Read idoma AÍJĒ KÚ Ɛ̄GBĀ 110 Bible Online

AÍJĒ KÚ Ɛ̄GBĀ 110 - idoma bible

AÍJĒ KÚ Ɛ̄GBĀ 110

¹Óndú ā da óndú um kahíníī, “Cīce abɔ̄lɔ́ná kú um jāā gbéeko nɛ̄ n kwú aólɛlā kú uwɔ ú yá uka ō lɛ ikpó ce ɔ́ kú uwɔ.”

²Óndú ā géē je ɔfú kú ɔcɛ́ gā uwɔ, cɛ́ɛ́ ká ā gbō ajɛ ŋmá igelī nɛ̄hi kú Usáyɔn, a klla í gbāajɛ kú aólɛlā kú uwɔ dúú.

³Ɛ̄cī dúúmā nāa gáā kpɛ́fú tá aólɛlā kú uwɔ, ācɛ ɔlɛ́ uwɔ géē cɛ̄ í fu iyī uwā tá uwɔ ɔkwu kéē kpɛ́fú. Ayípōklóbīya kú ɔlɛ́ uwɔ géē wā ɛgiyí uwɔ ɛyí ɛfu otīihɔ bɛ̄ɛka ébú kú ofúlɔ̄cī ā.

⁴ Óndú le ɔkpá gbo ɛɛ́, ó kē gáā pīya ɔtū kú nū abɔ̄ gbóógbóō gɛ ŋ́. Ó kahíníī, “A géē wɛ ɔ̄cogwɛ́ɛya piyóó ɔwɛ ékpónú nɛ̄ Umɛkísɛ̄dɛki wɛ ā.”

⁵Óndú ā yɔ̄ abɔ̄lɔ́ná kú uwɔ, eko nɛ̄ ó le cɔ̄nū, ó géē yá aɔ́cɛ́ lé ɔgbɛ́fú.

⁶Ó géē hɛ́pɔ̄ kú aéwɔhá ā, klla í kpó ācɛ alɛwa ŋmó ɔgbɛ́fú, nɛ̄ aókwū kú uwā í tīikwū kláajɛ gónóó. Ó kē í yá odúúdú aɔ́cɛ́ kú ɛcɛ nyā lé.

⁷Ɔcɛ́ ā géē gwá éŋkpɔ̄ ŋmá ipú ayɔ́kpá nōo yɔ̄ pī ɔwɛ ā, cɛ́ɛ́ ó lɛ ɛ́nyɔ́ má ipú kóō yá aólɛlā kú nū lé.