Read idoma AÍJĒ KÚ Ɛ̄GBĀ 111 Bible Online

AÍJĒ KÚ Ɛ̄GBĀ 111 - idoma bible

AÍJĒ KÚ Ɛ̄GBĀ 111

¹Aá cɛ̄tra Óndú. N géē tá Óndú ahínyá mla odúúdú ɔtū kú um, ipú ōjīla kú ācɛ okpaakpa kú Óndú ā.

²Úklɔ́ nɛ̄ Óndú ā yá ā nwuné nɛ̄hi, Odúúdú ācɛ nɛ̄ úklɔ́ ā he uwá ɔtū ā, géē gbɛlá tū ɔ̄ kéē jɛ́yí nū.

³Odúúdú ɔdā nɛ̄ Óndú ā gē yá ā, lɛ ojīlīma mɛ́mla ɛgahi kú ɔcɛ́. Ó gē yá olɔhi lɛ ācɛ eko dóódu.

⁴Óndú ā tíne kú ālɔ̄ blakwu úklɔ́ idáagó kú nū nɛ̄hi ā piyóó. Óndú ā gbonɛnɛ, ó klla ī ményinyi ɔ̄cɛ.

⁵Ó gē je ɔdōlé lɛ ācɛ nēe gē yúufi nū ā. Ó gē mlanyī okónu nɛ̄ ó ce ā gbóógbóó ŋ́.

⁶Óndú ā le ɔfú kú nū mafú lɛ ācɛ ɔlɛ́ nū, oŋmá lɛ ajɛ kú aéwɔhá nɛ̄ ó je kpó lɛ uwá kéē lúugwū nū ā.

⁷Ɔ̄cɛ lɔfú lɛ ɔtūce odúúdú ɔdā nɛ̄ Óndú gē yá ā, ó klla le kpaakpa. Ódúúdú íne kú Óndú ā wɛ íne nɛ̄ ɔ̄cɛ gē lɛ ɔtūce ɔ́.

⁸É gē yɔ̄ piyóó ipú ɛcɛ nyā. Ó je íne kú nū ipú ɛyí ō tāajɛ mɛ́mla ucē okpaakpa.

⁹Ó le ācɛ ɔlɛ́ nū nyatá, klla le okónu ce mla uwá piyóó. Óndú tīihɔ, ó klla tūufi nɛ̄ɛ̄nɛ̄hi.

¹⁰ Ojīlīmā mɛ́mla ɛyí ō túwāajɛ lɛ Óndú ā wɛ ohútu kú íjééyī ō jé á. Ó gē yá kú ācɛ nēe lɛyítáajɛ lɛ íne kú nū ā kéē jé ɔdā nōo lɔhi. Ācɛ cíkā ō cɛ̄tra Óndú eko dóódu.