Read idoma AÍJĒ KÚ Ɛ̄GBĀ 120 Bible Online

AÍJĒ KÚ Ɛ̄GBĀ 120 - idoma bible

AÍJĒ KÚ Ɛ̄GBĀ 120

¹Eko nɛ̄ n yɔ̄ ipú unwalu ā, n le ikwū je klá Óndú ā kóō tá um abɔ̄. Ó kē le ohi tú um, kē le um tábɔ̄.

²“Óndú, lɛ um nyatá ŋmá abɔ̄ ācokɛ̄mgbɛ̄ mɛ́mla abɔ̄ kú ācoplɔ́ɔ̄cɛ ā.”

³Aá nēe wɛ ācokɛ̄mgbɛ̄ ā, Ɔwɔicō géē yá odée nōo í kwá ācɛ iyē nɛ̄hi. Ó géē yá aá italā pií.

⁴O ŋmá lɛ o tá ɔyī olulé cɛ̄ aá, mɛ́mla o bī ahɔ̄lá lɛ yi aá ɔlá.

⁵O bɔ̄bí gā um abɔ̄ n lā ipú aá bɛ̄ɛka ɔ̄cɛ nōo lā ipú ācɛ olɔnɔtū kú Umɛ́ssɛ̄ki ámāŋ ipú ācɛ kú Ukéda ā.

⁶N le lā gbojī nɛ̄hi mla ācɛ nɛ̄ ɛbɔ́ í he uwá ɔtū ŋ́ mā ɛɛ́.

⁷Eko dúúmā nɛ̄ n le ka kú ācɛ kéē lā ɛbɔ́ nɛɛ, uwá ā bá ī dɔɔ̄ka kú ācɛ kéē kpɛ́fú.