Read idoma AÍJĒ KÚ Ɛ̄GBĀ 121 Bible Online

AÍJĒ KÚ Ɛ̄GBĀ 121 - idoma bible

AÍJĒ KÚ Ɛ̄GBĀ 121

¹N je eyī gicō má aɛ́fu ā, iní nɛ̄ ɔ̄cɛ nōo í tá um abɔ̄ ā géē wā ŋmá ā?

²Óndú nōo yá ɔkpáncō mɛ́mla ɛcɛ nyā, ofōōfūnū tá um abɔ̄ glá á.

³Ó gaá cɛ̄ lɛ iyɔ̄ɔnɔ kwú uwɔ ŋ́, ɔ̄cɛ nōo gē gbó uwɔ ā, í gē gbiyɔ̄lā ŋ́.

⁴Ɔ̄cɛ nōo gbō Ísrɛ̄lu ā, í gē gbiyɔ̄lā cɛɛyí ŋ́, amáŋ ó gē leyī gwɛcɛ gɛɛ.

⁵Óndú ā gē gbō uwɔ á. Ó yɔ̄ pī uwɔ ajaajɛ kóō gbō uwɔ.

⁶Ɛnɔ í gáā yi uwɔ ɔlá ɔlɛ́ɛnɔ ŋ́, ɛ́ɛ́ nɛ̄ ɔyā ī yá uwɔ ɔdā dúúmā otú ŋ́.

⁷Óndú ā géē gbō uwɔ ŋmá ɛgiyí ɔdōbɔ̄bí dóódu, ó gē lɛ oyēeyī kú uwɔ tū ɛbɔ́.

⁸Óndú ā géē gbō uwɔ, eko nāa gē ga ɛcɛ mɛ́mla eko nāa gē wā ɔlɛ́, ŋmá abālɔbányā jāā kwu eko nōó gē mɛ ŋ́ ipú ɛcɛ nyā.