Read idoma AÍJĒ KÚ Ɛ̄GBĀ 11 Bible Online

AÍJĒ KÚ Ɛ̄GBĀ 11 - idoma bible

AÍJĒ KÚ Ɛ̄GBĀ 11

¹Óndú nɛ̄ n lɔtūce ɔ́ kóō gbō um á. Ɔdíyá nāa gē da um kahíníī, “Le kwu ga ɛyí aɛ́fu bɛ̄ɛka ígbáanɔ ā?

²Ohígbū ka ācobɔ̄bíipū ā kwú ɔyī ú kwu ɔtā, le ɔtā tú ce le abɔ̄ ɔyī kpó ŋanaa, kéē tá cē ɔ̄cɛ okpaakpa otú ɛɛ́.

³Ɔ̄cɛ okpaakpa í lɛ ɔdā dúúmā ɔhá nɛ̄ ó gē yá glá gɛ ŋ́, ɔ́dāŋ nɛ̄ íne nōo ī gbō ajɛ ā í yúklɔ́ gɛ ŋ́.”

⁴Óndú ā yɔ̄ ipú Agblīihɔ-nɛ̄hi kú nū ā. Ó cīce akpa kú ɔcɛ́ kú nū ɔkpancō, yɔ̄ ī má klla yɔ̄ ī leyī yɛ ɔdā dóódu nɛ̄ ayí kú alɛɛcɛ bá ī yá ā.

⁵Óndú ā gē jila ācɛ olɔhi mɛ́mla ācɛ obɔ̄bī má. Ó gē wɔ́tū ācobɔ̄bíipū ā ŋmá odúúdú ɔtū kú nū.

⁶Ó géē tū ahɔ̄lá mɛ́mla ōwō nōo yɔ̄ ī cɔ̄lá ā wāajɛ bɛ̄ɛka ɔwɔ klá ācobɔ̄bíipū ā. Owu okwɔ́lá nēé gáā bī le yá uwā italā á.

⁷Ohígbū ka Óndú ā kē lɛ ucē okpaakpa. Ɔ̄cɛ nōo lɛ ucē okpaakpa mla ucē olɔhi kē he ɔ́ ɔtū á. Ɔ̄cɛ okpaakpa ā kē í má Óndú ā eyī.