̄ɛpɔ̄ aótrɛ̄yí icííci ŋ́, ɛ́ɛ́ nōo gē cɛ̄ɛpɔ̄ aólɔdu fíyɛ́ aólɛhá ŋ́, ohígbū ka anú yá odúúdú ācɛ á.

²⁰Ɔ̄cɛ lɔfú kwú acígilí otú gbɔ́ɔ̄cī glá. Ɔwɔicō gē fīyɛ̄ ācɛ odée wā ajɛ cɛ́ɛ́ é gekwú. Ó lɔnɔ tū Ɔwɔicō ō ŋmó ācɛ olɔfú ŋ́.

²¹Eyī kú Ɔwɔicō kwu ɔdā dóódu nɛ̄ ɔlɛcɛ gē yá ā gɛɛ. Ó kē ī má ɔ̄ ɛga dóódu nōó ī nyɔ̄ ā.

²²Ɛga olipú, amáŋ ɛga odobū dúúmā í yɔ nɛ̄ ācobɔ̄bíipú gē tayínū ŋmá ɛgīyī nū glá ŋ́.

²³Ó cɛgbá ka Ɔwɔicō kóō hī ɔ̄cɛ igwú wā ɛga okɛpɔ̄ kú nū kóō kɛpɔ̄ tū ɔ̄ ŋ́ má.

²⁴Ɔwɔicō í cɛgbá ɔkwu ɛlā dúúmā ō bu ɛ́ɛ́ kóō je ɔcɛ́ éyi tá ajɛ ɛ́ɛ́ kóō klla je ɔ̄cɛ ɔhá cɔcɛ́ ŋ́.

²⁵Ohígbū koó jé ɔdā dóódu, nɛ̄ uwá gē yá ā. Otú, ó gē je uwá tá ajɛ klla ī je uwá catāajɛ.

²⁶Ɔwɔicō gē yá ācobɔ̄bíipú italā ipéyī odúúdú ācɛ.

²⁷Ohígbū keé kwúcē ŋmá ō yɛcɛ ɔ́, í klla lɛ ɛlā wu ɔdā nōó da uwā kéē yá ā ŋ́.

²⁸Ācɛ nēe bá nyā gē yá aólɛhá ɔdōbɔ̄bí nōo cɛ̄ lɛ uwá dɛ̄ hī Ɔwɔicō kóō tá uwā abɔ̄ abɔ̄fú ā. Ó kē lɛ ikwū kú otabɔ̄ nɛ̄ uwá je ā pó.

²⁹Amáŋ, ɔ́dāŋ ka Ɔwɔicō í tóohi ŋ́ náaná, ɔ̄cɛ dóódu í ŋmó ɔ̄ ɛpɔ̄bí glá ŋ́. Ɔ́dāŋ koó kwú īyī nū í tayínū, ɔ̄cɛ dóódu í gáā má ɔ̄ glá ŋ́.

³⁰Ɔwɔicō gē fu ācɛ nɛ̄ é jé ɔ̄ ŋ́ mā, nēe klla ī plla ācɛ ā ga ɔwɛ obɔ̄bí ā, pīya ɔcɛ́ kéē gbō aéwo.

³¹Ujóbu, a lɛ okónu cɛ̄ ucē ɔ́bíipú nɛ̄ a yá ā lɛ Ɔwɔicō, klla lɛ okónu ce ka anúɔ í klla gáā yá ɔdōbɔ̄bí ɔhá gɛ ŋ́ mɛɛ́?

³²Á le ɔ̄kā da Ɔwɔicō kóō lɛ ɛcá kú uwɔ mafu ga uwɔ ɛɛ́ ɛ̄ɛ̄? Á klla cɛ̄ ka anúɔ í gáā yá ɔdōbɔ̄bí ɛ́ɛ́ gɛ ŋ́?

³³Ɛ́gɛ́nɛ̄ a tá ɔdā nɛ̄ Ɔwɔicō gē yá ā, a gē leyīce Ɔwɔicō kóō yá ɔdā nɛ̄ a tíne ā nɛɛ? Awɔ gáā je ɔdā nɛ̄ a tíne á. Ó wɛ ami gáā je gā awɔ ā ŋ́.

³⁴Ɔ̄cɛ dóódu nōo lɛ ohílīpú klla jé odée, nōo lɛ ɛlā kú um pó, géē cɛ̄ klla í tá um ohi kahíníī,

³⁵‘Ujóbu í jɛ́yí ɛlā nōo ī ka ā ŋ́. Ɛlā nōo ī ka ā í lɛ ɛyí ŋ́.’

³⁶É cíkā ō kɛpɔ̄ tū Ujóbu jāā gbéeko nēé lɛ ɛlā nōó ka ā jila má kwɛyí. Ohígbū koó ī táafú mla Ɔwɔicō bɛ̄ɛka ɔ̄cobɔ̄bíipú ā.

³⁷Ujóbu klla yɔ̄ ī yá īkpɛ̄yí olɔfú ce íne nōó ī bīya ā icō. Ipú alɔ cāā, ó yɔ̄ í tá Ɔwɔicō opiyɛ́lɛ́ klla yɔ̄ í kɛlā layí lɛyíkwu Ɔwɔicō.