Read idoma AÍJĒ KÚ Ɛ̄GBĀ 116 Bible Online

AÍJĒ KÚ Ɛ̄GBĀ 116 - idoma bible

AÍJĒ KÚ Ɛ̄GBĀ 116

¹N géē yíihɔtū tá Óndú ā, ohígbū ka ó ī pó ɔkɔ kú um, ó gē jāhɔ̄ lɛ ikwū nɛ̄ n je tú ɔ̄ kóō tá um abɔ̄ ā.

²Abɔ̄ ó gē jāhɔ̄ gā um ā, n géē hī iyē kú nū eko nɛ̄ n géē yēeyī gaá kwu ā.

³Ikwū le yɛ jīla um tá bɛ̄ɛka ukpa ā. Ɔnɔ kú ikwū kē le um kwú. Ufi gē yá um, ɔtū kú um klla plicō nɛ̄ɛ̄nɛ̄hi.

⁴Anɔ́ɔ n le Óndú, Ɔwɔicō kú um hígwú kahíníī, “Óndú, n gē gbɔ̄ɔkɔ gā uwɔ, lɛ um nyatá.”

⁵Óndú ā gbonɛnɛ, klla lɔhi. Ɔwɔicō kú alɔ ī ményinyi.

⁶Óndú ā gē gbō ācɛ nēé lɛ ɔ̄cɛ o tá uwā abɔ̄ ŋ́ má. Eko nɛ̄ n yɔ̄ ipú unwalu ā, ó le um nyatá.

⁷Abālɔbányā, n lɔfú mlɛ́nyɔ́ mɛ́ɛnɛ, ohígbū ka Óndú ā le ɔdā olɔhi yá gā um ɛɛ́.

⁸Óndú, a le um nyatá ŋmá ikwū, le agīje nya ŋmá um eyī, ó klla cɛ̄ lɛ uwá yá um lé ŋ́.

⁹N géē lā ipú ɛcɛ nyā nɛ̄ ācɛ lā ā, cɛ́ɛ́ kú n̄ yɛ kwu uwɔ ajaajɛ.

¹⁰ N klla ī kpɔ́tūce kpɔ́, nááná nɛ̄ n da iyī um kahíníī, “N jɔ́ɔnɔ nɛ̄hi,” ā.

¹¹Ipú ufi kú um, n klla kahíníī, “Ɔlɛɛcɛ dúúmā í tōō lɛ ɔtūce ɔ́ ŋ́.”

¹²Ɔdí nɛ̄ n géē je lɛ Óndú ā ohígbū aɔ́dā olɔhi kpɛ́mm nɛ̄ ó yá gā um āā?

¹³N géē bī ejé lɛ gbā ɔ̄ ɛ̄gbā, n klla í tá ɔ̄ ahínyá ohígbū ka ó le um nyatá.

¹⁴N géē je ɔdā nɛ̄ n le hɛ́ Óndú ā oji ā lɛ ɔ́ ipéeyī kú odúúdú ojila kú ācɛ ɔlɛ́ nū.

¹⁵Ó gē kwú Óndú ā iyē nɛ̄hi, eko nɛ̄ ɔ̄cɛ ɔlɛ́ nū o yá ucē okpaakpa gēkwú.

¹⁶Óndú, n wɛ ɔ̄cocɛ̄hɔ̄ kú uwɔ nɛ, n gē cɛ̄ uwɔ ɛhɔ̄ ɛ́gɛ́nɛ̄ ɛ́nɛ́ um cɛ̄ uwɔ ɛhɔ̄ ā. A lɛ um nyatá ŋmá ikwū ɛɛ́.

¹⁷N géē gwɛ́ɛya kú n̄ tá uwɔ ahínyá, n klla í gbɔ̄ɔkɔ gā uwɔ.

¹⁸N géē yá ɔdā nɛ̄ n hɛ́ uwɔ oji nū ā gā awɔ, ipéyī odúúdú ójila kú ācɛ kú ɔlɛ́ uwɔ,

¹⁹ipú Agblīihɔ-nɛ̄hi kú uwɔ ipú Ujerúsālɛm. Aá cɛ̄tra Óndú ā!