Read idoma AÍJĒ KÚ Ɛ̄GBĀ 114 Bible Online

AÍJĒ KÚ Ɛ̄GBĀ 114 - idoma bible

AÍJĒ KÚ Ɛ̄GBĀ 114

¹ Eko nɛ̄ ācɛ Ísrɛ̄lu nyɛ̄ɛ̄ ŋmá Íjīpiti ā, nɛ̄ ipɔ́ɔma kú Ujékɔ̄pu nyɛ̄ɛ̄ ŋmá ajɛ kú aéwɔhá ɔ́ɔmā ā.

²Ujúda kwú pīya ācɛ nēe wɛ ákú Óndú ōfōōfū nū, Ísrɛ̄lu kwu pīya ajɔ̄ɔ̄cɛ́ kú nū.

³ Ísu igwɛ̄bɛ́ ā pīyeyī lɛ ɔ́ má, le inya kwu, ísu kú Ujɔ́dan kwú hɛ́, í pɛ́ gɛ ŋ́.

⁴Aɛ́fu nɛ̄hi gbɔɔ́ ō hɛ́ɛkwɛ bɛ̄ɛka aómlede ā, aɛ́fu nɛ̄ncɛ́ ā kē hɛ́ɛkwɛ bɛ̄ɛka ayí álá ā.

⁵Ísu, ɔdíyá nāa kwinya nyɛ̄ɛ̄ ā? Awɔ, ísu kú Ujɔ́dan, ɔdíyá nɛ̄ á pɛ́ gɛ ŋ́ mā.

⁶Aɛ́fu nɛ̄hi, ɔdíyá nɛ̄ aá bá ī hɛ́ɛkwɛ bɛ̄ɛka aɛ́wū āa? Aɛ́fu nɛ̄ncɛ́ ɔdí kē yá nɛ̄ aá bá ī hɛ́ɛkwɛ biílí bɛ̄ɛka ayí álá ā?

⁷Ɛcɛ, jíliyē, abɔ̄ Ɔwɔicō kú Ujékɔ̄pu má kwu ajaajɛ ā.

⁸ Anú nōo cɛ̄ lɛ éŋkpɔ̄ pɛ́ wɛ̄ɛcɛ ŋmá ipu ápɛ́tɛ́cɔ̄, klla je ápɛ́tɛ́cɔ̄ pīya njɔlɔ kú éŋkpɔ̄ ā.